محکمہ اسکول تعلیم و خواندگی نے اساتذہ کی تربیت کے اپنے مربوط پروگرام کو ڈیجیٹل بنایا ہے جسے نشٹھا یعنی اسکول سربراہوں اور اساتذہ کی مجموعی ترقی کے لیے قومی پہل کہا جاتا ہے۔ ابتدائی اساتذہ کے لیے نشٹھا آن لائن کا آغاز 06 اکتوبر 2020 کو این سی ای آر ٹی نے ڈی آئی سی ایچ اے پلیٹ فارم پر کیا تھا اور اس کے تحت تقریباً 24 لاکھ اساتذہ/اسکول سربراہوں کو شامل کیا گیا ہے۔

2021-22 میں نشٹھا آن لائن کو ثانوی سطح (نشٹھا 2.0) اور سیکنڈری، پری پرائمری اور پرائمری کے لیے بالترتیب فاؤنڈیشنل لٹریسی اینڈ نیومِریسی (نشٹھا 3.0) تک بڑھا دیا گیا ہے جس میں اساتذہ کے معیار میں بہتری اور طلبہ کے سیکھنے کے نتائج پر توجہ مرکوز کی گئی ہے۔

این سی ای آر ٹی نے ایک پیکیج تیار کیا ہے جس میں 12 جنریک ماڈیول اور 56 مضامین کے مخصوص ماڈیول شامل ہیں جو نشٹھا 2.0 (ثانوی سطح) اور ڈی آئی کے ایس ایچ اے پورٹل پر آن لائن نشٹھا 3.0 کے تحت بنیادی خواندگی اور اعداد و شمار کے لیے 12 ماڈیول شامل ہیں۔

سی آئی ای ٹی- این سی ای آر ٹی نے مختلف آئی سی ٹی ٹولز، قومی سطح پر ڈیجیٹل اقدامات، تعلیمی ٹیکنالوجی میں ابھرتے ہوئے رجحانات، سائبر سیفٹی اور سیکورٹی پر اساتذہ، طلبہ اور دیگر اسٹیک ہولڈرز پر توجہ مرکوز کرتے ہوئے ایک ویبینار سیریز کا آغاز کیا۔ انگریزی اور ہندی میں مختلف قسم کے سیشن براہ راست منعقد کیے گئے ہیں جو یوٹیوب کے ذریعے این سی ای آر ٹی کے آفیشل یوٹیوب چینل کے ساتھ ساتھ 12 پی ایم ای ودیا ڈی ٹی ایچ ٹی وی چینلز اور جیو ٹی وی موبائل ایپ پر براہ راست منعقد کیے گئے ہیں۔ اب تک سیکھنے اور تشخیص کی تدریس کے لیے آئی سی ٹی ٹولز پر ایک گھنٹے کے تقریباً 540 لائیو سیشن کا انعقاد کیا گیا ہے۔ آسان حوالے کے لیے ایک ذخیرہ بھی بنایا گیا ہے اور اس لنک سے رسائی حاصل کی جاسکتی ہے:  https: //ciet.nic.in/pages.php?id=webinar&ln=en

اس کے علاوہ ہر ماہ کے آخری ہفتے میں ای ٹی اور آئی سی ٹی سے متعلق شعبوں پر آن لائن سیشن منعقد کیے جاتے ہیں۔ اس طرح کی تقریباً 7 تربیتوں کا انعقاد کیا گیا ہے۔ ان سیشنوں کی تفصیلات کی رسائی یہاں حاصل کی جاسکتی ہے: https: //ciet.nic.in/workshop-training.php?&ln=en

سی آئی ای ٹی- این سی ای آر ٹی نے اٹل ٹنکرنگ مشن، نیتی آیوگ کے تعاون سے سیکھنے کی تعلیم کے لیے کھیل پر مبنی مواد تیار کرنے کے سلسلے میں 10 دن کی تربیت کا انعقاد کیا ہے۔ تفصیلات تک https: //ciet.nic.in/workshop-ddge.php پر رسائی حاصل کی جاسکتی ہے۔

آن لائن تربیت کے علاوہ آن لائن کورس ماڈیول سی ڈی اے سی میٹی، سی ای ایم سی اے- کول، اے ٹی اے ایل مشن، یونیسکو، یونیسیف مائیکروسافٹ وغیرہ کے تعاون سے تیار کیے جاتے ہیں۔

وزارت تعلیم نے ڈیجیٹل/آن لائن تعلیم سے متعلق پرگیتا رہ نما خطوط بھی جاری کیے ہیں۔ رہ نما خطوط بہتر معیار کی آن لائن تعلیم کو آگے بڑھانے کے لیے ایک روڈ میپ یا اشارے فراہم کرتے ہیں۔ یہ اسکول کے سربراہوں، اساتذہ، والدین، اساتذہ کے ماہرین تعلیم اور طلبہ سمیت اسٹیک ہولڈرز کے متنوع گروہ کے لیے مفید ہے۔ رہ نما خطوط کی رسائی یہاں سے حاصل کی جا سکتی ہے:

https: //www.education.gov.in/sites/upload_files/mhrd/files/pragyata-guidelines_0.pdf

یہ معلومات وزیر مملکت برائے تعلیم محترمہ انپورنا دیوی نے آج راجیہ سبھا میں ایک تحریری جواب میں دی ہیں۔

***

(ش ح - ع ا- ع ر)

U. No. 3090

(Release ID: 1808868)