এজুকেসন অমসুং স্কিল সেক্তরদা হন্দক্কী কেন্দ্রগী বজেৎ ২০২২না কান্নবা শাফু পীবগী মতাংদা ঙসি পাংথোকখিবা ৱেবিনারদা ৱা ঙাংবদা প্রধান মন্ত্রী, শ্রী নরেন্দ্র মোদীনা “অহোংবা নাইবা জোব রোলগী অপাম্বা লৈবগী মতুং ইন্না লৈবাক্কী ‘দেমোগ্রাফিক দিভিদেন্দ’ শেম্বা হায়বসি য়াম্না তঙাই ফদবনি” হায়না ফোংদোকখ্রে। ৱেবিনার অসিগী মনুংদা, দিজিতেল স্কিলশিংবু মথৌ পাংথোকপা য়াহন্দুনা স্কিল ইকোসীস্তেমদা শরুক য়ানবা পুক্নিং থৌগৎনবগীদমক্তা স্কিল দিভেলপমেন্ত অমসুং ওন্তোপ্রিনর্শিপ মন্ত্রালয় (এম.এস.দি.ই.)না দিপার্তমেন্ত ওফ প্রোমোসন ফোর ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.) অমসুং তুরিজম মন্ত্রালয়না শরুক য়াদুনা ‘ইন্দস্ত্রী-স্কিলগী অচেৎপা মরী লৈহনবা’ হায়বগী থীমদা সেসন অমা পাংথোকখি। ৱেবিনার অসিদা সরকারগী ওফিসিএল, ইন্দস্ত্রী এক্সপর্ত অমসুং মরু ওইবা লুপশিংগী মীহুৎশিংনা শরুক য়াখি।

এম.এস.দি.ই.না লুচিংদুনা পাংথোকপা ৱেবিনার অসিবু শ্রী রাজেশ অগর্ৱাল, এম.এস.দি.ই.গী সেক্রেতরী; শ্রী অনুরাগ জেন, দি.পি.আই.আই.তি.গী সেক্রেতরী অমসুং শ্রী জি. কমলা ভর্ধনা রাও, তুরিজম মন্ত্রালয়গী দাইরেক্তর জেনেরেলনা পুন্না লুচিংমিন্নখি। সেসন অসিগী পেনেলিস্তশিংনা শ্রী এন.এস. কালসি, নেস্নেল কাউন্সিল ফোর ভোকেস্নেল এজুকেসন এন্দ ত্রেনিং (এন.সি.ভি.ই.তি.)গী চেয়র্মেন; শ্রী অম্বে দুবে, সিভিল এভিএসন মন্ত্রালয়গী জোইন্ত সেক্রেতরী অমসুং শ্রী মনিশ সাভর্ৱাল, তীমলিজ সর্ভিসেসকী ভাইস চেয়র্মেন্না ওইখি। শ্রী বেদ মনি তিৱারী, নেস্নেল স্কিল দিভেলপমেন্ত কোর্পোরেসন (এন.এস.দি.সি.)গী সি.ও.ও.না সেসন অসিগী মোদরেতর ওইখি।

শ্রী রাজেশ অগর্ৱালনা হন্দক্কী বজেৎ ২০২২দা খ্বাইদগী অনৌবা ওইনা লাউথোকখিবা খোঙথাংশিংগী মতাংদা মহাক্কী ৱাখল্লোন ফোংদোকখি অমসুং ইন্দস্ত্রীগী অপাম্বগী মতুং ইন্না পার্ত্নরশিপ অসিগী থৌওং শেমদোকপা য়াবগে হায়বগী ৱাফমসু ফোংদোকখি। হৌজিক লৈরিবা ইনভাইরনমেন্ত অসিদা লৌউ-শিংউবদগী হৌরগা সর্ভিস সেক্তর ফাওবগী দাইনামিক্স অসি মপুং ওইনা হোংলে হায়না ফোংদোকখি। মীওইবগী তঙাই ফদবা পোৎলমশিংনা হোংদনা লৈরগসু, পোত্থোক পুথোকপা, য়েন্থোকপা অমসুং শিজিন্নবগী থৌওংদদি য়াম্না থুনা হোংবগী ফিভম লৈরি। মরম অদুনা, ঐখোয়না সোফ স্কিল খুমাং চাউশিলহনবা, লর্নিংগী কলচর মনুং চলহনবা অমসুং মলতিস্কিলিংদা মিৎয়েং চঙবগী তঙাই ফদবদি লৈরি। স্কিলশিং অসিনা ঐখোয়গী নহাশিংবু মপাঙ্গল হাপকদৌরিবনি অমসুং লৈবাক শেমগৎপবু খুমাং চাউশিলহনগদৌরিবনি হায়না মহাক্না মখা তাখি। দিজিতেল ইকোসীস্তেম ফোর স্কিলিং এন্দ লাইবলিহুদ (দেশ-স্তেক ই-পোর্তেল)না স্তেকহোলদরশিংগী মরক্তা ই-পাউ মাঙবগী থৌওং মুত্থৎকনি অমসুং হৌজিক লৈরিবা এসিমিত্রিশিংগী ৱারোইশিনসু পুরক্কনি হায়না মহাক্না মখা তাখি। হৌজিক লৈরিবা স্কিলশিং অসিনা য়াম্না থুনা মাঙখিবা অমসুং অনৌবা জোব রোলশিংনা থুনা থোক্লকপগী ফিভম লৈ হায়না লাইচৎনা ঐখোয়দা তাকপীখিবনা মরম ওইরগা, একাদমিয়া অমসুং ইন্দস্ত্রীনা নক্ননা চৎমিন্নবগী তঙাই ফদবা য়াম্না লৈরে হায়বগী ৱাফমদসু মহাক্না মিৎয়েং চঙখি। মরম অদুনা, ঐখোয়গী ৱর্কফোর্স্কী মতিক শাগৎপা ঙমগদবা অমসুং মখোয়বু থবক্কী মালেমগীদমক্তা শেম শাগদবা স্কিলগী চৎনবী অমা শেমগৎফম থোকই হায়নসু মহাক্না ফোংদোকখি।

শ্রী অনুরাগ জাইন্না সেসন অসিগী মনুংদা শেল-থুম মন্ত্রী, শ্রীমতি নির্মলা সিতারামন্না মহাক্কী বজেৎকী ৱারোলদা মলতি-মোদেল কন্নেক্তিবিতীগী পি.এম. গতী শক্তি নেস্নেল মাস্তর প্লান লাউথোকখ্রে হায়না ফোংদোকখি। হায়রিবা খোঙথাং অসি জি.আই.এস.তা য়ুম্ফম ওইবা মরোল ২০০+ লৈবা স্পাতিএল প্লান্নিং অমসুং এনালাইতিকেল তুল অমনি, অমসুং মসিবু থবক্তা পাংথোক্লিবা এজেন্সীশিংদা হেন্না ময়েক শেংবা শক্তম অমা উবা ফংহল্লি হায়না মহাক্না হায়খি। খোঙথাং অসিগী মখাদা বিভাগ খুদিংনা মখোয় মশেলগী থবক তৌরমশিংদা ময়েক শেংবা শক্তম উবা ফংনদুনা মরু ওইবা দেতা লান্নগনি অমসুং পাক শনবা প্লান্নিংগা লোয়ননা প্রোজেক্ত লোইশিনবা ঙম্লগনি। মোদ ওপরেতর খুদিংগী মরক্তা দেতা লান্নবগী অসিগুম্বা থৌওং অসিবুসু মালেমগী থাক্তা চাংয়েংনবগী থৌওংদা ফগৎহন্দুনা এপ্লিকেসন প্রোগ্রাম্মিং ইন্তর্ফেস (এ.পি.আই.)গীদমক্তা দিজাইন তৌরবা য়ুনিফাইদ লোজিস্তিক্স ইন্তর্ফেস প্লেৎফোরম (য়ুলিপ)তা পাংথোক্কনি। মসিনা ইঞ্জিন তরেৎ - রোদ, রেলৱে, এয়রপোর্ত, হিথাংফম, মাস ত্রান্সপোর্ত, ৱাতরৱে  অমসুং লোজিস্তিক্স ইনফ্রাস্ত্রকচরনা শাফু পীবা সস্তেনেবল দিভেলপমেন্ত অমা পুরক্কনি হায়না মহাক্না মখা তাখি। মহাক্না দাইনামিক ওইবা স্কিলিং ইনভাইরনমেন্ত, ইন্দস্ত্রীগী তঙাই ফদবা খঙবা (রিস্কিলিং অমসুং অপস্কিলিং) অমসুং ইন্দস্ত্রীগী তঙাই ফদবগা এন.এস.ক্যু.এফ.কা চুনহনবগী তঙাই ফদবদা মিৎয়েং চঙখি।

শ্রী জি. কমলা ভর্ধনা রাওনা সেমিনার মনুংদা মহাক্কী ৱাখল্লোন ফোংদোক্লদুনা তুরিজম সেক্তর অসিনা লাইচৎকী মনুংদা খ্বাইদগী অৱাবা তাখিবা সেক্তর অমা ওইখি, অদুবু, ঙসিদি, মসিনা ৱেলনেস, এদভেঞ্চর অমসুং মেদিকেল তুরিজম, হোমস্তে অমসুং তোঙানবা কয়াগী মওংদা অনৌবা খুদোংচাবা কয়া উবা ফংলে হায়না ফোংদোকখি। হৌজিক্কী ওইনা, থবক তৌরিবা মীওইশিংগী অপুনবা ৮.৫%গী চাংদগী হেনবনা তুরিজম অমসুং মরী লৈনবা সেক্তরশিংদা থবক তৌরি হায়না মহাক্না পাউদমখি। মসিগী দেতা অসিনা সেক্তর অসিগী ওইনা মেনপাৱরগী মরু ওইববু তাক্লি অমসুং ৱর্কফোর্স অসিদা অনৌবা স্কিল পীবগা লোয়ননা অতোপ্পা সেক্তরশিংগা লেপ্তনা খুৎশম্নবগী তঙাই ফদবা লৈরিবশিংদসু মিৎয়েং চঙখি। পুম্নমক অসিগী মথক্তা, হৌজিক মতমগী চারোন-শুরোনগী দিজিতেল ইম্পাৱর্মেন্ত অমসুং দিজিতেল তেক্নোলোজীগী মিৎয়েংদা য়েংলুরগদি, দ্রোন সেক্তরনা ভারতকী নহাশিংগী অনৌবা খুদোংচাবা কয়া লৈহল্লগনি। মসিদা নত্তনা, গতী শক্তিনা স্কিল লৈবরশিংবু চুনবা মথৌদা লৈহন্নবগীদমক্তা খুদোংচাবা কয়া পীগনি হায়না মহাক্না মখা তাখি।

দিজিতেল স্কিলশিংবু হেন্না ফগৎহন্দুনা স্কিল ইকোসীস্তেমগী মপাঙ্গল হাপ্পগী হীরম কয়াসু সেসন অসিগী মনুংদা খন্ন-নৈনখি। দিজিতেল ত্রেনিংগী খুত্থাংদা লৈবাক্কী নাগ্রিকশিংনা মশাবু স্কিল, রিস্কিল নত্ত্রগা অপস্কিল তৌনবা মপাঙ্গল হাপ্নবা পান্দম থম্বা দেশ-স্তেক ই-পোর্তেলগী মতাংদা তাকপা য়াওনা ঐখোয়গী শেল থুম মন্ত্রীনা বজেৎ ২০২২গী মনুং চন্না লাউথোকখিবা কয়াগী মতাংদা পেনেলিস্তশিংনা মশাগী ৱাখল্লোন ফোংদোক্নখি। মখা তাবা ওইনা, সেসন অসিনা দোমেস্তিক মেন্যুফেকচরিং অমসুং থবক পীবা ঙম্বগী মতিক হেনগৎহনবদা তেংবাংবা অমসুং দ্রোন শক্তি স্কিমগী খুত্থাংদা ইন্দস্ত্রীগী দাইনামিক ওইবা তঙাই ফদবশিং পীবা ঙম্নবা, হৌগৎলক্লিবা তেক্নোলোজী অমসুং ত্রেনিংগী থৌওং পাকথোক চাউথোকপগী পান্দম লৈবা নেস্নেল স্কিল ক্বালিফিকেসন ফ্রেমৱর্ক (এন.এস.ক্যু.এফ.)পু মায় পাক্না পায়খৎখিবগী হীরম কয়াসু নৈনখি। হৌগৎলক্লিবা সনরাইস সেক্তর, তুরিজম অমসুং লোজিস্তিক্সকী মরী লৈনবা হীরমগা লোয়ননা পি.এম. গতী শক্তি প্রোগ্রামগা মরী লৈনবা হীরম কয়া অমসু সেসন অসিগী মনুংদা খন্ন-নৈনখি।

পেনেলিস্তশিংনা তোঙানবা খোঙথাংগী মতাংদা মশাগী ৱাখল্লোন ফোংদোক্নখি, স্কিল ইকোসীস্তেম অমসুং ইন্দস্ত্রীগী মরক্তা হেন্না ফবা মরী শাগৎপগী মতাংদা শন্দোক্না তাক্নখি, অমসুং দিজিতেল স্কিলিংগা লোয়ননা তেক্নোলোজীনা শাফু পীবা শাহৌ লৌবা তুংগী মতম অমগী মাইকৈদা ভারতনা মতৌ করম্না চঙশিনবা য়াগনি হায়বগী মতাংদা মশা-মশাগী ৱাখল্লোনসু ফোংদোক্নখি।

পুম্নমক অসিগা মরী লৈনবা ওইনা, শ্রী এন.এস. কালসি, নেস্নেল কাউন্সিল ফোর ভোকেস্নেল এজুকেসন এন্দ ত্রেনিং (এন.সি.ভি.ই.তি.)গী চেয়র্মেন্না লাইচৎ অসিনা ঐখোয়গী নোংমগী পুন্সিদা তেক্নোলোজী শিজিন্নবগী চাংবু য়াম্না হেনগৎহনখ্রে হায়না ফোংদোকখি। মমাংদা অমুক্তা থোকখিদ্রিবা অয়েৎপা পীবগী থৌওংশিংনা মরম ওইরগা, ইন্দস্ত্রী অমসুং কারবারশিংনা ঐখোয় খুদিংদা দিজিতেল ফর্স্ত হায়বগী মন্ত্রসু তাকপীরে। মসিগা লোয়ননা, এন.সি.ভি.ই.তি.না ইন্দস্ত্রীগা নক্ননা হোৎনমিন্নদুনা তঙাই ফদবা স্কিলশিংবু মশক খঙদোক্নবা কন্না হোৎনরি। মসিগী মনুংদা, হৌজিক লোইরিবা অমসুং এন্ত্রী লেভেল ৱর্কফোর্সকীদমক্তা তঙাই ফদবা স্কিল ত্রেনিং অমসুং ক্বালিফিকেসন লৈহন্নবা তেংবাংবা তুংগী মতমগী ওইগদবা স্কিলশিং মশক খঙদোকপসু মনুং চল্লি হায়না মহাক্না মখা তাখি।

তীমলিজ সর্ভিসেসকী ভাইস চেয়রমেন, শ্রী মনিশ সাভর্ৱালনা হায়খিবদা, ঐখোয়না তেক্নোলোজীনা শাফু পীদুনা চলায়বা তুংগী মতম অমদা চঙশিনবগা লোয়ননা, ঐখোয়না ইমপ্লোয়মেন্ত, ইমপ্লোএবিলিতী অমসুং এজুকেসনবু তোঙান্না খাইদোকপা অসি ওইথোকপা য়ারোইদবতা নত্তনা এজুকেসন অমসুং স্কিলিংগী পুন্সিনবা মফমদা ঐখোয়না ইন্নোভেসন পাংথোকপগী তঙাই ফদবা লৈরে হায়বসু ঐখোয়না তপ্না খঙলক্লি হায়না ফোংদোকখি। স্কিল ইকোসীস্তেম অসিবু মপাঙ্গল লৈহন্নবগীদমক্তা, ঐখোয়না নাৎকী ওইবা অয়েৎপা পীবগী থৌওংশিং থুগাইবগী মথৌ তাই অমসুং শেল তাল্লিঙৈ মতমদসু অনৌবা তম্বগী ৱাখল্লোন য়াবা তাই অমসুং মসিবু ক্বালিফিকেসন মোদ্যুলেরিতীগা চুন্নহন্নবা হোৎনবগী মথৌ তাই হায়না মহাক্না ফোংদোকখি। সিভিল এভিএসন মন্ত্রালয়গী জোইন্ত সেক্রেতরী, শ্রী অম্বর দুবেনা দ্রোন শক্তিনা ভারতকী শেন্মিৎলোন অমসুং খুন্নাইনা খুমাং চাউশিনবদা গেম চেঞ্জর অমা ওইরক্কনি অমসুং মোবাইল শিজিন্নবশিংগী মশিং হেনগৎলকপগুম্না দ্রোন শিজিন্নবগী চাংসু মান্ননা হেনগৎলক্কনি হায়বগী ফিভম উবা ফংই হায়না ফোংদোকখি।

শ্রী বেদ মনি তিৱারী, নেস্নেল স্কিল দিভেলপমেন্ত কোর্পোরেসন (এন.এস.দি.সি.)গী সি.ও.ও.না সেসন অসিবু শম্লপ্না তেনশিনখি অমসুং সেসন অসিনা মন্ত্রালয় অমসুং বিভাগশিংগী মরক্তা মখোয়না পুন্না থবক পাংথোকমিন্ননীংবগী ইথিল উত্তুনা মখোয়গী মরক্তা ময়েক শেংবা অপাম্বা লৈরে তাকখি হায়না ফোংদোকখি। ঙসিগী সেসন অসিদা খন্ন-নৈনখিবা অমসুং পাউতাক কয়া পীখিবশিং অসিনা সবকা প্রয়াস, সবকা বিকাসকী প্রধান মন্ত্রীগী ৱাখল্লোনগী তসেংবা মমি তাবা ফংখি।

 

******

(Release ID: 1800263) Visitor Counter : 157