মেন্তেল দিসওদরশিংগী পোৎলুম অসি হন্থনবা, ভারত সরকারনা ১৯৮২দগী হৌদুনা নেসনেল মেন্তেল হেল্থ প্রোগ্রাম চৎনদুনা লাক্লি৷ সরকারনা লৈবাক অসিগী জিলা ৭০৪দা এন.এম.ঐচ.পি.গী মখাদা চৎনরিবা দিস্ত্রিক মেন্তেল হেল্থ প্রোগ্রাম (দি.এম.ঐচ.পি.) চৎনবদা মতেং পাংলি৷ ৱাখলগী অনাবশিংগী মরমদা মীয়াম মরক্তা এৱার্নেস শন্দোক্নবা, ইনফোর্মেসন, এজুকেসন অমসুং কম্ম্যুনিকেসন এক্তিবিতীশিং (আই.ই.সি.) অসি এন.এম.ঐচ.পি.গী শেৎতোক্নবা য়াদ্রবা শরুক ওইরি৷ জিলাগী থাক্তা, আই.ই.সি. অমদি কম্ম্যুনিতী, স্কুলশিং, থবক শুফমশিংদা এৱার্নেস শন্দোকপগী থবকশিং পাংথোক্নবগীদমক ফন্দশিং মরাং কাইনা নেসনেল রুরেল মিসনগী মখাদা লৈরিবা দি.এম.ঐচ.পি.গী মখাদা পীথরি৷

মখাতানা, কোবিদ-১৯না মীয়ামগী হকশেলদা অকাইবা পীবা য়াই হায়বগী শাফু অসি খঙলদুনা, সরকারনা মখাগীশিং অসি য়াওনা ইনিসিয়েতিব কয়া অমা লৌখৎখ্রে -

1. তোঙান তোঙানবা তার্গেৎ গ্রুপশিংনি হায়না খায়দোক্তুনা থম্লিবশিং ফিভম শোকহল্লবা মীয়ামশিং হায়বদি অঙাংশিং, অহল ওইরবশিং, নুপীশিং অমদি হেল্থ ৱার্করশিংদা মেন্তেল হেল্থ প্রোফেসনেলশিংনা সাইকোলোজিকেল সপোর্ত পীনবা ২৪/৭ হেল্পলাইন অমা শেমগৎপা৷
2. সমাজ অসিগী তোঙান তোঙানবা সেগমেন্তশিংদা থেংনহল্লিবা মেন্তেল হেল্থ ইসুশিং অসি থেংননবা গাইদলাইনশিং/এদভাইজরীশিং ফোংবা৷
3. স্ত্রেস অমসুং খোইরাংববু থেংননবা ক্রেতিব অমসুং ওদিও-বিজ্যুল মেতরিএলশিংগী মওংদা তোঙান তোঙানবা মেদিয়া প্লেতফোর্মশিংগী খুৎথাংদা মীচং শৌগৎপা অমদি ময়ামগীদমক সপোর্ত অমসুং কেয়রগী এনবাইরোনমেন্ত অমা য়োকখৎপা৷
4. নেসনেল ইন্সতিত্যুত ওফ মেন্তেল হেল্থ এন্দ ন্যুরোসাইন্সেস (এন.আই.এম.ঐচ.এ.এন.এস.), বেঙ্গালুরুনা অকুপ্পা গাইদলাইনশিং—“কোবিদ-১৯ লাইনা-লাইচৎকী মতমশিংদা লৈরিবা মেন্তেল হেল্থ-জেনেরেল মেদিসিনগীদমক লমজিংবা অমদি স্পেসিয়েলাইজ  মেন্তেল হেল্থ কেয়র সেত্তিংশিং থম্বা” ইসু তৌবা অমদি শন্দোকপা৷
5. গাইদলাইনশিং, এদভাইজরীশিং অমদি এদবোকেসী মেতরিএল পুম্নমক “বিহেবিয়রেল হেল্থ-সাইকোসোসিএল হেল্পলাইন”গী মখাদা হকশেল অমদি য়াইফ য়ুম্বাল মন্ত্রালয়গী ৱেবসাইত  (https://www.mohfw.goin/ )তা য়েংবা য়াগনি৷
6. সাইকোসোসিএল সপোর্ত পীবদা অমদি (আই.জি.ও.তি.)-দিক্সা প্লেতফোর্মগী খুৎথাংদা ত্রেনিং পীবদা এন.আই.এম.ঐচ.এ.এন.এস.না হেল্থ ৱার্করশিংগী ওনলাইন কেপাসিতী শেমগৎপা৷

মথক্তা পল্লিবশিং অসিগী মথক্তা,  লৈবাক অসিদা ক্বালিতী লৈবা মেন্তেল হেল্থ কাউন্সিলিং পীবা অমদি কেয়র সর্ভিসশিং পীবা মখাতানা হেনগৎনবা সরকার অসিনা ২০২২-২৩গী বজেৎতা “নেসনেল তেলি মেন্তেল হেল্থ প্রোগ্রাম” অমা লাওথোকখি৷

মেন্তেল হেল্থদা মতেং পাংনবা শেম শাদুনা লৈনবা অমদি মেন্তেল হেল্থ ইসুশিংগী মরমদা এৱার্নেস শন্দোক্নবা অমদি মেন্তেল হেল্থবু কোইশিন্দুনা থম্লিবা সোসিএল স্তিগমাগী মাইয়োক্তা লেপ্নবগী পান্দমদা, ওক্তোবর ১০বু চহি খুদিংগী ৱার্ল্দ মেন্তেল হেল্থ দে ওইনা পাংথোক্লি৷

ৱারোল অসি ঙসি লোক সভাদা হকশেল অমদি য়াইফ-য়ুম্বালগী কেন্দ্রগী রাজ্য মন্ত্রী দা. ভারতি প্রবিন পৱারনা অইবা পাউখুম অমদা পীখিবনি৷

******

(Release ID: 1809971)