হৌখিবা চহি অহুম অসিদা অৱাং-নোংপোক লমদমদা (এন.ই.আর.) লৈরিবা সরকারনা ইনিসিয়েতিব কয়া অমা লৌখৎখ্রে৷ হায়রিবশিং অসিনা অৱাং-নোংপোক লমদমদা এয়র কন্নেক্তিবিতী, রেল কন্নেক্তিবিতী, রোদ কন্নেক্তিবিতী, ইশিংগী লম্বী অমসুং তেলিকোম কন্নেক্তিবিতী ফগৎহন্নবগা মরী লৈনৈ৷ মসিগী মনুংদা য়াওরিবশিং অদুদি:

• এয়র কন্নেক্তিবিতী: মেঘালয়দা বরাপানি এয়রপোর্ত;  মনিপুরদা ইম্ফাল এয়রপোর্ত; অসামদা দিব্রুগর এয়রপোর্ত;  অনরুনাচল প্রদেশকী তেজুগী হোলোঙ্গিদা অনৌবা গ্রীনফিল্দ এয়রপোর্তশিং শেম-শাবগী থবক হৌজিক হৌজিক চৎথরি৷
• রেল কন্নেক্তিবিতী: হৌখিবা চহি অহুম অসিদা, কি.মি. ১৩৬কী অনৌবা লাইন (অগর্তালা-সাব্রুম ন্যু লাইন অমদি দিব্রুগর অমসুং নোর্থ বেঙ্ক লাইনগী মরক্তা লিঙ্কিং লাইনশিং হাপ্লবা বোগিবীল থোং) অমসুং কি.মি. ১১৩গী দব্লিং (লমদিং-হোজাই পেতচ)  কম্মিসন তৌখ্রে৷
• রোদ কন্নেক্তিবিতী: এন.ই.আর.দা হৌজিক হৌজিক চৎথরিবা অচৌবা কেপিতেল রোদ কন্নেক্তিবিতী প্রোজেক্তিংগী মনুংদা চল্লিবশিং অদুদি নাগালেন্দগী দিমাপুর-কোহিমা রোদ(কি.মি.৬২.৯)কী লেনিং ৪; অরুনাচল প্রদেশকী নাগাউন বাইপাসতগী হোলোঙ্গি(কি.মি. ১৬৭) ফাওবগী লেনিং ৪; সিক্কিমগী বগ্রাকোতেদগী পক্যোঙ্গ(এন.ঐচ.-৭১৭এ)(কি.মি. ১৫২)ফাওবগী অল্তরনেত লেন-অনিগী হাইৱে; মিজোরামগী আইজোল-তুইপঙ্গ এন.ঐচ.-৫৪(কি.মি. ৩৫১)গী লেনিং ২; এন.ঐচ.-৩৯(কি.মি.)গী ইম্ফাল-মোরে সেক্সনগী লেনিং ৪ অমসুং মনিপুরদা কি.মি. ৭৫.৪গী লেনিং ২ য়াওরি৷
• হৌখিবা চহি অহুমদা অমসুং ২০২১-২২(২৬.১১.২০২১ ফাওবদা)দা প্রধান মন্ত্রী গ্রাম সদক য়োজনা(পি.এম.জি.এস.ৱাই.)গী মখাদা অৱাং-নোংপোক রাজ্যশিংদা শেমগৎখিবা খুঙ্গংগী লম্বীগী অশাংবা অমসুং শম্নখিবা হেবিতেন্তশিংগী অকুপ্পা মরোলশিং অদু এনেক্সর Iদা পীরি৷
• এন.ই.আর.গী তেলিকোম কন্নেক্তিবিতী প্রোজেক্তশিংগী মনুং চল্লিবশিং অদুদি অরুনাচল প্রদেশ, অসাম, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরা এন.ই.আর. রাজ্য ৮দা মোবাইল কন্নেক্তিবিতী লৈহনবা, নেস্নেল ৱাইৱেশিংগা লোইননা এন.ই.আর.দা লৈরিবা খুঙ্গংগী পঞ্চায়তশিংগীদমক ভারত নেত অমসুং ৱাই-ফাই কন্নেক্তিবিতী নিংথিনা লৈহনবা অসিনি৷
• ৱাতরৱে কন্নেক্তিবিতী: নেস্নেল ৱাতরৱে-২(ব্রহ্মপুত্র তুরেল, কি.মি. ৮৯১) সাদিয়াদগী বঙ্গলাদেশ ঙমখৈ ফাওবা শেমগৎপা অমদি নেস্নেল ৱেতরৱে-১৬(বরাক তুরেল, কি.মি. ১২১) ইন্দো-বঙ্গলাদেশ প্রোতোকোল(আই.বি.পি.) রুত য়াওনা ভঙ্গা-লখিপুর স্ত্রেতচ শেমগৎ-শাগৎলিবা অসি এন.ই.আর.দা হৌজিক হৌজিক চৎথরিবা প্রোজেক্তশিংনি৷

মসিগীসু মথক্তা, এন.ই.আর.দা লৈরিবা সোসিয়েল অমসুং পিজিকেল ইনফ্রাস্ত্রকচর গেপশিং অসি মেনখৎনবা মিনিস্ত্রী ওফ দিবেলপমেন্ত ওফ নোর্থ ইস্তর্ন রিজন(এম.দি.ও.এন.ই.আর.)না মহাক্কী স্কিমশিং নন-লেপ্সেবল সেত্রেল পুল ওফ রিসোর্সেস(এন.এল.সি.পি.আর.) অমসুং মহাক্কী সক্সেসর নোর্থ ইস্ত স্পিসিয়েল ইনফ্রাস্ত্রকচর দিবেলপমেন্ত স্কিম(এন.ই.এস.আই.দি.এস.), নোর্থ ইস্তর্ন কাউন্সিল(এন.ই.সি.)গী স্কিমশিং অমসুং নোর্থ ইস্ত রোদ সেক্তর দিবেলপমেন্ত স্কিম(এন.ই.আর.এস.দি.এস.)না খোংথাংশিং লৌখৎখ্রে৷ এন.এল.সি.পি.আর. স্কিম চৎনখিবদগী স্কিম অসিগী মখাদা, রোদ অমসুং ব্রিজ সেক্তরগী মখাদা লুপা কোতি ৬,৩৪২.৮৩গী মমল ওইগদবা প্রোজেক্ত ৬১৮ সেঙ্কসন তৌখি, মসিগী মনুংদা হৌজিক ফাওদা লুপা কোতি ৩,৪০৮.৮৪গী মমল ওইগদবা প্রোজেক্ত ৪২৭ মপুং-ফানা লোইশিনখ্রে অমদি লৈহৌরিবা স্কিমশিং অসিনা চৎননবগী তোঙান তোঙানবা স্তেজশিংদা লৈরি৷ এন.ই.এস.আই.দি.এস.কী মখাদা, এন.ই.আর.গী কন্নেক্তিবিতী ফগৎহন্নবগীদমক, হৌখিবা চহি অহুম অসিদা রোদ অমসুং ব্রিজ সেক্তরগী মখাদা লুপা কোতি ১,১৩৮.৫৭কী মমল ওইগদবা প্রোজেক্ত ৩৫ সেঙ্গসন তৌখ্রে৷ মখাতানা, অসামগী কার্বি অঙ্গলোং ওতোনোমস তেরিতোরিএল কাউন্সিল(কে.এ.এ.তি.সি.) পেকেজকী মখাদা, হৌখিবা চহি অহুম অসিদা লুপা কোতি ১৪৮.৯১গী মমল ওইগদবা প্রোজেক্তশিং সেঙ্কসন তৌখি৷ হৌখিবা চহি অহুম অসিদা, নোর্থ ইস্তর্ন কাউন্সিল(এন.ই.সি.) শিল্লোংনা লুপা কোতি ১৩৬০.২০গী মমল ওইগদবা রোদ প্রোজেক্ত ২২ সেঙ্কসন তৌখ্রে৷ মসিগী মনুংদা, লুপা কোতি ৭.৪৩গী প্রোজেক্ত অমা ‘স্কিমস ওফ এন.ই.সি.) লৈরি অমদি লুপা কোতি ১,৩৫২.৭৭কী মমল ওইগদৌরিবা লৈহৌরিবা কুনমাথোই অদুনা এন.ই.আর.এস.দি.এস.কী মখাদা লৈবনি৷ অগর্তালা(ইন্দিয়া)-অখৌরা(বঙ্গলাদেশ) ন্যু রেল লিঙ্ক প্রোজেক্তগীদমক দোনরনা লুপা কোতি ৫৮০ সেঙ্কসন অমদি রিলিজ তৌখ্রে৷

২০১৮গী এপ্রীল ২৮ ফাওবদা, দীনদয়াল উপাধ্যায় গ্রাম জ্যোতি য়োজনা(দি.দি.য়ু.জি.জে.ৱাই)গী মখাদা অৱাং-নোংপোক রাজ্যশিং য়াওনা লৈবাক অসিদা লৈরিবা মী তানবা মৈ ফংদ্রবা সেন্সস খঙ্গং পুম্নমক মৈ ফংহনখ্রে৷ মখাতানা, ৩১.০৩.২০২১ ফাওবদা, এন.ই.আর.দা য়ুমথোং লাখ ২৬.১৪ হেন্না য়াওদুনা মৈ ফংদ্রিবা মৈ থানবদি পামজবা ইমুং কোতি ২.৮১৭তা মৈ ফংহনখ্রে৷ অৱাং-নোংপোক লমদমদা সৌভাগ্য স্কিম হৌদোকখিবদগী মৈ থানখিবা য়ুমথোংশিংগী রাজ্য-রাজ্যগী ওইবা অকুপ্পা মরোলশিং অদু এনেক্সর-IIদা পীরি৷

এন.ই.এস.আই.দি.এস.কী মখাদা, হৌজিক ফাওবদা অৱাং-নোংপোক রাজ্য কয়াদা লুপা কোতি ২৩১.৯৮গী মমল ওইগদবা পৱার প্রোজেক্ত ০৪ সেঙ্কসন তৌখ্রে৷ মসিগী মনুংদা হৌজিক ফাওদা লুপা কোতি ২০৩১.৭৯গী মমল ওইগদবা প্রোজেক্ত ২১১ মপুং-ফানা লোইশিনখ্রে৷

সেন্ত্রেল্লী স্পোন্সর স্কিম অমা ওইরিবা নেস্নেল ফুদ সেক্যুরিতী মিসন(এন.এফ.এস.এম.)গী মখাদা, এপ্রুব এক্সন প্লানশিংগী মতুং ইন্না ফুদ ক্রোপশিং(চেং, গেহু, হৱাই অমসুং কোর্স সিরিএলশিং) অমসুং কম্মর্সিএল ক্রোপশিং(কত্তন, জ্যুত অমসুং চু)গী পোত্থোক হেনগৎনবা রাজ্য সরকারশিং অমসুং ইমপ্লিমেন্তিং এজেন্সীশিংদা(স্তেতস ওতোনোমস বোদীস, আই.সি.এ.আর. ইন্সতিত্যুতশিং) ফন্দশিং রিলিজ তৌরি৷ মসিগী মথক্তা, ‘এন.ই.সি. স্কতিমশিংগী’গী মখাদা, হৌখিবা তরেৎ অসিদা(এফ.ৱাই. ২০১৪-১৫দগী ২০২০-২১ ফাওবা)এন.ই.আর.দা কেশ ক্রোপশিং প্রমোত তৌনবগীদমক লুপা কোতি ৫৫.৬৬কী মমল ওইদগদবা পুন্না প্রোজেক্ত ১৪ সেঙ্কসন তৌখ্রে৷

 

ৱারোল অসি ঙসি রাজ্য সভাদা অইবা চেরোল অমদা দিবেলপমেন্ত ওফ নোর্থ ইস্তর্ন রিজনগী মন্ত্রী শ্রী জি. কিসন রেদ্দীনা পীশিনখিবনি৷

*****

(রিলিজ আই.দি.: 1777485) ভিজিতর কাউন্তর : 113