ফৌ অসি ভারত্তা য়াম্না থাবা মহৈ-মরোংগী মনুংদা অমনি; হায়রিবা অসি অৱাং-নোংপোক্কী মপুং ওইবা শরুক্তা মরুওইবা চিঞ্জাক অমসুনি। থায়নগী চৎনবী খুৎনা থাবা অমসুং লোকপা হৌজিকসু অদুমক চৎনরি। মখোয় অসি পাৎকা নক্না লৈবা মফমদগী অৱাংবা চীংগী চীংমাইদা থায়নদগী চৎনরক্লবা ইরমদমগী ওইবা ফৌ থারি অমসুং মসিনা মখোয়গী চিঞ্জাক অমসুং পুন্সি মহিংগীদমক চৎথনরি।  

শ্রীমতি অর্জুন পুদি চাক্মা, অরুনাচল প্রদেশকী, দিয়ুনদা লৈবা, জ্যোৎস্নাপুর II খুঙ্গংগী, উজেবোং এন.এ.আর.এম.জি.দা লৈবা শ্রী চিত্রা বহু চাক্মাগী মচানুপীনি। ইমুং-মনুংগী মরমদগী ময়ুম লৈতবা অমা ওইরি। ইমুংগী শেন্মিৎলোনগী ফিভম অসি অদুক্কী মতিক হায়নিংঙাই লৈতনা ৱাখি। হেন্না শাফবা পুন্সি মহিংগী আশা অমত্তা য়াওদনা, মহাক্কী পুন্সি অসি খুদোংথিবা অমা ওইখি। থা অমগী মতুংদা, মহাক্কী মরী-মতাশিংনা য়ুম মচা অমা শান্ননবা মতেং পাংবিখি।  

লুখ্রাবী ওইবা অমসুং মথন্তা শেল তানবা ওইবনা, মহাক্না মহাক্কী ইমুং পুবদা য়াম্না অৱাবা অমা ওইখি। মহাক্না নোংমগী খুৎশুমলদা থবক শুবা হৌখি, অমদি নোংমদা শুপ্নতগী লুপা ১০০/- নত্ত্রগা ১৫০/- খক্তমক শিজিন্নবা কোন্নদনা তানখি। পৈশা খরা অসিনা, মহাক্না মহাক্কী ইমুং-মনুংগী অৱাৎ-অপা মেনবা কোন্নরমদে।

এন.ই.আর.সি.আর.এম.এস.না ২০১৮দা খুঙ্গং অসিদা লাকপদগী, উজেবোং এন.এ.আর.এম.জি.দগী এন.এ.আর.এম.জি.গী মেম্বর খুদিংমক্না এন.ই.আর.সি.আর.এম.এস. থবক-থৌরমশিংগী মখাদা লুপা ৩৮০০০/-গী শেনফম ওইবা চেংগী মিল (স্কেল মচা) অমা মঙোন্দা মতেং পাংবা য়ানখি।

চেংগী মিল অসিদগী মহাক্কী থাগী ইনকম অসি থা অমদা লুপা ৬,০০০/- ওইরি। মহাক্না মহাক্কী মচানুপী অনি মখোয়বু স্কুল থাবা অমসুং ইমুং-মনুংগী মতেং পাংলি। মহাক হৌজিক্তি হিংবদা ফিভম চানা লৈরে অমসুং মহাক্কী ব্যুজিনেস অসিবু চাউথোক্নবা লেপ্পা লৈতনা হোৎনরী।

*********

(Release ID: 1810698) Visitor Counter : 137