ڈیجیٹل انڈیا کارپوریشن نے رخصت اور عارضی تبادلہ کی بنیاد پر خصوصی ہنرمندی اور مہارت کے حامل ملازمین کی بھرتی کے لئے درخواستیں طلب کی ہیں

ٹکنالوجی  کے متعدد پیشہ وروں نے قوم  کی تعمیر میں تعاون دینے کے مقصد سے قومی سطح پر ڈیجیٹل تبدیلی سے متعلق منصوبوں کے لئے کام کرنے کی خواہش ظاہر کی ہے۔ اس میں حکومت کے پاس دستیاب وسائل کے پول کو بڑھانے کی صلاحیت ہے۔  اس مناسبت سے، بھارت سرکار کے الیکٹرانکس اور اطلاعاتاتی ٹکنالوجی  کی وزارت (ایم ای آئی ٹی وائی)   کے ذریعہ قائم ایک غیر  منافع بخش تنظیم، ڈیجیٹل انڈیا کارپوریشن ، رخصت اور عارضی تبادلہ کی بنیاد پر خصوصی ہنرمندی اور مہارت کے حامل ملازمین کی بھرتی کے لئے درخواستیں طلب کررہا ہے تاکہ ڈی آئی سی ڈیجیٹل انڈیا پروگرام کے وژن ، مقاصد اور اہداف کو مکمل کرنے میں اہل ہوسکے۔ ان اہلکاروں کی مہارت ہمارے ملک کے شہریوں کے ای گورننس خدمات کے بہتر ترسیل میں مدد کرے گی۔

اس کوشش کا مقصد اور ہدف ملازمین کو ان کے بنیادی اداروں /تنظیموں  میں ملازمت کے دوران ہی عارضی رخصت  اور ڈیپوٹیشن کی بنیاد پر   عوامی اصولوں اور رہنما خطوط  کے تحت تقرری کی جائے گی  جو ڈی آئی سی کی ویب سائٹ https://dic.gov.in/index.php/notification/call-for-sabbatical-applications پر دستیاب ہے۔

ڈیجیٹل انڈیا کارپوریشن (ڈی آئی سی) کمپنی ایکٹ 2013 کے سیکشن 8 کے تحت الیکٹرانکس اور انفارمیشن ٹکنالوجی (ایم ای آئی ٹی وائی)، بھارت سرکار کے ذریعہ قائم ایک ایک غیر منافع بخش تنظیم ہے۔ اس سے قبل  اس ادارے کو ’میڈیا لیب ایشیا‘ کے طور پر جاناجاتا تھا۔  ڈی آئی سی بہترین کاموں کو فروغ دینے ، پبلک پرائیویٹ پارٹنرشپ،  کو فروغ دینے کے لئے ای گورننس پروجیکٹوں  کے لئے صلاحیت سازی کے ذریعہ ڈیجیٹل انڈیا کے مشن کو آگے بڑھانے کے لئے مرکزی حکومت/ ریاستی حکومتوں کی وزارتوں/ محکموں کو اسٹریٹجک مدد فراہم کرتا ہے۔

************

ش ح ۔   س ک  ۔  م  ص

 (U:14749)