دیہی  ترقی کی مرکزی وزیر مملکت  محترمہ سادھوی رنجن جیوتی  نے لوک سبھا میں  آج  ایک تحریری  جواب میں  بتایا کہ  پردھان  منتری گرام  سڑک یوجنا  یکم  (پی ایم جی ایس وائی-1) کا آغاز  سبھی  موسموں میں  جاری رہنے والی  ایک واحد سڑک کے ذریعہ دیہی  کنکٹی وٹی فراہم کرنے کے مقصد  سے بر وقت  خصوصی مداخلت سے کیا گیا تھا، تاکہ  جن آبادیوں کو  مربوط  کیا جاسکتا ہے، انہیں  رابطے میں لایا جاسکے۔ اس کے لئے  مردم شماری  2001  میں بتائی گئی آبادی  سے متعلق اعداد وشمار سے مدد لی جاتی ہے۔

 10  مارچ 2022 ، جب سے  اس یوجنا کی شروعات  ہوئی ہے، 250  سے زیادہ  آبادی زمروں میں  157377  آبادیوں کو  منظوری دی گئی ہے  اور ایک  لاکھ 55 ہزار 719  آبادیوں کو  مختلف ریاستوں اور مرکز کے زیر انتظام علاقوں میں کنکٹی وٹی فراہم کی گئی ہے۔ ایل ڈبلیو ای  علاقوں میں  100  سے 249  آبادی  زمرے کے تحت  6 ہزار  260  آبادیوں کو منظوری دی جاچکی ہے  اور 5  ہزار 856  آبادیوں کو کنکٹی وٹی فراہم کی گئی ہے۔ لہذا  99  فیصد  مقررہ آبادیوں کو  10  مارچ 2021  تک سبھی موسموں میں برقرار  رہنے والی سڑک کنکٹی وٹی فراہم کردی  گئی ہے۔ کُل 6 لاکھ 45  ہزار 605  کلو میٹر  لمبی سڑک  کی  اجازت  پی ایم جی ایس وائی کے تحت  دی گئی ہے، جس میں  سے 6  لاکھ 13  ہزار  30 کلو میٹر  لمبی سڑک  10  مارچ  2022  تک  مکمل کی جا چکی ہے۔

جیسے جیسے یہ پروگرام آگے بڑھ رہا ہے، موجودہ  دیہی  سڑک نیٹ ورک کو جامع بنانے  کی ضرورت  محسوس کی جارہی ہے ، تاکہ نہ  صرف  اس کی  استعداد میں اضافہ ہو بلکہ  یہ  سماجی  اقتصادی  ترقی  کا بھی وسیلہ بنے۔ اس کے مطابق 2013  میں  پی ایم جی  ایس وائی -  دوئم کا آغاز  کیا گیا تھا۔ اس کے تحت  سڑکوں  اور  بڑے  دیہی رابطوں کو بہتر بنا کر  کیا گیا تھا، جس کا مقصد مختلف ریاستوں  اور مرکز کے زیر انتظام علاقوں میں  50  ہزار کلو میٹر تک  کا نشانہ پورا کرنا تھا۔ 10  مارچ  2022 ،جب سے  اس پروجیکٹ   کا آغاز ہوا  ہے 49  ہزار 885  کلو میٹر  طویل  سڑک کی منظوری دی جا چکی ہے اور  46  ہزار 468  کلو میٹر  طویل سڑک  پی ایم  جی ایس وائی -  دوئم کے تحت  مکمل کی جا چکی ہے۔

اس کے نتیجے میں 2016  میں بائیں بازو کی انتہا پسندی سے متاثر ہ علاقوں کے لئے سڑک  کنکٹی وٹی پروجیکٹ  شروع کیا گیا۔ اس کے آغاز سے 10  مارچ 2022  تک  10  ہزار 231  کلو میٹر  طویل سڑک  کی منظوری دی گئی اور  5  ہزار 310  کلو میٹر طویل سڑک کی تکمیل کی گئی۔

سال 2019   میں حکومت نے  ایک  لاکھ 25  ہزار کلو میٹر  کی  جامعیت  کے لئے  پی ایم جی ایس وائی –سوئم کا آغاز کیا۔ جس کے تحت  آبادیوں کو گرامین  زرعی  مارکیٹوں  ، ہائر  سیکنڈری  اسکولوں اور اسپتالوں سے  مربوط  بنایا گیا۔ اس کے آغاز  سے اب تک  10  مارچ 2022  تک 77  ہزار  129  کلو میٹر  طویل سڑک  کی منظوری دی گئی اور  29  ہزار  773  کلو میٹر  طویل سڑک  مکمل کی گئی۔

اسکیم پر عمل  در آمد کرتے  ہوئے  زمین کو قبضے میں لینے ، جنگلات سے متعلق منظوری حاصل کرنے، ریاستوں کی  ٹھیکے  دینے کی کم صلاحیت،  ٹینڈرس کی  عدم  دلچسپی ، نظم وضبط  کے معاملات ، ریاستوں کی طرف سے فنڈز  جاری کرنے کی مالی صلاحیت ، ریاستوں کی عمل در آمد کی صلاحیت  جیسی  چنوتیا، راستے میں رکاوٹ بنیں، جن سے  عام طور پر  اسکیم کی مجموعی پیش رفت پر  اثر پڑا۔  شمال مشرقی  اور پہاڑی  ریاستوں کے لئے  خراب موسم کے حالات ، دشوار گزار راستے ، کام کرنے  کے مختصر اوقات  جیسے  کچھ اضافہ معاملات بھی  سامنے آئے، جن کی وجہ سے ان چنوتیوں میں اضافہ ہو گیا۔

در پیش  چیلنجوں کے باوجود  پی ایم جی  ایس وائی  پر پیش رفت  اطمینان بخش  رہی ہے۔ پی ایم  جی ایس وائی (مجموعی) کے تحت  حصولیابیوں کی تفصیلات  اس طرح ہیں:

 

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-اس - ق ر)

U-2891

(Release ID: 1807575) Visitor Counter : 165