‘পুলিস’ অমসুং ‘পব্লিক ওর্দর’ অসি ভারতকী সংবিধানগী তরেৎশুবা সেদুলগী মখাদা স্তেত সবজেক্তশিং ওইরি। লো অমসুং ওর্দর ঙাক্না থম্বা, নুপীশিংগী মায়োক্তা চত্থবা ক্রাইম ঙাকথোকপা য়াওনা নাগরিকশিংগী পুন্সী অমসুং লন-থুম ঙাকপা অসি রাজ্য সরকারশিং অমসুং য়ুনিয়ন তেরিতোরী এদমিনিস্ত্রেসনগী থৌদাংনি। নুপীগী শেফতীদা অৱাংবা থাক্কী প্রায়োরিতী পীবা খক্তা নত্তনা কোবিদ-১৯গী আউতব্রেক মনুংদা কেন্দ্র সরকারনা মসিগা মরী লৈননা অনৌবা খোংথাং কয়া অমসুং লৌখৎলি। মতম অসিগী মনুংদা সরকারনা মখোয়গী স্কিমশিং ৱান স্তোপ সেন্তর্স (ও.এস.সি.শিং), য়ুনিভর্সেলাইজেসন ওফ ৱুমেন হেল্প লাইন (দবল্যু.ঐচ.এল.), উজ্জ্বলা হোমস, স্বধার গ্রেহ, ইমর্জেন্সী রেস্পোন্স সপোর্ত সিস্তেম (১১২) অমসুং ৱুমেন অমসুং চাইল্দ সেন্ত্রিক লোশিংগী মখাদা তোঙান তোঙানবা ওথোরিতীশিং খুদম ওইনা ‘দি প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫’, ‘দি দাওরি প্রোহিবিসন এক্ত, ১৯৬১’, ‘দি প্রোহিবিসন ওফ চাইল্দ মেরিয়েজ এক্ত, ২০০৬’, অসিনচিংবা মথৌ তৌরি অমদি শোয়নাইরবী নুপীশিং য়াওনা নুপীশিংদা তেংবাং ফংহল্লি। মসিগী পর্পজ অসিগীদমক সরকার অসিনা রাজ্যশিং অমসুং য়ু.তি.শিংগী মরী লৈনবা ওফিসিয়েলশিংগীদমক সেন্সিতাইজেসন প্রোগ্রামশিংসু লৌখৎলি।

নেস্নেল কম্মিসন ফোর ৱুমেন (এন.সি.দবল্যু.)না কোবিদ-১৯ লাইচৎ মনুংদা শোয়নাইরবা নুপীশিং য়াওনা নুপীশিংগী মায়োক্তা চত্থবা ওৎ-নৈবা কেসশিং লোইশিন্নবা তোঙান-তোঙানবা খোংথাংশিং লৌখৎলি। www.ncw.nic.in দা ফংলিবা মসিগী ওনলাইন সিস্তেমগী থোংদা মখোয়গী কমপ্লেনশিং প্রোসেস তৌবগী মথক্তা এন.সি.দবল্যু.না লাইচৎ মনুংদা দোমেস্তিক ভাইওলেন্সকী কেসশিং রিপোর্ত তৌনবগীদমক ৱাৎএপ নম্বর ৭২১৭৭৩৫৩৭২ হৌদোক্লি অমদি সোসিএল মেদিয়াদা রিপোর্ত তৌরক্লিবা দোমেস্তিক ভাইওলেন্সকা মরী লৈনবা ৱাকৎলকপশিং শকখংলি।

২০২১দা কোরোনা ভাইরস লাইচৎকী অনিশুবা ৱেব মনুংদা এন.সি.দবল্যু.না লৈবাক্কী মফম পুম্নমক্তগী এক্সপেক্তেন্ত মমাশিংদা মেদিকেলগী মতেং ফংহন্নবগীদমক ৱাৎএপ হেল্পলাইন নম্বর অমা হৌদোকখ্রে। মীরোনবী নুপীশিংনা মেদিকেলগী তেংবাং ফংবদা মায়োক্নরিবা খুদোংচাদবশিং অদু য়েংলদুনা এন.সি.দবল্যু.না মখোয়গী ইমেল আই.দি.গী মথক্তা মেসেজ-ওনলি হেল্পলাইন সর্বিস অমা হৌদোক্লে, মদু হান্ননা মথৌ তৌখ্রে। লৈবাক্কী মফম খুদিংদগী ফংগনি হায়না খল্লিবা মমাশিংনা পুং কুনমরি মথৌ তৌরিবা মসিগী হেল্পলাইন নম্বর ৯৩৫৪৯৫৪২২৪গী থোংদা কম্মিসনগা পাউ ফাওনবা ঙম্লি। মসিগী মথক্তা, নেস্নেল কম্মিসন ফোর ৱুমেন্না মরী লৈনবা পোলিস ওথোরিতীশিং, হোস্পিতালশিং, লেগেল সর্বিসেস ওথোরিতীশিং, সাইকোলোজিকেল কাউন্সেলিং অসিনচিংবগা লোয়ননা মখোয়বু শম্নহন্দুনা শোয়নাইরবা নুপীশিং য়াওনা থৱায় ৱারবা নুপীশিংদা ওনলাইন সপোর্ত ফংহন্নবা পান্দম অমগা লোয়ননা ২৪x৭ হেল্পলাইন নম্বর ৭৮২৭১৭০১৭০ হৌদোক্লে।

এন.সি.দবল্যু.গী হেল্পলাইনশিং অসি লৈবাক অসিদা লৈরিবা শোয়নাইরবা নুপীশিং য়াওনা নুপী পুম্নমক্না শিজিন্নবা য়ারি। অদুম ওইনমক শোয়নাইরবা নুপীশিংদগী ফংবা ৱাকৎশিংগীদমক এন.সি.দবল্যু.না তোঙানবা দেতা মেন্তেইন তৌদে।

ইনফোর্মেসন অসি ঙসি রাজ্য সভাদা অইবা পাউখুম অমদা ৱুমেন এন্দ চাইল্দ দিবেলপমেন্তকী কেন্দ্র মন্ত্রী শ্রীমতী স্মরিতী জুবিন ইরানিনা পীখিবনি।

*****