રાષ્ટ્રવ્યાપી આઝાદી કા અમૃત મહોત્સવના ભાગરૂપે, નાયબ મુખ્ય શ્રમ કમિશનર (સેન્ટ્રલ), અમદાવાદ દ્વારા IOCL, ગુજરાત રિફાઇનરી સાથે મળીને શ્રમ જાગૃતિ અભિયાનનું આયોજન કરવામાં આવ્યું હતું. આ કાર્યક્રમનો ઉદ્દેશ્ય મુખ્ય એમ્પ્લોયરો, કોન્ટ્રાક્ટરો, કોન્ટ્રાક્ટ લેબરો અને સ્ટેકહોલ્ડરોને કોન્ટ્રાક્ટ મજૂરોના અધિકારો અને મુખ્ય એમ્પ્લોયરો અને કોન્ટ્રાક્ટરો દ્વારા સુનિશ્ચિત કરવાની ફરજો અને પાલન અંગે જાગૃતિ પેદા કરવાનો અને સંવેદનશીલતા લાવવાનો હતો.

આ કાર્યક્રમનું ઉદ્ઘાટન શ્રી સંજય ભટનાગર, એક્ઝિક્યુટિવ ડિરેક્ટર અને રિફાઈનરી હેડ શ્રી એસ.એસ. ચૌહાણ, ડેપ્યુટી ચીફ લેબર કમિશનર (સેન્ટ્રલ), અમદાવાદ, શ્રી સાગર પ્રધાન, આરએલસી (સેન્ટ્રલ), વડોદરા, શ્રી શોભિત સિંઘલ, પ્રાદેશિક પીએફ કમિશનર– II, EPFO, વડોદરા, શ્રી જે.જે પટેલ, પ્રાદેશિક નિયામક, સેન્ટ્રલ બોર્ડ ફોર વર્કર્સ એજ્યુકેશન, શ્રી મુકુલ વત્સ, ડેપ્યુટી ડાયરેક્ટર, (ESIC), વડોદરા, શ્રી એમ.કે. ગુપ્તા, LEO (સેન્ટ્રલ), વડોદરા, શ્રી અનિલ કુમાર, CGM(HR), શ્રી વિનિત નારાયણ, GM(HR), IOCLના વરિષ્ઠ અધિકારીઓ અને ગુજરાત રિફાઇનરીના મુખ્ય એમ્પ્લોયરો દ્વારા કરવામાં આવ્યું હતું. ગુજરાત રિફાઈનરીમાં 100 થી વધુ કોન્ટ્રાક્ટરો અને કોન્ટ્રાક્ટ લેબરોએ, કોવિડ-19 પ્રોટોકોલ અને સામાજિક અંતરના ધોરણોનું યોગ્ય રીતે પાલન કરતા, શિબિરમાં હાજરી આપી હતી.

પોતાના સંબોધનમાં શ્રી સંજય ભટનાગરે ભારપૂર્વક જણાવ્યું હતું કે IOCL ગુજરાત રિફાઇનરીની રિફાઇનરી અને પ્રોજેક્ટ સાઇટ્સ પર તૈનાત 2000 થી વધુ કર્મચારીઓ અને 4000 કોન્ટ્રાક્ટ મજૂરો સહિત તેના તમામ હિતધારકોની સલામતી, આરોગ્ય અને કલ્યાણની ખાતરી કરવા માટે તમામ પ્રયાસો કરી રહી છે.

આ પ્રસંગે બોલતા, શ્રી એસ.એસ. ચૌહાણે, ડેપ્યુટી સીએલસી (સેન્ટ્રલ), અમદાવાદે તમામ એમ્પ્લોયરો દ્વારા કોન્ટ્રાક્ટ મજૂરોના કલ્યાણ માટે શ્રમ કાયદાના યોગ્ય પાલન પર ભાર મૂક્યો હતો તેમજ તમામ શ્રમ સંબંધિત ફરિયાદોને અગ્રતાના આધારે સંબોધવા વિનંતી કરી હતી.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 1805673) Visitor Counter : 160