രാസവസ്തു, രാസവളം മന്ത്രാലയം
ഹിന്ദുസ്ഥാൻ ഉർവരകിന്റെയും രസായൻ ലിമിറ്റഡിന്റെയും മൂന്ന് യൂണിറ്റുകൾക്കായി 2012-ലെ പുതിയ നിക്ഷേപ നയത്തിന്റെ പ്രയോഗക്ഷമത നീട്ടുന്നതിന് കേന്ദ്ര മന്ത്രിസഭയുടെ അംഗീകാരം
Posted On:
22 MAR 2022 2:43PM by PIB Thiruvananthpuram
ഹിന്ദുസ്ഥാൻ ഉർവരക് & രസായൻ ലിമിറ്റഡിന്റെ മൂന്ന് യൂണിറ്റുകൾക്കായി 2012 ലെ പുതിയ നിക്ഷേപ നയം ബാധകമാക്കുന്നത് നീട്ടുന്നതിനുള്ള രാസവള വകുപ്പിന്റെ നിർദ്ദേശത്തിന് പ്രധാനമന്ത്രി ശ്രീ. നരേന്ദ്ര മോദി അധ്യക്ഷനായ കേന്ദ്ര മന്ത്രിസഭയുടെ സാമ്പത്തിക കാര്യ സമിതി അംഗീകാരം നൽകി. ഗോരഖ്പൂർ, സിന്ദ്രി, ബറൗനി എന്നിവയാണ് ഈ മൂന്നു യൂണിറ്റുകൾ .
എച് യു ആർ എൽ , 2016 ജൂൺ 15-ന് സംയോജിപ്പിച്ച എച് യു ആർ എൽ, കോൾ ഇന്ത്യ ലിമിറ്റഡ് , എൻ ടി പി സി ലിമിറ്റഡ് , ഇന്ത്യൻ ഓയിൽ കോർപ്പറേഷൻ എന്നിവയുടെ സംയുക്ത സംരംഭമാണ്. പ്രതിവർഷം 12.7 ലക്ഷം മെട്രിക് ടൺ വീതം സ്ഥാപിത ശേഷിയുള്ള പുതിയ ഗ്യാസ് അധിഷ്ഠിത യൂറിയ പ്ലാന്റുകൾ സ്ഥാപിച്ച് എച് യു ആർ എൽ, എഫ് സി ഐ എൽ -ന്റെ പഴയ ഗോരഖ്പൂർ, സിന്ദ്രി യൂണിറ്റുകളും ജി എഫ് സി എല്ലിന്റെ ബറൗണി യൂണിറ്റും പുനരുജ്ജീവിപ്പിക്കുന്നു. മൂന്ന് എച് യു ആർ എൽ യൂറിയ പദ്ധതികളുടെ ചെലവ് . 25.120 കോടി രൂപയാണ് . എച് യു ആർ എൽ-ന്റെ ഈ മൂന്ന് യൂണിറ്റുകളിലേക്കും ഗെയിൽ പ്രകൃതി വാതകം വിതരണം ചെയ്യുന്നു.
യൂറിയ മേഖലയിൽ സ്വയംപര്യാപ്തത കൈവരിക്കുന്നതിനായി എസ സി ഐ എൽ / എച് എഫ് സി എൽ -ന്റെ അടച്ചുപൂട്ടിയ യൂറിയ യൂണിറ്റുകളെ പുനരുജ്ജീവിപ്പിക്കാൻ ഗവണ്മെന്റ് എടുത്ത മുൻകൈയുടെ ഭാഗമാണ് അത്യാധുനിക അധിഷ്ഠിത എച് യു ആർ എൽ പ്ലാന്റുകൾ. മൂന്ന് യൂണിറ്റുകൾ കമ്മീഷൻ ചെയ്യുന്നത് രാജ്യത്ത് പ്രതിവർഷം 38.1 ലക്ഷം മെട്രിക് ടൺ തദ്ദേശീയ യൂറിയ ഉൽപ്പാദനം കൂട്ടിച്ചേർക്കുകയും യൂറിയ ഉൽപ്പാദനത്തിൽ ഇന്ത്യയെ ‘സ്വയം പര്യാപ്തമാക്കാനുള്ള പ്രധാനമന്ത്രിയുടെ കാഴ്ചപ്പാട് സാക്ഷാത്കരിക്കാൻ സഹായിക്കുകയും ചെയ്യും. പദ്ധതി കർഷകർക്ക് വളത്തിന്റെ ലഭ്യത മെച്ചപ്പെടുത്തുക മാത്രമല്ല, രാജ്യത്തിന്റെ ഭക്ഷ്യസുരക്ഷ ഉറപ്പാക്കുന്നതിനൊപ്പം റോഡുകൾ, റെയിൽവേ, അനുബന്ധ വ്യവസായം തുടങ്ങിയ അടിസ്ഥാന സൗകര്യ വികസനം ഉൾപ്പെടെ മേഖലയിലെ സമ്പദ്വ്യവസ്ഥയ്ക്ക് ഉത്തേജനം നൽകുകയും ചെയ്യും.
മൂന്ന് എച് യു ആർ എൽ യൂണിറ്റുകൾക്കും ഡിസിഎസ് (ഡിസ്ട്രിബ്യൂട്ടഡ് കൺട്രോൾ സിസ്റ്റം), ഇ എസ ഡി (എമർജൻസി ഷട്ട്ഡൗൺ സിസ്റ്റം), എൻവയോൺമെന്റ് മോണിറ്ററിംഗ് സിസ്റ്റങ്ങൾ എന്നിവയുള്ള അത്യാധുനിക ബ്ലാസ്റ്റ് പ്രൂഫ് കൺട്രോൾ റൂം എന്നിങ്ങനെ വിവിധ സവിശേഷ സവിശേഷതകൾ ഉണ്ട്. ഈ പ്ലാന്റുകളിൽ ഓഫ്സൈറ്റ് മലിനജലം നീക്കം ചെയ്യുന്നില്ല. വളരെ പ്രചോദിതരായ, അർപ്പണബോധമുള്ള, നല്ല പരിശീലനം ലഭിച്ച ഓപ്പറേറ്റർമാരാണ് സിസ്റ്റങ്ങൾ പ്രവർത്തിപ്പിക്കുന്നത്. എച് യു ആർ എൽ -ഗോരഖ്പൂർ യൂണിറ്റിൽ 65 മീറ്റർ നീളവും 2 മീറ്റർ ഉയരവുമുള്ള ഇന്ത്യയിലെ ആദ്യത്തെ എയർ ഓപ്പറേറ്റഡ് ബുള്ളഡ് പ്രൂഫ് റബ്ബർ ഡാം ഉണ്ട്.
ഉത്തർപ്രദേശ്, ബീഹാർ, ജാർഖണ്ഡ്, ഛത്തീസ്ഗഡ്, മധ്യപ്രദേശ്, പശ്ചിമ ബംഗാൾ, ഒഡീഷ എന്നീ ഏഴ് സംസ്ഥാനങ്ങളിലെ യൂറിയയുടെ ആവശ്യം നിറവേറ്റാൻ ലക്ഷ്യമിട്ടുള്ള ലോകത്തിലെ ഏറ്റവും മികച്ച സാങ്കേതികവിദ്യകളെ ഈ മൂന്ന് സൗകര്യങ്ങളും സമന്വയിപ്പിക്കുന്നു.
-ND-
(Release ID: 1808172)
Visitor Counter : 162