نئی دہلی، 3دسمبر ،2021

 

آیوش کی وزارت کی طرف سے شروع کی گئی ایک مہم کے دوران آیوش دوائیں یعنی آیوش-64 اور کبسور کڈینیر کو کووڈ-19 بغیر علامات والے اور ہلکے سے اعتدال پسند مریضوں کو دی گئیں۔ ان ادویات سے کل 63,265 مریضوں نے فائدہ اٹھایا۔ ان مداخلتوں کے نتائج نے طبی بحالی اور اسپتال میں قیام کے دورانیے میں بیماری کے شدید یا نازک مرحلے تک بڑھنے کے بغیر نمایاں بہتری ظاہر کی۔ اس کے علاوہ، معیار زندگی کےپیرامیٹرز میں بہتری آئی ہے۔ ان مداخلتوں کو اچھی طرح سے قابل برداشت اور محفوظ پایا گیا۔

آیوش کی وزارت نےبرطانیہ میں 22 جولائی 2021 کو اپنے خودمختار ادارے یعنی آل انڈیا انسٹی ٹیوٹ آف آیوروید(اے آئی آئی اے ) نئی دہلی کے ذریعہ لندن اسکول آف ہائیجین اینڈ ٹراپیکل میڈیسن(ایل ایس ایچ اور ٹی ایم) یوکے، کے ساتھ ایک معاہدے پر دستخط کئے ہیں تاکہ کووڈ سے صحت یابی کو فروغ دینے کےلئے اشوگندھا پر مطالعہ کیا جا سکے۔  مطالعہ ایک بے ترتیب، پلیسبو کنٹرولڈ ڈبل بلائنڈ ٹرائل ہے۔ اس مطالعہ کو میڈیسن اینڈ ہیلتھ کیئر پروڈکٹس ریگولیٹری ایجنسی(ایم ایچ آر اے) نے منظور کیا ہے اور یہ ڈبلیو ایچ او جی ایم پی سے تصدیق شدہ ہے۔یہ بین الاقوامی طورپر تسلیم شدہ جی سی پی (یعنی اچھے کلینیکل پریکٹسز) کے رہنما خطوط کے مطابق منعقد اور نگرانی کی جا رہی ہے۔ آل انڈیا انسٹی ٹیوٹ آف آیوروید(اے آئی آئی اے ) نئی دہلی نے 15.06.2021 کو فرینکفرٹر انوویشنز زینٹرم بائیوٹیکنالوجی جی ایم بی ایچ (ایف آئی زیڈ)، فرینکفرٹ، جرمنی کے ساتھ ایک معاہدے پر دستخط کیے ہیں جس کا عنوان ہے ‘‘وائٹرو اور وائوو مطالعہ میں کووڈ119انفیکشن سے لڑنے میں گڈوچیاڈی ٹیبلٹ کے مالیکیولر میکانزم کو سمجھنا’’۔

آیوش کی وزارت اور صحت اور خاندانی بہبود کی وزارت نے مشترکہ طور پر 33,000 آیوش ماسٹر ٹرینرز کو تربیت فراہم کی ہے۔ کل 66045 آیوش اہلکاروں نے  آئی گوٹ ڈاٹ ان پلیٹ فارم پر مسلسل بنیادوں پر تربیت حاصل کی تھی۔ آیوش کی وزارت نے شناخت شدہ کرداروں کے ساتھ کووِڈ-19 کے انتظام کے لیے آیوش افرادی قوت کو کووڈ واریر کے طور پر استعمال کرنے کے لیے وزارت صحت اور خاندانی بہبود کے ساتھ تعاون کیا ہے۔

نیشنل آیوش مشن(این اے ایم)کے تحت ریاستی سالانہ ایکشن پلان(ایس اے اے پی) کے ذریعے مختلف ریاستوں اور مرکز کے زیر انتظام علاقوں کی حکومتوں سے موصول ہونے والی تین تجاویز کے مطابق، گزشتہ تین سالوں کے دوران بہار، اتر پردیش اور تلنگانہ ریاستوں میں ٹیلی میڈیسن کی تجاویز کو منظوری دی گئی ہے۔ تاہم، نفاذ ریاستی/مرکز کے زیر انتظام علاقوں کی  حکومتوں کے دائرہ کار میں آتا ہے۔

یہ اطلاع آیوش کے وزیر جناب  سربانند سونووال نے آج لوک سبھا میں ایک تحریری جواب میں دی۔

 

<><><><><>

 

ش ح-ا م-ج

13708U.No. :

 

 

(ریلیز آئی ڈی: 1777766) وزیٹر کاؤنٹر : 215