স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়
এন.ই.আর.দা পি.এম.কে.ভি.ৱাই. ০.৩
Posted On:
21 MAR 2022 4:14PM by PIB Imphal
সরকারনা লুপা করোর ৯৪৮.৯০গী শেনফমগা লোয়ননা নোর্থ ইস্তর্ন রিজন (এন.ই.আর.) য়াওনা লৈবাক শিনবা থুংনা লৈরিবা নহা লাখ ৮.০০ ত্রেন তৌনবা প্রধান মন্ত্রী কৌশাল বিকাস য়োজনা (পি.এম.কে.ভি.ৱাই.)গী অহুমশুবা ফেজ হৌদোকখ্রে।
কোবিদ-১৯ লায়চৎনা মরম ওইদুনা অকায়বা লৈজরবসু, এন.ই.আর. য়াওনা লৈবাক শিনবা থুংনা পি.এম.কে.ভি.ৱাই. ৩.০গী মখাদা ৩১.১২.২০২১ ফাওবদা কেন্দিদেত ৪.৪৫ ত্রেন/ওরেন্তেৎ তৌখ্রে।
মন্ত্রালয় অসিনা থবক্কী থৌদাংশিং মশক খঙদোক্নবা অমসুং মেপ্পিংগী হেক মকোক্তগী চংশিনবা খোঙজংগা লোয়ননা দিমান্দ দ্রাইবন স্কীম অমা ওইনা পি.এম.কে.ভি.ৱাই. ৩.০ দিজাইন তৌরি। পি.এম.কে.ভি.ৱাই. ৩.০গী হান্না লৈখিবা প্রোভিজনগী মতুং ইন্না, দিস্ত্রীক্ত স্কীল কম্মিতী (দি.এস.সি.)না হাপ্লিবা অসিগী ফোকেল পোইন্ত ওইগনি। দি.এস.সি.না দিস্ত্রীক্তকী থাক্তা থৌরাং শেম-শাবা, কেন্দিদেৎকী মোবালাইজেসন অমসুং কাউন্সেলিং, ত্রেনিং বেতস শেম্বা, ক্বালিতী এসুরেন্স য়েংশিনবা অমসুং পোস্ত ত্রেনিং সপোর্তকী মপুং ওইবা থৌদাং লৌগনি।
পি.এম.কে.ভি.ৱাই. ১.০ (২০১৫-১৬) অমসুং ২.০ (২০১৬-২০)গী ইমপ্লিমেন্তেসন্দা তমখিবদা য়ুম্ফম ওইদুনা, হৌজিক রিজনেল/লোকেল থাক্তা ওইরিবা থবক্কী থৌদাংশিংগী দিমান্দ হেনগৎনবা পি.এম.কে.ভি.ৱাই. ৩.০গী মখাদা স্কীম অসিগী ওরেন্তেসন অসি সপ্লাই দ্রাইবনদগীনা দিমান্দ দ্রাইবন্দা হোংদোরক্লি। মসিগী মথক্তা, মশা মথন্তা থবক পীজনবা পান্দম থমদুনা কেন্দিদেৎশিংদা অপাম্বা খঙহনবা অমসুং আসা অমা পীবগী মরুওইবা পীরি। স্কীম অসিনা কেন্দিদেতশিংবু লোকেলগী থবকশিংদা লোকেলগী ওইবা হৈ-শিংবা খলহন্দুনা আত্মানির্ভর ভারতকী মিৎয়েংদা মতেং পীরি।
পাউ অসি স্কীল দিবলপমেন্ত অমসুং এন্তরপ্রিন্যুরশিপকী রাজ্যগী মন্ত্রী শ্রী রাজিব চন্দ্রসেখরনা ঙসি লোক সভাদা অইবা অমা ওইনা পাউখুম পীখিবনি।
*****
(Release ID: 1808002)
Visitor Counter : 102