کارپوریٹ امور کی وزارت (ایم سی اے) سے دستیاب معلومات کے مطابق دیوالیہ پن اور افلاس  کوڈ 2016 (آئی بی سی) کے تحت کارپوریٹ دیوالیہ پن کے حل کا عمل (سی آئی آر پی) 12 بڑے کھاتوں میں جن کا حوالہ ریزرو بینک آف انڈیا نے دیا تھا، بینکوں کی طرف سے شروع کیا گیا تھا۔ یہ اطلاع مرکزی وزیر مملکت برائے خزانہ ڈاکٹر بھاگوت کسن راؤ کراڈ نے آج راجیہ سبھا میں ایک سوال کے تحریری جواب میں دی۔

مالی قرض دہندگان کے پاس ان کارپوریٹ قرض دہندگان پر 3.45 لاکھ کروڑ روپے کے مجموعی بقایا کے دعوے تھے۔ ان 12 کارپوریٹ قرض دہندگان میں سے 8 کارپوریٹ قرض دہندگان کے سلسلے میں ریزولیوشن پلان منظور کئے گئے ہیں۔ دو کارپوریٹ قرض دہندگان کے سلسلے میں کارپوریٹ دیوالیہ پن کے حل کا عمل  جاری ہے اور دو کارپوریٹ قرض دہندگان خاتمے کے عمل سے گزر رہے ہیں۔

ان کھاتوں میں حل اور تصفیہ کے حوالے سے آٹھ کارپوریٹ قرض دہندگان پر جن کے معاملات مارکیٹ سے چلنے والے کارپوریٹ دیوالیہ پن کے حل کے عمل کے ذریعے حل کئے گئے تھے، مالی قرض دہندگان کیلئے کل 2.26 لاکھ کروڑ روپے واجب الادا تھے۔ جبکہ ان کی لیکویڈیشن ویلیو 0.52 لاکھ کروڑروپے تھی۔ علاوہ ازیں تصفیے کے منظور شدہ منصوبوں کے ذریعے مالیاتی قرض دہندگان کے لئے قابل وصولی قیمت 1.16 لاکھ کروڑ روپے تھی۔ جو کہ لیکویڈیشن ویلیو کا 221 فیصد اور تسلیم شدہ دعوؤں کا 51 فیصد ہے۔

****

 

U.No:2663

ش ح۔رف۔ س ا

(Release ID: 1806280) Visitor Counter : 137