অদোম্না পুখৎলক্লিবা ইসুশিং অমদি অদোম্না সেয়র তৌরক্লিবা এক্সপরিয়েন্স অসি য়াম্না মরু ওই৷ অথুবা মতমদা ক্রাইসিস অসিদগী অদোমগী রাজ্য, জিলা অমদি লোকেলিতীবু ফ্রী ওইহনগদবনি খল্লিবা থৌনা অদু অদোমদসু লৈবা ঐনা উবা ফংই৷ মতম অসি দীপাবলি কুহ্মৈগী মতমনি অমদি মুখ্য মন্ত্রীশিংগী চিল্লবা স্কেদ্যুলবু ঐনা খঙজৈ৷ ইকাই খুম্নরবা মুখ্য মন্ত্রী পুম্নমক্না ঐখোয়গী ইরক্তা তিনবিনবগী মতম কাইথোকপিবা অসিগীদমক ঐনা অদুক্কী মতিক নুংঙাইবা ফাওজৈ৷ জিলাশিংগী প্রজা মীয়ামদা ঐনা ৱা ঙাংবা পাম্লিবা অসি অচুম্বমক্নি অমদি মুখ্য মন্ত্রীশিংদসু ঐনা অকাইবা পীবা পামজখিদবা অসিসু অচুম্বমক্নি৷ অদুবু মসি মুখ্য মন্ত্রীশিংগী হোৎনজমলনি অমদি মখোয় মখোয়গী রাজ্যদা ভেক্সিন ১০০% কাপ্নবা মখোয়না পান্দম থম্লিবা অদুনা মফম অসিদা মখোয়না শরুক য়ারিবনি অমদি মখোয়না শরুক য়ারকপা অসিনা ঐখোয়গী জিলাশিংগী ওফিসরশিংদা অনৌবা কনফিদেন্স অমদি থৌনা অমা পীরগনি৷ মসি ঐগী ওইনদি য়াম্না নুংঙাইবা থৌদোক অমনি অমদি মীফম অসিদা মুখ্য মন্ত্রীশিংনা হকচিন্না লৌবিবগীদমক অমদি হরাউ-কুহ্মৈগী মতম অসিদা ঐখোয়গী ইরক্তা তিনবিনবা চিল্লবা মতমবু কাইথোকপিরকপা অসিগীদমক ঐনা অখন্ননা থাগৎপা ফোংদোকচরি৷

মুখ্য মন্ত্রী পুম্নমকপু ঐগী থমোইদগী থাগৎপা ফোংদোকচরি অমদি মখোয়গী থৌজালদগী ঙসি খন্ন-নৈনবা অসিনা অফবা ফলশিং ফংলগনি হায়না ঐনা থাজৈ৷ ঙসি ফাওবগী ওইনা ঐখোয়না ফংলিবা প্রোগ্রেস অসি ময়াম্না হোৎনবিরিবা অসিননি হায়না ময়ামদা ঐনা হায়জগে৷ জিলা, খুঙ্গংগী এমপ্লোইয়ী খুদিংমক্না অমদি ঐখোয়গী অশা ৱার্করশিংনা য়াম্না কন্না হোৎনখ্রে৷ ভেক্সিনশিং কাপনবা মখোয়না অথাপ-অথাপ্পা মফম কয়া অমদা খোংনা চৎখ্রে৷ অদুবু করিগুম্বা ঐখোয়না দোজ বিলিয়ন অমগী এচিবমেন্ত ফংলবা মতুংদা তপথরক্লবদি, অনৌবা ক্রাইসিস অমা অমুক লাকপা য়াই৷ মরম অদুনা, লাইনাশিং অমদি য়েক্নবশিং অসি মতম পুম্নমক্তা লাইথোক্না খল্লোইদবনি হায়না ঐখোয়গী লৈবাক্তা হায়নবা লৈ৷ লানফম অসি লোইশিনদ্রিবা ফাওবা ঐখোয়না থেংনগদবনি, মরম অদুনা, ঐথোয়গী গার্দ হন্থনা থম্বা ঐনা পামদে৷

মরুপশিং,

চহি ১০০গী খ্বাইদগী চাওবা লাইনা-লাইচৎকী মতম অসিদা লৈবাক অসিনা চেলেঞ্জ কয়া অমা থেংনখ্রে৷ লৈবাক অসিনা কোরোনা লাইনা-লাইচৎ লান্থেংনবদা করিগুম্বা স্পিসিয়েল ওইবা লৈখিবনা ঐখোয়না অনৌবা সোলুসনশিং অমদি ইন্নোবেতিব ওইবা লম্লীশিং ফংবা ঙমখিবনি৷ মীয়াম্না মখোয় মখোয়গী এরিয়াশিংদা অনৌবা পোৎশকশিং এক্সপ্লোর তৌখি৷ ইন্নোবেতিব ওইবা লম্বীশিং শিজিন্নদুনা অদোম অদোমগী জিলাশিংদা ভেক্সিন নিংথিনা কাপথোক্নবা অদোম্নসু মাংজিল থাদুনা হেন্না হোৎনগদবনি৷ অনৌবা মেথর্দশিং, অনৌবা অপাম্বা অমদি অনৌবা তেক্নোলোজীনা পুন্সিবু কেম্পেন্দ অসিদা চিংশিল্লি৷ অহানবা দোজ ফেজ ১০০% মপুং ফাখ্রবা রাজ্যশিংসু তোঙান তোঙানবা চেলেঞ্জশিং থেংনখ্রে হায়বসিসু অদোমনা নিংশিংগদবনি৷ জিওগ্রাফিকেল কন্দিসনশিং অমদি রিসোর্সশিং অসিনা মরম ওইদুনা অরুবা তানফমশিং মাইয়োক্নখি৷ অদুবু হায়রিবা জিলাশিং অসিনা চেলেঞ্জশিং অসি মাই পাক্না থেংনবা ঙমখ্রে৷ ভেক্সিন কাপ্লকপদগী ঐখোয় পুম্নমক থা কয়াগী এক্সপরিয়েন্স লৈরে৷ ঐখোয়না অদুক্কী মতিক খঙ-হৈহৌরে অমদি ঐখোয়গী অশা ৱার্কশিংনা মশক খঙদবা য়েক্নবা অমবু মতৌ করম্না লান্থেংনগদগে হায়বদু খঙলে৷ হৌজিক্তি নখোয়না মাইক্রো লেবেলদা ত্রাতিজীশিংগা লোইননা চংশিনগদবনি৷ রাজ্য নত্রগা জিলাগী ৱারি অদু ঐখোয়না কাওথোক্লসি৷ খুঙ্গংশিংদা ভেক্সিন কাপহৌদ্রিবা য়ুমশিংবু ভেক্সিন কাপথোক্নবা ঐখোয়না পান্দম থমগদবনি৷ লাক্লিবা অয়েৎ-অপন পুম্নমক ঐখোয়না লৌথোক্কদবনি৷ স্পিসিয়েল কেম্পশিংগী মরমদা নখোয়না হায়খ্রে, মদু অফবা ৱাখল্লোন অমনি৷   নখোয়গী জিলাশিংদা লৈরিবা খুঙ্গং খুদিংমক অমসুং শহর খুদিংগীদমক করিগুম্বা নখোয়না তোঙান তোঙানবা স্ত্রাতিজীশিং শেমহে হায়রবদি, অদুমক শেম্মু৷ হায়রিবা অসি নখোয়না লমদম অদুদা মখা পোন্দুনা হিংলিবা মীওই ২০-২৫গী তীম অমা শেমদুনা পাংথোকপসু য়াগনি৷ নখোয়না শেম্লিবা তীম অদুদা অফবা কম্পিতিসন অমা লৈহন্নবসু নখোয়না হোৎনবা য়াই৷ নখোয়না এন.সি.সি.-এন.এস.এস.কী নহা ওইরিবা মরুপশিংদগী মতেং য়াম্না লৌবসু য়াই৷ নখোয়না নখোয় নখোয়গী জিলাশিংদা লৈরিবা লম-লমগী ওইবা তাইম-তেবল অমা শেম্বা অমদি নখোয়গী তার্গেৎশিং থম্বা য়াই৷ ভেক্সিন কাপ্পদা নুপী ওফিসরশিংনা থৱাই য়াওনা হোৎনদুনা শরুক য়াবা ঐনা উরে অমদি মখোয়না অফবা রিজল্তশিং ফংহনখ্রে৷ নুমিৎ ৫-৭নিগী চাংদা সরকারদা লৈরিবা ঐখোয়গী নুপী এমপ্লোইয়ীশিং অমদি পুলিস্তা য়াওরিবা ঐখোয়গী নুপী ফোর্সতগী মতেং লৌবিয়ু৷ রিজল্তশিং অসি অদু্ক্কী মতিক ঙক্নিংঙাই ওইগনি৷ অথুবা মতমদা নখোয়গী জিলাশিং অদু নেস্নেল এবরেজকী চাংদা নক্ননা পুরক্নবা নখোয়না অঙম্বী থাদনা হোৎনগদবনি৷ তশেংবদি, নখোয়না অদুদগী হেন্না তৌবা ঐনা পাম্মী৷  নখোয়না প্রজাগী মরক্তগী চমম্নবা অমদি লান্না পাউ শন্দোকপগী চেলেঞ্জ অমা থেংনরি হায়বসি ঐনা খঙই৷ ঐখোয়না চংশিল্লকপনা, হায়রিবা চেলেঞ্জশিং অসি কন্সেন্ত্রেদ এরিয়াশিংদা ঐখোয়না থেংনবা য়াই৷ হায়রিবা অসি নখোয় অয়াম্বনা কনবর্জেসন অসিগী মনুংদা ফোংদোকখিবা লৈখ্রবনি৷ মীয়াম্বু হেন্না খঙহন-হৈহনবা হায়বসিনা মসিগী অচৌবা উপাই অমনি৷ হিরম অসিদা নখোয়না লোকেল রিলিজিয়র্স লিদরশিংসু খুৎশম্নগদবনি, মখোয়গী মতেং লৌগদবনি, মিনিত ২-৩মু্ক্কী চাংদা শাংবা মখোয়গী অতেনবা ভিদিওশিং শেমগদবনি অমদি হায়রিবা ভিদিওশিং অদু মমিং লৈহন্নবা হোৎনগদবনি৷ হায়রিবা ভিদিওশিং অসিদা রিলিজিয়র্স লিদরশিংনা শন্দোক্না তাক্লিবা অদু য়ুমথোং খুদিংদা য়ৌহনগদবনি৷ ঐনা চাং-নাইনা য়াম্না তোইনা তোঙান তোঙানবা মুনি-ঋশিশিং উন্নৈ৷ হৌরকপদা ঐনা রিলিজিয়র্স লিদর কয়া অমদা ৱারি শানখ্রে অমদি থবক অসিদা মখোয়না মতেং পাংবিনবা হায়না হায়জখ্রে৷ ভেক্সিন কাপ্পগী মতাংদা মখোয় পুম্নমক্না সপোর্ত তৌরকই অমদি কনা অমতনা মসিগী মাইয়োক্তা লাকখিবা লৈতে৷ নুমিৎ নিনিগী মমাংদা, ঐনা বেতিকানদা পোপ ফ্রাঞ্চসিসসু উন্নখি৷ ভেক্সিন কাপ্পগী মতাংদা রিলিজিয়র্স লিদরশিংনা পীরক্লিবা মেসেজ অসি মীয়ামগী মরক্তা শন্দোকপদা ঐখোয়নসু অখন্ননা মীৎয়েং চংগদবনি৷

মরুপশিং,

ভেক্সিনেসন কেম্পেন্দ অসি য়ুমথোং খুদিং য়ৌহন্দুনা নখোয়গী জিলাশিংদা লৈরিবা মীয়াম্বু মতেং পাংনবা অমদি থৌনা পীনবগী খোংথাং অমা হৌজিক্তি লৈরে৷ ‘হর ঘর দস্তক’ (থোংজিল খুদিংদা চংদুনা থোং থিনবা)কী মন্ত্র অসি ভেক্সিনগী দবল দোজ অমগী সেক্যুরিতী নেত লৈতবা য়ুমথোং খুদিংদা হৌহল্লগনি৷ হৌজিক ফাওবা, প্রজাবু ভেক্সিনেসন সেন্তরশিংদা য়ৌহন্নবা অমদি মফম অদুদা ভেক্সিন সেফ ওইনা কাপহন্নবগীদমক নখোয়না এরেঞ্জমেন্তশিং শেমখ্রে৷ হৌজিক্তি, ‘হর ঘর তিকা, ঘর ঘর তিকা’(থোংজিলদা ভেক্সিন কাপ্পা)গী স্পিরিত অসিদা লোইননা ঐখোয়না য়ুমথোং খুদিং য়ৌহন্নবা হোৎনগদবনি৷

মরুপশিং,

কেম্পেন্দ অসি মাই পাক্না চত্থনবগীদমক তেক্নোলোজীদগী হৌদুনা কম্ম্যুনিকেসন ফাওবা শিজিন্নদুনা ঐখোয়গী সোসিএল ইনফ্রাস্ত্রকচর ঐখোয়না মপুং ফানা শিজিন্নগদবনি৷ লৈবাক অসিগী রাজ্যশিং অমদি জিলাশিংদা অসিগুম্বা মোদেল কয়া অমা ঐখোয়গী লৈ৷ হায়রিবা মোদেলশিং অসি অথাপ্পা মফমশিংদা লৈরিবা খুঙ্গংশিংদগী হৌরগা শহরশিং ফাওবদা ভেক্সিন ১০০% কাপ্নবা হোৎনবদা শিজিন্নখ্রে৷ সোসিএল নত্রগা জিওগ্রাফিকেল কন্দিসনশিং অসিগী মতুং ইন্না নখোয়গী নত্রগা অকক্নবা মফম অমগী ওইনা করম্বা মোদেলনা চান্নগদগে হায়বদু নখোয়না খনগদবনি৷ ঐখোয়গী ত্রাইবেল কম্ম্যুনিতীশিং অমদি ফোরেস্ত দ্বেল্লরশিংবু ভেক্সিন কাপথোক্নবা ঐখোয়না খোং থাংজিন্দুনা হোৎনগদবনি৷ সমাজ অসিদা লৈরিবা অতোপ্পা ইকাই খুম্নরবা মীওইশিংগী সপোর্ত অমসুং কোওপরেসনগা লোইননা লোকেল লিদরশিপনা ভেক্সিনেসন কেম্পেন্দ অসি মাই পাকহনবগী অচৌবা ফেক্তর অমা ওই হায়বসি হৌজিক ফাওবগী ওইনা ফংলিবা ঐখোয়গী এক্সপরিয়েন্স অসিনা উৎলি৷ নুমিৎ খরনিসু ঐখোয়না কৎথোক্কদবনি৷ খুদম ওইনা হায়রবদা, বির্সা মুন্দা জীগী মপোক নুমিৎ কুইশিল্লক্ত্রে৷ ভেক্সিন কাপথোকপা অসি মঙোন্দা ইকাই খুম্নবা উৎপা অমা ওইরগনি হায়না বির্সা মুন্দা জীগী মপোক-নুমিৎকী মাংওইননা ত্রাইবেল এরিয়া পুম্নমক্তা এতমোস্ফেয়র অমা শেম্মু৷ মতৌ অসিগুম্না, অসিগুম্বা পুক্নিং নুংশিরবা ৱাহৈশিং অসিদা ঐখোয়না খনগদবনি৷ মসিগী খোঙথাং অসি ত্রাইবেল কম্ম্যুনিতীবু মপুং ফানা ভেক্সিন কাপথোকপদা কান্নবা পীরগনি হায়না ঐনা খল্লি৷ করিগুম্বা ঐখোয়না ভেক্সিনশিংগা মরী লৈনবা ই-পাউশিং অসি য়াম্না লাইনা মখোয়গী ওইবা লোকেল লোনশিংদা ফাওনবা তারবদি, হেন্না ফবা রিজল্তশিং থোক্লক্কনি৷ মীওই খরনা মশা মশাগী মরোলশিংদা ভেক্সিন কাপ্পদা বেজ তৌদুনা ইশৈশিং শকপা ঐনা উরে৷

মরুপশিং,

য়ুমথোং খুদিংদা থোং থিন্দুনা, অহানবা দোজকা লোইননা অনিশুবা দোজ কাপথোক্নবা নখোয় পুম্নমক চপ-মান্ননা মীৎয়েং চংগদবনি৷ মরমদি ইনফেক্সন থোকপগী কেসশিং অসি তারকপা মতমদা, আর্জেন্সীগী ফিলিং অদুসু হন্থরকই৷ ‘থুরিবা অসি করিনো;ঐখোয়না ভেক্সিনশিং অদু কোন্না তপ্না কাপ্লগনি’ হায়না মীয়াম্না খনবা হৌরকই৷ ঐখোয়না বিলিয়ন দোজ অমগী মার্ক লানখিবা মতমদা, ঐনা হোস্পিতাল অমদা চৎখি, মফম অদুদা চিং-লেম্লবা নুপা অমা থেংনখিবা অদু ঐনা নিংশিংলি৷ করিগীদমক মহাক্না অদুক কুইনা ভেক্সিন কাপ্তনা লৈরম্লিবনো হায়না ঐনা মঙোন্দা হংখি৷ মহাক্না মহাক অসি রেস্তলর অমনি অমদি ভেক্সিন কাপ্পগী দরকার ওইদে হায়না হায়রকখি৷‘হৌজিক্তি দোজ বিলিয়ন অমা শুরে, ঐনা মফম অসিদা ভেক্সিন কাপ্পা লাক্লি মরমদি ঐনা ভেক্সিন কাপ্তবা তারবদি ঐবু শোক্ন-শম্নবা য়াদবা মীওই অমনি হায়না খনখিগনি৷ মরম অদুনা ঐনা ইশামক অসি ভেক্সিন কাপথোক্নবা লেপখি অমদি মফম অসিদা ভেক্সিন কাপ্পা লাকখি৷’ মরম অদুনা, ঐখোয়না ঐখোয়গী গার্দ অসি মীরাইদুনা থম্লোইদবনি হায়না ঐনা হায়জরি৷ ভেক্সিন দোজ অনিমক মতম চানা কাপথোকপা অসি য়াম্না মরু ওই৷ নখোয়গী এরিয়াশিংদা অনিশুবা দোজ কাপ্নবগী মতম শুরবা মীওইশিংনা অনিশুবা দোজ কাপ্তনা লৈরিবশিং অদু প্রাইয়োরিতী বেসিস্তা খোয়না খন্দোক্কদবনি অমদি মখোয়বু ভেক্সিন কাপথোকহনগদবনি৷

মরুপশিং,

‘ফ্রী ভেক্সিন ফোর ওল’ কেম্পেন্দগী মখাদা, ঐখোয়না নোংমদা ভেক্সিন দোজ কোতি ২.৫গী চাংদা কাপখ্রে, অমদি ঐখোয়গী তৌবা ঙম্বশিং অদু উৎখ্রে৷ থা অসিগী ওইনা লৈরিবা ভেক্সিনগী চাংগী মতাংদা অকুপ্পা ই-পাউ অদু মাংজৌননা রাজ্য খুদিংমক্তসু সেয়র তৌজখ্রে৷ মরম অদুনা, নখোয়গী খুদোংচাবা য়েংলগা থা অসিগী ওইনা নখোয়গী তার্গেৎশিং মাংজৌননা নখোয়না প্লান তৌবা য়াগনি৷ হৌজিক্তি, দোজ বিলিয়ন অমা হেল্লক্লবা মতুং অসিদা দীপাবলী পাংথোক্নিংবগী অপাম্বা লৈ অমদি মতৌ অসিগুম্না চপ-মান্ননা খৃস্তমাসসু পাংথোক্নবা অনৌবা তার্গেৎশিং ফংবা ঐখোয়না ঙাইগদবনি৷ থৌনা অসিগা লোইননা ঐথোয়না চংশিনগদবনি৷

লোইশিল্লকপদা, মরুপ ময়ামদা করিগুম্বা অহেনবা অমা ঐনা নিংশিংবা পাম্মী৷ নখোয়না সরকারগী সর্ভিস তৌরকখিবা অহানবা নুমিৎ অদু নিংশিংবিয়ু৷ মখোয়গা ফম্মিন্নরিবা দিস্ত্রিক ওফিয়র পুম্নমক্তা অমদি তীমশিংদা ঐনা আপীল তৌজরি৷ মুসোরিদগী ত্রেনিং লোইরবা মতুং নখোয়না গ্রেজুয়েত তৌদুনা নখোয়গী দ্যুতী অহানবা নুমিৎ অদু নিংশিংউ৷ নখোয়দা পোকখিবা পু্ক্নিংশিং, নখোয়গী অপাম্বা অমদি মংলানশিং অদু করি করি ওইখিবগে? সমাজ অসিগীদমক করিগুম্বা অফবা থবক খরা তৌগে অমদি মসিগীদমক থমোই শেংনা হোৎনগে হায়বগী ৱাখল্লোন অদু নখোয়দা ফাওরমগনি হায়না ঐনা থাজৈ৷ অদুগুম্বা মংলানশিং অমদি রিজোলুসনশিং অদু অমুক্কা হন্না নিংশিংবিয়ু অমদি সমাজ অসিদা শোত্থদুনা লৈরবা অমদি খুদোংচাবা অমতা ফংদনা লৈরিবা মীওইশিংগীদমক ঐখোয়গী পুন্সিশিং কৎথোকপা অসিদগী হেন্না চাওবা খুদোংচাবা অমতা লৈররোই হায়না খল্লু৷ থৌনা অদুমক নিংশিংদুনা থবক পাংথোকউ৷ নখোয়না পুন্না হোৎনরিবা অসিগা লোইননা নখোয়গী জিলাশিংগী ভেক্সিন কাপ্পগী ফিভম অসি অথুবা মতমদা ফগৎলক্লগনি হায়না ঐনা থাজৈ৷ য়ুমথোং খুদিং চংদুনা ‘হর ঘর দস্তক’ ভেক্সিন কেম্পেন্দ অসি ঐখোয়না মাই পাকহল্লসি৷ ঙসি ঐনা ঙাংলিবা অসিদা তারিবা মীয়াম্না চোংথোরক্তুনা থবক তৌরক্নবা ঐনা হায়জরি৷ নখোয়না ভেক্সিন কাপলম্বা অসি য়াম্না ফৈ, অদুবু নখোয়না অতোপ্পা মীওইশিংবু ভেক্সিন কাপথোকহন্নবা য়াম্না কন্না হোৎনবিরে৷ নুংতি নুমিৎ খুদিংগী ওইনা মীওই ২-৫-১০ কন্নেক্ত তৌনবা নখোয়না হোৎনবিরি৷ মসি মীওইবা জাতিদা অমদি ইমা ভারতকীদমক পাংথোকপা থৌদাংনি৷ মসি লৈবাক অসিদা লৈরিবা মীওই কোতি ১৩০ য়াইফনবা পাংথোকপনি৷ মসি মীরাইদনবা হোৎনসি অমদি ঐখোয়গী দীপাবলী অসি রিজোলুসনশিং অসিগী দীপাবলী ওইহনসি৷ লৈবাক অসিনা মনিং-মখা তম্লকপা চহি ৭৫ শুরকপদা ঐখোয়না নুংঙাইবা ফোংদোক্লি৷ মনিং-মখা তম্লকপা চহি ৭৫ শুরকপগী চহি অসি হরাউ নুংঙাইবা অমদি কনফিদেন্সনা মপুং ফাহনগদবা মতম অদু কুইশিল্লক্ত্রে৷ নখোয় পুম্নমক্তা ঐনা থাজবা থম্মী৷ নখোয়গুম্বা নহা ওইরিবা তীম অমদা ঐনা থাজবা থম্মী অমদি মসিনা মরম ওইদুনা ঐনা মপান লৈবাক্তগী হল্লকপগা অথুবা মতমদা ঐগী লৈবাক অসিগী মরুপশিংবু উনগে হায়না থৌওইনা লেপখিবনি৷ মুখ্য মন্ত্রী পুম্নমকসু শরুক য়াখিরম্মী অমদি মখোয়না হকচিন্না লৌরি হায়বদু মখোয়না উৎলমখ্রে৷ ইকাই খুম্নরবা মুখ্য মন্ত্রী পুম্নমক্তসু ঐনা অপেনবা ফোংদোকচরি৷ ময়াম পুম্নমকপু অমুক্কা হন্না অদুক্কী মতিক থাগৎপা ফোংদোকচরি৷ খুরুমজরি!

******

(Release ID: 1769747) Visitor Counter : 156