पणजी, 11 नोव्हेंबर 2021

गोवा टपाल विभागातील निवृत्तीवेतनधारकांच्या समस्या सोडवण्यासाठी गोवा विभागाने 1 डिसेंबर रोजी टपाल पेन्शन अदालतीचे आयोजन केले आहे. गोवा टपाल विभागात गोव्यासह सांगली, कोल्हापूर, रत्नागिरी, सिंधुदुर्ग या महाराष्ट्रातील जिल्ह्यांचा समावेश आहे. 1 डिसेंबर रोजी पोस्ट मास्तर जनरल कार्यालय, गोवा विभाग, पणजी याठिकाणी पेन्शन अदालतीचे आयोजन करण्यात आले आहे.  

टपाल खात्याचे निवृत्त तसेच मयत कर्मचारी ज्यांच्या निवृत्तीवेतनाचे लाभ प्रलंबित आहेत अशा प्रकरणांची या पेन्शन अदालतीमध्ये दखल घेण्यात येईल. न्यायालयीन खटले, उत्तराधिकारी वाद आणि धोरणासंदर्भातील तक्रारींची पेन्शन अदालतीमध्ये नोंद घेतली जाणार नाही. अर्जदारांनी विहीत नमुन्यात आपले अर्ज इरीक्सन पी सॅम्युअल, सहायक लेखाधिकारी/सचिव, पेन्शन अदालत, पोस्ट मास्तर जनरल यांचे कार्यालय, पणजी या पत्त्यावर 20 नोव्हेंबर पर्यंत अर्ज पाठवावेत, असे आवाहन टपाल खात्याने केले आहे.

***

ST/CY

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1770895) Visitor Counter : 190