প্রধান মন্ত্রী শ্রী নরেন্দ্র মোদীনা লুচিংবা কেন্দ্র লৈঙাক্না ওগস্ত ২০১৯দগী হৌরগা স্তেতশিংগা খোঙবু ওইদুনা জল জীবন মিসন পায়খত্তুনা লৈবাক শিনবা থুংনা খুঙ্গঙগী য়ুমথোঙ খুদিংদা তোতি ঈশিং কন্নেক্সন পীননবা মাঙজিল থানা থবক পায়খৎলি‍। মেঘালয়দা জল জীবন মিসন পায়খৎপগী খোঙজেল হেনগৎহন্নবা অকনবা মীৎয়েঙ চঙদুনা ভারত লৈঙাক্না স্তেত অসিদা লুকা করোর ১৬৯.৬০গী কেন্দ্রগী শেন্থং পীথখ্রে‍। স্তেত অসিদা ২০২১-২২দা জল জীবন মিসন পায়খৎনবগীদমক ২০২০-২১দা থাদখিবা শেনফমগী শরুক মরিরোম ওইগদবা লুপা করোর ৬৭৮.৩৯গী কেন্দ্রগী শেন্থঙ খাক্তুনা থম্লে‍।

স্তেত অসিগী খুঙ্গঙগী য়ুমথোঙ লাখ ৫.৯০ লৈ, মসিগী মনুংদা লাখ ১.৪৪ (৩১.৯৪%)দা তোতি ঈশিং শমখ্রে‍। ২০২১-২২দা স্তেত অসিনা খুঙ্গঙগী য়ুমথোঙ লাখ ৩.৩৯তা তোতি ঈশিং য়ৌহন্নবা থৌরাং তৌরি‍।

কেন্দ্র লৈঙাক্না জল জীবন মিসন্দা খ্বাইদগী লুম্না লৌদুনা মীৎয়েঙ থম্লি হায়বসি মমাঙগী চহিদা লুপা করোর ২৩,০২২ ওইরমবদগী ২০২১-২২দা লুপা করোর ৯২,৩০৯দা বদজেতরী এলোকেসন চাউনা হেনগৎহনবসিনা তাক্লি‍।

মখা তানা ২০২১-২২দা খুঙ্গঙগী লোকেল বোদীশিং/পি.আর.আই.শিংদা ঈশিং অমসুং সেনিতেসনগী ১৫শুবা ফাইনান্স কম্মিসন শেন্থং ওইবা লুপা করোর ৮২ শরুক থুংলি অমদি খুঙ্গঙগী লোকেল বোদীশিংদা লাক্কদৌরিবা চহি মঙাগী হায়বদি ২০২৫-২৬ ফাওবগী লুপা করোর ৪২৬গী শেনফম শোয়দনা থাদনবা ৱাফম লৈরি‍।

জল জীবন মিসন অসি ‘মমৈদগী মকোক্তা’ হায়বা থৌওং ইন্দুনা দিসেন্ত্রেলাইজ ওইবা মওং অমদা পায়খত্তুনা খুঙ্গঙগী মীয়াম্না খুজিন থৌরাং য়াৎপা অমদি থবক পায়খৎপদগী হৌরগা মথৌ তৌহনবা অমদি য়েংশিনবগী থবক ফাওবদা মরুওইবা থৌদাং লৌরি‍। মসিগীদমক স্তেত অসিনা ভিলেস ৱাতর এন্দ সেনিতেসন কম্মিতী (ভি.দব্লিউ.এস.সি.)/ঈশিং লুপ মপাঙ্গল কনখৎহনবা, চহি ৫গী ভিলেজ এক্সন প্লান শেমবগা লোয়ননা মীয়াম্না গ্রাম সভাদা মখোয়গীদমক পায়খৎকদৌরিবা ৱাতর সপ্লাই স্কিমশিংগী মতাঙদা শুগাইনা পাউদমদুনা এক্সন প্লান অদুবু অয়াবা পীননবা থবক থৌরমশিং লৌখৎলি‍। নুপীশিংনা ইমুং অমা হেক্তগী ঈশিং শিন লাংবগী থবক্তা মায়পুননা হোৎনবা মরম্না থৌরাং অসিনা নুপীশিং শরুক য়াহন্নবা পুক্নিং থৌগৎলি‍। মিসন অসিগী মতাঙদা মীয়ামদা ৱাখল তাহন্নবা, অফবা ঈশিংগী মরুওইবশিং খঙহন্নবা, মীয়ামগা পুন্না চৎমিন্ননবা অমদি থৌরাং অসি পায়খৎপদা পঞ্চায়তি রাজ ইন্সতিত্যুশন্দা ঙাক্লৌ পীননবা স্তেত অসিনা ইম্প্লিমেন্তেসন সপ্পোর্ত এজেন্সীশিং (আই.এস.এ.) ওইনা শরুক য়াহল্লি‍।

২০২১-২২দা মেঘালয়না লৈঙাক্কী ওফিসিএলশিং, আই.এস.এ.শিং, পব্লিক হেল্থ ইঞ্জিনিয়রশিং, ভিলেজ ৱাতর এন্দ সেনিতেসন কম্মিতী, সর্ভিলেন্স কম্মিতী অমসুং পঞ্চায়ত মেম্বরশিং য়াওনা স্তেকহোল্দর লিশিং ১১গী ময়াগী মতিং হেনগৎহন্নবা থৌরাং তৌরি‍। মসিগী মথক্তা স্তেত অসিগী মীওই লিশিং ৯লোম স্কিল ত্রেনিং প্রোগ্রামগী মখাদা ত্রেনিং পীগদৌরি‍। লমদমদুগী মীশিংগী স্কিল হেনগৎহনবনা মিস্ত্রী, প্লমবর, ফিত্তর, ইলেক্ত্রিসিয়ন অমসুং পম্প ওপরেতর ওইনা থবকসু পীগনি‍। অসুম্না খুঙ্গঙশিংদা স্কিল্দ অমসুং সেমি স্কিল্দ সেক্সনশিংদা থবক পীবনা খুঙ্গঙগী লমশিংদা শেন্থোক মরাং কায়হনবগী খুদোংচাবশিংসু পীগনি‍।

মীয়ামগী হকশেলদা মীৎয়েঙ থমদুনা মীয়াম্না মখোয়গী ঈশিংগী সেম্পলশিং মখোয়না অপামবা মতমদা অপীকপা মমলদা চাংয়েং তৌবা য়ানবগীদমক লৈবাক পুমবদা ঈশিংগী ক্বালিতী তেস্তিং লেবোরেতরী ২,০০০ হেন্না মীয়াম্না শীজিন্নবা য়াহল্লে‍। মেঘালয়দা ঈশিংগী তেস্তিং লেবোরেতরী ৩১ লৈ‍।

মহৈশঙ অমসুং অঙ্গনৱাদি সেন্তর খুদিংমক্তা থক্ননবা, মীদ-দে মিল থোংনবা, খুৎ হাম্নবা অমদি তোইলেত্তা শীজিন্ননবা তোতি ঈশিং ফংহন্নবা থৌরাং পায়খৎলি‍। ঙসি ফাওবদা মেঘালয়গী মহৈশঙ ৭,২৮১ (৫৫%) অমসুং অঙ্গনৱাদি সেন্তর ২,৪৪২ (৫৩%)দা তোতি ঈশিং ফংহনখ্রে‍।

ইং ২০২৪ ফাওবগী মনুংদা খুঙ্গঙগী য়ুমথোঙ খুদিংদা তোতি ঈশিং ফংহন্নবা পান্দমগা লোয়ননা প্রধান মন্ত্রী শ্রী নরেন্দ্র মোদীনা ওগস্ত ১৫, ২০১৯দা লাউথোকখিবা জল জীবন মিসন অসি স্তেতশিংগা খোঙবু ওইদুনা পায়খৎলি‍। কোবিদ-১৯ লাইচৎ অমসুং লোকদাউনগী শীংনবশিং থেংনজরবসু, মিসন অসি হেক হৌবদগী হৌজিক ফাওবদা য়ুমথোঙ করোর ৫.৩৮ (২৮%)দা তোতি ঈশিং য়ৌহনখ্রে‍। হৌজিক হৌজিক খুঙ্গঙগী য়ুমথোঙ করোর ৮.৬২ (৪৫%)দা য়ুম-য়ুমগী ওইনা তোতি পুশিন্দুনা ঈশিং য়ৌহল্লে‍। গোৱা, তেলঙ্গনা, অন্দমান অমসুং নিকোবর ঈথৎ, দদ্রা অমসুং নগর হবেলি অমদি দামন অমসুং দিউ, পুদিচেরী অমসুং হরিয়ানা খুঙ্গঙগী য়ুমথোঙ ১০০% তোতি ঈশিং য়ৌহন্দুনা ‘হর ঘর জল’ স্তেত/য়ু.তি. ওইরে‍। মেঘালয়না ২০২০ ফাওবদা ‘হর ঘর জল’ স্তেত ওইননবা পান্দম থম্লি‍।

*****

(Release ID: 1780502) Visitor Counter : 125