کوئلہ، کانکنی اور پارلیمانی امور کے مرکزی وزیر جناب پرہلاد جوشی نے  آج راجیہ سبھا میں  ایک تحریری سوال کے  جواب  میں بتایا کہ کول انڈیا لمیٹڈ ( سی آئی ایل) نے  مہندی کول فیلڈس لمیٹڈ (ایم سی ایل)  سمیت اپنے ذیلی اداروں میں ای- نگرانی  جیسے  سی سی ٹی وی نگرانی اور  جی پی ایس پر مبنی وی ٹی ایس سسٹم کو نصب کیا  ہے تاکہ ان پلانٹوں پر کوئلے  کے کام کاج کی جانچ کی جاسکے۔

سنگریننگ کولیریز کمپنی لمیٹڈ (ایس سی سی ایل) نے تما م کانکنی کے مقامات  پر گاڑیوں کو ٹریک کرنے کا نظام (وی ٹی ایس) کا نفاذ کیا ہے تاکہ ترسیل کے مقامات پر کانکنی  سے کوئلے کی نقل وحرکت کی نگرانی کی جاسکے۔ تمام رجسٹرڈ گاڑیوں کو آر ایف آئی ڈی ٹیگس، جی پی ایس آلات  فراہم کئے گئے ہیں۔ گاڑیوں کی نقل وحرکت کی نگرانی  جی پی ایس کی مدد سے کی جائے گی اور  کسی بھی خلاف ورزی کی صورت میں  تمام علاقوں میں نگرانی کے مقصد سے قائم  کنٹرول روم سے فوری رابطہ کیا جائے گا۔ دفاتر، کانکنی کے لوڈنگ کے مقامات، ویج برج ، سی ایچ  پی  سمیت اہم مقامات  پر سی سی ٹی  وی کیمرہ نصب کیا گیا ہے، تاکہ  ٹرکوں نقل وحرکت کی  نگرانی  کی جاسکے۔ اس کے علاوہ  تمام چیک پوسٹوں پر  سی سی ٹی وی کیمرے  نصب کئے گئے ہیں۔

جی پی ایس پر  مبنی  وی ٹی ایس نظام کے ذریعہ ای- نگرانی  کو  کوئلے  کے نقل وحمل کی آمد ورفت پر  نظر رکھنے کے لئے  سی آئی ایل کے ذیلی اداروں میں فراہم کیا گیا ہے۔ ذیلی اداروں سے متعلق تفصیلات ذیل میں دی گئی ہے:

سی سی ٹی وی نگرانی اور جی پی ایس پر مبنی وی ٹی ایس  نظام

ذیلی ادارے کی کمپنی	کل سی سی  ٹی وی کیمرے، حساس مقامات یعنی  ویج برج، سائڈنگ، ورکشاپ، دفاتر اور اسٹور کے علاوہ کوئلہ کے اسٹاک پر  لگائے گئے ہیں	جی پی ایس پر مبنی  وی ٹی  ایس نظام کے ساتھ تعینات کی گئیں  گاڑیوں کی تعداد
ایم سی ایل	973	2504
سی سی ایل	1640	3150
این سی ایل	733	531
ڈبلیو سی ایل	608	1370
بی سی سی ایل	602	583
ای سی ایل	1337	1002
ایس ای سی ایل	1305	1095
میزان	7198	10235

گوداوری وادی  کول فیلڈس کے  ایس سی سی ایل کمانڈ علاقے میں کسی طرح کی  کوئی  غیر قانونی  کانکنی  کا کام  انجام  نہیں دیا جا رہا ہے۔ گاڑیوں کو ٹریک کرنے کا نظام  کوئلے کی غیر مجاز نقل وحمل کو روکنے میں کارآمد ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح-ع ح- ق ر)

(29-03-2022)

U-3400

(ریلیز آئی ڈی: 1810884) وزیٹر کاؤنٹر : 124