“ভারতকী কোবিদ মেনেজমেন্ত অসি লীদরশিপ, ইন্নোভেশন, দেদিকেশন, পার্তনর্শিপ, শিয়রিং অমসুং তেক্নোলোজী শিজিন্নবগী ৱারীনি। ৱাফম অসি ঙসি   কেন্দ্রগী হকশেল অমসুং য়াইফ য়ুম্বাল মন্ত্রাী, দা. মন্সুখ মান্দৱিয়ানা “অক্সা – লেসন্স ফ্রোম ইন্দিয়া” হায়বা বিল অমসুং মেলিন্দা গেতস ফাউন্দশন (বি.এম.জি.এফ.)না শিনখিবা থৌরম অমদা মরু ওইবা ৱারোল পীখিবা মতমদা হায়খিবনি। লেবাক্কী মকোকশিং অমসুং দেবেলপমেন্ত পার্তনরশিং খুদম ওইনা দবল্যু, ঐচ.ও. , য়ুনিসেফ, য়ু.এন.দি.পি., য়ু.এস.এ.আই.দি., এ.দি.বি. অমসুং বি.এম.জি.এফ.তগী মীহুৎশিংনা মীফম অসিদা শরুক য়াখি।

থৌরম অদু ভারতকী কোবিদ মেনেজমেন্ত অমসুং ভেক্সিনেশনগী খোংচৎ অসিদগী মরু ওইবা পরাশিং অমসুং এক্সপরিয়েন্সশিং অমসুং খ্বাইদগী হেন্না ফবা প্রক্তিসশিংবু শিয়র তৌনবা শিনখিবনি।

কেন্দ্রগী মন্ত্রীনা “ফেদরেল ওইবা দেমোক্রেসী অমদা কেন্দ্র অমসুং রাজ্যশিংনা পুন্না থবক তৌমিন্নদুনা ভারত অসিবু কোবিদ মেনেজমেন্তকী ফিদম্নিংঙি ওইবা মোদেল অমা ওইনা উৎখি। জন অন্দোলন অমসুং জন ভাগিদারিনা ভারতকী কোবিদ মেনেজমেন্তকী লাল্লোংগী মরু ওইবা য়ুমবীরেলশিংনি” হায়না মহাক্না পনখি। দা. মান্দৱিয়ানা ওদিয়েন্সতা খঙহনখি মদুদি স্তদী কয়া অমনা ভারত্তা লাইচৎ অসিনা শোকহনবগী মতাংদা নিংথিনা খঙদবা প্রেদিক্সনশিং অমসুং এজম্পশনশিং পীখি অদুবু “ভারতকী পপোলিতিকেল লীদরশিপ্না লাইচৎ অসি মেনেজ তৌনমশাগী ওইবা এপ্রোচকা লোইননা খ্বাইদগী হেন্না ফবা মালেম অসিদা চৎনরিবা প্রক্তিসশিং অসিদগী তমদুনা অমসুং পুনশিন্দুনা য়াম্না স্ত্রেতেজিক ওইবা মওংদা য়াম্না মরু ওইবা মতমশিংদা মরু ওইবা খোংথাংশিং লৌখৎখি”।

কোবিদ-১৯গী মায়োক্তা লান্থেংনবদা হেল্থ-কেয়র ৱার্করশিংনা লৌখিখিবা থৌদাং অদুবু য়াম্না থাগৎলদুনা, দা. মান্দৱিয়ানা মখোয়গী মোতিভেশন অমসুং দেদিকেশন অদুবু থাগৎখি। মসিগী মতাংদা, মন্ত্রীনা অঙম্বা মখৈ তৌনবা মখোয়দা প্রধান মন্ত্রীনা থৌগৎখিবা ইন্নোভেতিব ওইবা মওংশিং অদুবুসু পনখি।

কোবিদ-১৯ লাইচৎ অসি লাকশিনবদা সরকারনা হোৎনরিবশিং অদুগী মতাংদা, দা. মান্দৱিয়ানা হায়খি মদুদি মসি “স্তেকহোল্দর কয়া অমা খুদম ওইনা এন.জি.ও.শিং, সি.এস.ও.শিং, ইন্দস্ত্রী, দেবেলপমেন্ত পার্তনরশিংগী অপুনবা এফোর্তনি” করোর ১৮১ হেনবা এদমিনিস্ত্রেশন্না অহুমশুবা ওইনা হেনগৎলকপা অসিগী মেনেজমেন্ততা মাইপাকপদা শরুক য়াখি হায়না মহাক্না মখা তাখি। মহাক্না “জিয়োগ্রাফীশিং অমসুং পোপুলেশনগী চাউরব আদাইভর্সিতী লৈজরবসু, ভারতনা ভেক্সিনেশন দ্রাইবপু পাক শন্না করম্না তৌগনি হায়বা উৎখি” হায়বা ৱাফম অসি মরু ওইনা পনখি।

দা. মান্দৱিয়ানা ভারতকী ইথোসশিং অমসুং চৎনবী ঙাক্না চত্তুনা লৈবাক অসিনা “ঐখোয়গী ভেক্সিনগী তঙাইফদবা ফাওবা মপুং ফানা পীবা ঙমদ্রঙৈদা” মালেমদা কোবিদ-১৯ ভেক্সিনশিং সপ্লাই তৌখি হায়নসু পনখি। “ঐখোয়না নাপল চাউবা লীচৎ চত্তনা ভারতনা পুথোকপা অদুবু শিয়র তৌখি। ঐখোয়না লৈবাক কয়া অমদা ঐচ.সি.ক্যু.গুম্বা হিদাকশিং পীখি। ঐখোয়না ক্বালিতীগী মতাংদা কমপ্রোমাইজ তৌখিদে নত্রগা মমলগী মতাংদা মন্তিক্নখিদে।” হায়নসু মখা তাখি।

কেন্দ্রগী মন্ত্রী অসিনা মখাতানা হায়খি মদুদি “মালেম অসিগী খ্বাইদগী হেন্না ফবা প্রক্তিসশিংদগী ঐখোয়না মতম পুম্বদা তম্নিংবগুম্না ভারতকী সক্সেস স্তোরী অসিনা অতোপ্পা লৈবাকশিংগীদমক্তা মতৌ তমদুনা হেন্না হোৎনহন্নবগী তেকঅৱে অমা পীরি।”

কেন্দ্রগী হেল্থ সেক্রেতরী, স্রী রাজেশ ভুশননা পনখি মদুদি কেন্দ্রগ সরকারনা লাইচৎ অসিনা হেক হৌরকপদগী লৈবাক শিনবা থুংনা ভেক্সিন য়ৌহন্নবা , ভেক্সিন প্রোদক্সনগা লোইন-লোইননা মীয়ামগী মরক্তা ভেক্সিনগী মতাংদা লৈরিবা খৌতক চাবা আয়নচিংবা শিংনবা কয়া অমা কোকহন্নবা প্রোএক্তিব মোদতা থবক তৌখি। ভারতনা ভারতকী মীশিংগী ১৫+কী ৯৬%দা কোবিদ-১৯ ভেক্সিনগী অহানবা দোজ কাপথোকখ্রে আয়না মহাক্না পনখি।

দা. বলরাম ভার্গবা, দি.জি., আই.সি.এম.আর.না খঙহল্লকখি মদুদি ভারতনা ভেক্সিন প্রোদক্সন অমসুং ভেক্সিন দেলিভরীগী মতাংদা মালেম অসিদা মশাগী মশক তাকখ্রে। “অতোপ্পা লাইনাশিংগীদমক্তা মালেম  অসিদা অনৌবা কয়া পুথোক্নবা ভারতকীদমক্তা মমাংদা য়াম্না চাউবা খোংচৎ অমা লৈরি” হায়নসু মহাক্না মখা তাখি।

প্রেজেন্তেশন অমগী কুত্থাংদা, হকশেল মন্ত্রালয়গী জোইন্ত সেক্রেতরী, শ্রী লব অগর্ৱালনা পনখি মদুদি ভরতনা কোবিদ-১৯গী মেনেজমেন্তকীদমক্তা সাইন্তিফিক ওইবা এপ্রোচ অমা পাইখৎখি। মহাক্না সরকারগী এপ্রোচ পুম্নমক, লিংলবা কম্যুনিকেশন স্ত্রেতেজীশিং, দিজিতেল অমসুং তেক্নোলোজীগী ওইবা তুলশিং খ্বাইদগী হেন্না ফবা মওংদা শিজিন্নবা অমসুং গ্রাসরুত হেল্থ ৱার্করশিংগী মাইকৈদগী য়াম্না চাউনা মতেং পাংলকখিবনা ভারতকী মশীংগী ভেক্সিনেশন তৌবদা অরোইবা তাঙ্কক ফাওবা ভারতকী মতেং পাংখি হায়না মহাক্না পনখি।

দা. রোদেরিকো ওফ্রিন, কন্ত্রী দাইরেক্তর, দবল্যু.ঐচ.ও.না ভারত শিনবা থুংনা অশুক য়াম্না চাউরবা ভেক্সিনেশন এক্সরসাইজদা শিজিন্নখিবা মীশিংগী য়াম্লবা মশিং, ভেক্সিনেশন চেন্তরশিং, কোল্দ চেনশিং অমসুং অতোপ্পা মরী লৈনবা নেতৱার্কশিং অদুবু খঙহনখি। মহাক্না লৈবাকঅসিগী ভেক্সিন মেনভুফেকচরিং কেপেবিলিতী অদুবু থাগৎলদুনা হায়খি মদুদি “ভারত অসি মালেম অসিদা ভেক্সিন সুপর পাৱর  অমা ওইরে মরমদি মালেম অসিদা লৈরিবা এন্তিজেনশিংগীদমক্তা ভেক্সিন ৭০% হেন্না ভারত্তা শাই”।

সুকুমারি, শোকো নোদা,  য়ু.এন.দি.পি. রেসিদেন্ত রিপ্রেজেন্তেতিবনা হায়খি মদুদি ভারতকী কোবিদ-১৯ ভেক্সিনেশন দ্রাইব অসি মালেম অসিদা “মপা লৈত্রে”। মহক্না মখাতানা হায়খি মদুদি ভারতকী ভেক্সিনেশন মাইপাকপগী ৱারী অসি লাইচৎ অসিগী শিংনবা অসি মায়োক্নবা ঙম্নবগী মাইকৈদা লৈবাক আসিগী লুচিংবনা উৎখিবা কমিৎমেন্ত অমসুং দাইনামিজমগী মমিনি।

শ্রী য়াসুমাসা কিমুরা, দিপভুতী য়ুনিসেফ ইন্দিয়াগী মীহুৎনা ভারতপু মালেম অসিগী খ্বাইদগী চাউবা ভেক্সিনেশন দ্রাইবকীদমক্তা থাগৎপা ফোংদোকখি। মহাক্না হায়খি মদুদি ভারতকী ভেক্সিনেশন মোদেল অসিনা কোবিদ-১৯ লাইচৎ অসিগী গ্লোবল ত্রাজেক্তরী মশক তাকপদা য়াম্না মরু ওইখি।

সুকুমারি অঞ্জলি কৌর, য়ু.এস.এ.আই.দি., এসিয়াগীদমক্তা দিপ্যুতী এসিস্তেন্ত এদমিনিস্ত্রেতরনা ভারতকী চাউরবা ভেক্সিনেশন এক্সর্সাইজ অসিনা অতোপ্পা লৈবাকশিংগীদমক্তা মোদেল অমা ওইনা উৎলি। মহাক্না মখাতানা হায়খি মদুদি ভারতকী ভেক্সিনেশনগী খোংচৎ অসিনা উৎলি মদুদি ভেক্সিনশিং নিংথিজনা য়েন্থোকপদা পাৱর য়াওহনবা হায়বসি য়াম্না মরুর ওই।

শ্রী তোকিও কোনিশি, এসিয়ন দেবেলপমেন্ত বেঙ্ককী কন্ত্রী দাইরেক্তরনা পনখি মদুদি জিয়োগ্রাফিকেল, কলচরেল অমসুং পোলিতিকেল চেলেঞ্জ অচৌবা অমা লৈজরবসু, ভারতনা শিংনবা কয়া অমা মায়োক্নদুনা মালেম অসিদা রোদমেপ অমা উৎখ্রে। মহাক্না সরকারশিং, কম্যুনিতী পার্তিসিপেশনবু থৌগৎলদুনা লাইচৎ অসিগী মায়োক্তা মখোয়গী মল্তি-স্ত্রেতেজী ফোকসদ রেসপোন্সকীদমক্তা থাগৎখি।

দা. খ্রিস এলিয়াস, বি.এম.জি.এফ.কী পরেসিদেন্তনা “কোবিদ-১৯ লাইচৎ লাশিনবগী মাইকৈদা শিংথানিংঙাই ওইবা মওংদা মাইপাকখিবশিং অমসুং য়াম্না থাগৎনিংঙাই ওইবা মওংদা হোৎনখিবশিং অদুগীদমক্তা থাগৎখি”। মহাক্না হায়খি মদুদি “ইন্নোভেশন হায়সি ভেক্সিনশিংগী মতাংদা অসোই-অঙাম য়াওহন্দবগা লোইননা খোংজেলগা খল মান্নহন্নবা রেগুলেতরী দিসিজন্নি, মসিগী মতাংদা ভারতনা য়াম্না প্রোমপ্ত ওইনা অমসুং প্রোএক্তিব ওইনা লৌখৎখি। ভারতনা কোৱিন মীয়ামগী পোৎশক অমা ওইনা দেবেলপ তৌখি, মসিনা ভেক্সিনশিংগী দেলিভরী তৌবগী খোংজেল য়াংখৎহন্নবা মফম অতোপ্পদসু শিজিন্নবা য়াহনগনি”।

****