بجلی اور ایم این آر ای کے مرکزی وزیر جناب آر کے سنگھ نے آج لوک سبھا میں ایک تحریری جواب میں  بتایا کہ ملک میں موجودہ نصب کی گئی بجلی کی پیداواری صلاحیت تقریباََ 394  گیگاواٹ ہے جو2003  میگا واٹ کی پیک ڈیمانڈ کے دوگنے کے برابر ہے۔

انہوں نے بتایا کہ بجلی کی وزارت /سینٹرل الیکٹرسٹی اتھارٹی نے بجلی کے پروجیکٹوں کی بروقت تکمیل کے لئے حسب ذیل اقدامات کئے ہیں۔  

1. بجلی کی وزارت ایم او  پی /سی ای اے وقتاََفوقتاََ سائٹ کا دورہ کرکے  زیر تعمیر بجلی کے پروجیکٹوں کی  پیش رفت کی نگرانی کرتا ہے اور ڈیولپرس اوردیگر شراکتداروں  کے ساتھ  بات  چیت کرتا ہے اور پروجیکٹ کو شروع کرنے کے لئے اہم امور کو حل کرنے کے لئے دیگر شراکتداروں کے ساتھ  وقتاَََ فوقتاََ جائزہ میٹنگیں کرتا ہے۔
2. رکاوٹ والے علاقوں کی نشاندہی کے لئے بجلی کی وزارت میں لگاتار جائزہ لیا جاتا ہے تاکہ  بین وزارتی اوردیگر اہم امور کو حل کرنے کی راہ  ہموار ہو۔
3. سینٹرل  پبلک انڈر ٹیکنگ کے معاملے میں  بجلی کی وزارت کے پروجیکٹ  ،   پروجیکٹ کے  نفاذ  کے  پیرامیٹر /  مائلزاسٹون ،سالانہ مفاہمت نامے میں شامل کئے گئے ہیں جس پر سی پی ایس یو اور  بجلی کی وزارت کے درمیان دستخط کئے گئے ہیں۔
4. پروجیکٹ کے نفاذ سے متعلق امور ریاستی سرکار  ،ضلع انتظامیہ کے ساتھ طے کئے جاتے ہیں تاکہ  پروجیکٹ  نافذ کئے جانے والی ایجنسیوں  کے ذریعہ اٹھائے گئے  امور حل کئے جاسکیں۔
5. رائٹ آف وے امور کو حل کرنے میں  پروجیکٹ کو نافذ کرنے والی ایجنسیوں کی مدد کرنے کے لئے ریاستی سرکار/  ضلع انتظامیہ کے ساتھ  معاملات  بھی اٹھائے جاتے ہیں۔   

*************

ش ح۔ح ا ۔رم

 

U-1724

 

(ریلیز آئی ڈی: 1799017) وزیٹر کاؤنٹر : 179