பிரதமரின் விவசாயிகள் ஆதரவு திட்டம் என்பது மத்திய அரசின் திட்டமாகும். நாடு முழுவதும் சொந்த நிலம் வைத்துள்ள விவசாய குடும்பத்தினருக்கு நிதியுதவி  அளிப்பதற்காக இத்திட்டம் செயல்படுத்தப்படுகிறது.  வேளாண் மற்றும் அதுசார்ந்த பணிகளுக்கான செலவுகளை எதிர்கொள்ள இத்தொகை அளிக்கப்படுகிறது.  அதன்படி ஆண்டுதோறும் 3 தவணைகளாக 4 மாதங்களுக்கு ஒருமுறை 2000 ரூபாய்  நேரடியாக அவர்களது வங்கி கணக்கிற்கு செலுத்தப்படுகிறது.  மேற்கு வங்க மாநிலம் கடந்த 2021-ம் ஆண்டு இத்திட்டத்தில் சேர்ந்தது.

மேற்கு வங்கத்தில் வேளாண் கட்டமைப்பு நிதியின் கீழ் 209 திட்டங்களுக்கு 109 கோடி ரூபாய் வழங்க ஒப்புதல் அளிக்கப்பட்டுள்ளது.  டார்ஜிலிங் மாவட்டத்தில் 3 திட்டங்கள் 98 லட்ச ரூபாயிலும், கலிம்போங் மாவட்டத்தில் 2 திட்டங்கள் 51 லட்சம் ரூபாயிலும் நிறைவேற்ற ஒப்புதல் வழங்கப்பட்டுள்ளது.

மக்களவையில் இது குறித்த கேள்விக்கு எழுத்து பூர்வமாக பதில் அளித்த போது மத்திய வேளாண் துறை அமைச்சர் திரு நரேந்திர சிங் தோமர் கூறினார்.

***************

(Release ID: 1810940) Visitor Counter : 185