نئی دہلی، 22 نومبر 2021:

حکومت ہند (جی او آئی)نے (1) یکساں قیمت طریقہ کار کا استعمال کرتے ہوئے نتیجہ پر مبنی نیلامی کے توسط سے 2000 کروڑ روپئے (برائے نام)کے بقدر کی مشتہر کردہ رقم  کے لیے ’نئے سرکاری تمسکات، 2023‘ (2)یکساں قیمت طریقہ کار کا استعمال کرتے ہوئے قیمت پر مبنی نیلامی کے توسط  سے 6000 کروڑ روپئے (برائے نام ) کے بقدر ایک مشتہر کردہ رقم کے لیے ’5.74 فیصد سرکاری تمسکات 2026‘ (3) یکساں قیمت طریقہ کار کا استعمال کرتے ہوئے قیمت پر مبنی نیلامی کے توسط سے 9000 کروڑ روپئے (برائے نام) کے بقدر ایک مشتہر کردہ رقم کے لیے 6.67 فیصد سرکاری تمسکات 2035 اور (4) کثیر النوع قیمت طریقہ کار کا استعمال کرتے ہوئے قیمت پر مبنی نیلامی کے توسط سے 7000 کروڑ روپئے (برائے نام) کے بقدرایک  مشتہر کردہ رقم کے لیے 6.99 فیصد سرکاری تمسکات 2051 کی فروخت (اجراء / ازسر نو اجراء) کا اعلان کیا ہے۔حکومت ہند کے پاس ایک یا ایک سے زائد تمسک/ تمسکات میں سے ہر ایک کے لیے 2000 کروڑ روپئے تک کی اضافی سبسکرپشن کو برقرار رکھنے کا متبادل دستیاب ہوگا۔ ان نیلامیوں کا اہتمام جمعہ کے روز یعنی 26 نومبر 2021 کو ریزرو بینک آف انڈیا ، ممبئی آفس، فورٹ، ممبئی کے ذریعہ کیا جائے گا۔

اسکیم کے مطابق سرکاری تمسکات کی نیلامی میں غیر مسابقتی بولی کی سہولت  کے لیے تمسکات کی فروخت کی مشتہری رقم کا 5 فیصد تک حصہ مستحق افراد اور اداروں کو مختص کیا جائے گا۔

مسابقتی اور غیر مسابقتی بولیوں دونوں کے لیے نیلامی کو 26 نومبر 2021 کو ریزرو بینک آف انڈیا کور بینکنگ سولوشن (ای۔کوبیر) سسٹم پر الیکٹرانک شکل میں داخل کیا جانا چاہئے۔ غیر مسابقتی بولیوں کو 10.30 بجے صبح سے 11.00 بجے صبح کے دوران ، اور مسابقی بولیوں کو 10.30بجے صبح سے 11.30 بجے صبح کے دوران داخل کیا جانا لازمی ہے۔

نیلامیوں کے نتائج کا اعلان 26 نومبر 2021 (بروز جمعہ) کو کیا جائے گا اور کامیاب طور پر بولی لگانے والوں کو ادائیگی 29 نومبر 2021 (بروز پیر) کردینی ہوگی۔

یہ تمسکات وقت وقت پر ترمیم کیے گئے سرکلر نمبر آر بی آئی/2018۔19/25 مؤرخہ 24 جولائی 2018  کے تحت، ریزرو بینک آف انڈیا کے ذریعہ جاری کردہ ’مرکزی حکومت کے تمسکات میں کب جاری کیے گئے لین دین‘ سے متعلق رہنما خطوط کے مطابق ’’کب جاری کیے گئے‘‘کاروبار کے استحقاق کے حامل ہوں گے۔

********

ش ح۔اب ن ۔ ع آ

U. NO. 13228

 

(Release ID: 1774526) Visitor Counter : 118