• રાષ્ટ્રવ્યાપી રસીકરણ અભિયાન અંતર્ગત અત્યાર સુધી 93.99 કરોડ લોકોને રસી આપવામાં આવી
• છેલ્લા 24 કલાકમાં ભારતમાં 19,740 નવા કેસ નોંધાયા
• સક્રિય કેસ કુલ કેસનાં 1% કરતા ઓછા છે, હાલમાં 0.70% છે, માર્ચ 2020 પછી સૌથી ઓછા
• ભારતમાં સક્રિય કેસનું ભારણ 2,36,643 થયું, 206 દિવસમાં સૌથી ઓછું
• સાજા થવાનો દર હાલમાં 97.98% નોંધાયો, માર્ચ 2020 પછી સૌથી વધુ
• છેલ્લા 24 કલાકમાં 23,070 દર્દીઓ સાજા થયા, કુલ વધીને 3,32,48,291 દર્દીઓ સાજા થયા
• સાપ્તાહિક પોઝિટિવીટી દર છેલ્લા 106 દિવસથી 3% કરતા ઓછો થઈ ગયો છે, હાલમાં 1.62% છે
• દૈનિક પોઝિટિવીટી દર 1.56% પહોંચ્યો, છેલ્લા 40 દિવસથી 3% કરતા ઓછો
• કુલ 58.13 કરોડ પરીક્ષણો કરવામાં આવ્યા

PRESS INFORMATION BUREAU

MINISTRY OF INFORMATION & BROADCASTING

GOVERNMENT OF INDIA

છેલ્લા 24 કલાકમાં  79,12,202 રસી ડોઝના વહીવટ સાથે, ભારતનું કોવિડ -19 રસીકરણ કવરેજ 94 કરોડ (93,99,15,323) ના સીમાચિહ્ન આંકને વટાવી ગયું છે. સવારે 7 વાગ્યાના કામચલાઉ ડેટા મુજબ, આ 82,99,312 સત્રો દ્વારા પ્રાપ્ત થયું છે.

આજે સવારે 7 વાગ્યા સુધી કામચલાઉ અહેવાલ મુજબ સંચિત આંકડાનું વિભાજન:

21 જૂનથી કોવિડ-19 વિરોધી રસીકરણ અભિયાનના સાર્વત્રીકરણના નવા તબક્કાનો આરંભ થયો છે. કેન્દ્ર સરકાર સમગ્ર દેશમાં કોવિડ-19 રસીકરણનો વ્યાપ વધારવા માટે અને તેને વધુ વેગવાન બનાવવા માટે પ્રતિબદ્ધ છે.

મહામારીની શરૂઆતથી આજદિન સુધીમાં કોવિડ-19ના કુલ પોઝિટીવ થયેલા કેસમાંથી 3,32,48,291 દર્દીઓ સાજા થઇ ગયા છે અને છેલ્લા 24 કલાકમાં વધુ 23,070 દર્દીઓ સાજા થયા છે.

આના કારણે એકંદરે સાજા થવાનો દર 97.98% થયો છે.

છેલ્લા 24 કલાકમાં ભારતમાં દૈનિક 19,740 નવા કેસ નોંધાયા છે.

104 દિવસથી સતત 50,000 કરતા ઓછા દૈનિક નવા કેસ નોંધાયા છે. આ કેન્દ્ર અને રાજ્યો / કેન્દ્રશાસિત પ્રદેશો દ્વારા સતત અને સહયોગી પ્રયત્નોનું પરિણામ છે.

સક્રિય કેસનું ભારણ આજે 2,36,643 છે, સક્રિય કેસ કુલ કેસનાં 0.70% થયા.

સમગ્ર દેશમાં દૈનિક ધોરણે પરીક્ષણોની ક્ષમતામાં સતત વધારો કરવામાં આવી રહ્યો છે અને છેલ્લા 24 કલાકમાં દેશમાં 12,69,291 કુલ પરીક્ષણો કરવામાં આવ્યા છે. ભારતમાં આજદિન સુધીમાં કુલ મળીને 58.13 કરોડથી વધારે (58,13,12,481) પરીક્ષણો કરવામાં આવ્યા છે.

એક તરફ, દેશમાં થતા પરીક્ષણોની સંખ્યામાં વધારો કરવામાં આવ્યો છે અને બીજી તરફ સાપ્તાહિક ધોરણે કેસની પોઝિટીવિટીમાં સતત ઘટાડો નોંધાઇ રહ્યો છે. સાપ્તાહિક પોઝિટીવિટી દર હાલમાં 1.62% છે જે છેલ્લા 106 દિવસથી 3%થી ઓછો છે, જ્યારે દૈનિક પોઝિટીવિટી દર આજે 1.56% નોંધાયો છે. દૈનિક પોઝિટીવિટી દર છેલ્લા 40 દિવસથી 3%થી ઓછો છે અને સળંગ 123 દિવસથી આ દર 5%થી નીચે જળવાઇ રહ્યો છે.

કેન્દ્ર સરકાર સમગ્ર દેશમાં કોવિડ-19 રસીકરણની પ્રક્રિયાને ઝડપી બનાવવા માટે અને તેની ઉપલબ્ધતા વધારવા માટે પ્રતિબદ્ધ છે. 21 જૂન, 2021ના રોજ નવા રાષ્ટ્રવ્યાપી કોવિડ-19 રસીકરણ કાર્યક્રમની શરૂઆત થઈ હતી. રસીકરણ અભિયાન અને રસીની ઉપલબ્ધતા સાથે, રાજ્યો તેમજ કેન્દ્રશાસિત પ્રદેશોને રસીકરણ ઉપલબ્ધતાની અગ્રિમ જાણકારી આપીને ઝડપી કરવામાં આવી જેથી રસી અંગે રાજ્ય અને કેન્દ્રશાસિત પ્રદેશ ઉત્તમ યોજના બનાવી શકે અને રસીની સપ્લાઈ ચેઈન સુવ્યવસ્થિત કરી શકાય.

દેશવ્યાપી રસીકરણ અભિયાનના ભાગ રૂપે, ભારત સરકાર રાજ્યો અને કેન્દ્રશાસિત પ્રદેશોને વિના મૂલ્યે કોવિડ-19 રસી આપીને સમર્થન આપી રહી છે. કોવિડ-19 રસીકરણ અભિયાનના સાર્વત્રિકરણના નવા તબક્કામાં, કેન્દ્ર સરકાર દેશમાં રસી ઉત્પાદકો દ્વારા ઉત્પાદિત 75% રસી રાજ્યો અને કેન્દ્રશાસિત કેન્દ્રોને (વિના મૂલ્યે) પહોંચાડશે અને સપ્લાય કરશે.

ભારત સરકારે બધા જ પ્રકારના સ્ત્રોતો દ્વારા રાજ્યો/કેન્દ્રશાસિત પ્રદેશોને 95.51 કરોડ (95,51,92,065) થી વધુ રસી પૂરી પાડી છે.

હાલમાં, કોવિડ-19 રસીના 8.51 કરોડ (8,51,21,235) થી વધુ ડોઝ રાજ્યો અને કેન્દ્રશાસિત પ્રદેશો અને ખાનગી હોસ્પિટલોમાં બાકી છે, જેનું સંચાલન કરવામાં આવશે.

ઘરેલું રસી ઉત્પાદકો અને સિરીંજ ઉત્પાદકોએ ભારતમાં વિશ્વના સૌથી મોટા કોવિડ રસીકરણ કાર્યક્રમના અસરકારક અમલીકરણમાં મહત્વની અને અહમ ભૂમિકા ભજવી છે. ભારતમાં અત્યાર સુધીમાં રસીના લગભગ 94 કરોડ ડોઝ આપવામાં આવ્યા છે અને આ આંકડો 100 કરોડ ડોઝની નજીક છે. ભારતના છેલ્લા નાગરિકને રસી આપવાની મક્કમ રાજકીય પ્રતિબદ્ધતા સાથે પંડિત દીનદયાળ ઉપાધ્યાયના 'અંત્યોદય' ના સ્વપ્નને પૂર્ણ કરતા સરકારે તેમની સ્થાનિક ઉપલબ્ધતા વધારવા માટે સિરીંજની નિકાસ પર જથ્થાત્મક પ્રતિબંધો લાદ્યા છે.

ટૂંકા શક્ય સમયમાં તમામ પાત્ર નાગરિકોને રસી આપવા માટે કાર્યક્રમની ગતિ જાળવી રાખવા માટે સિરીંજ મહત્વપૂર્ણ છે. રસીકરણ માટે ઉપયોગમાં લેવાતી સિરીંજની પૂરતી ઉપલબ્ધતા સુનિશ્ચિત કરવાના હેતુથી, ભારત સરકારે સિરીંજની નીચેની કેટેગરીની નિકાસ પર આ માત્રાત્મક પ્રતિબંધ લાદ્યો છે:-

• 0.5 મિલી/1 મિલી AD (ઓટો-ડિસેબલ) સિરીંજ

• 0.5 મિલી /1 મિલી/ 2 મિલી/ 3 મિલી નિકાલજોગ સિરીંજ

• 1 મિલી / 2 મિલી / 3 મિલી RUP (ફરી ઉપયોગ નિવારણ) સિરીંજ

તે પણ સ્પષ્ટ કરવામાં આવ્યું છે કે કોઈ પણ પ્રકારની સિરીંજ પર કોઈ નિકાસ પ્રતિબંધ નથી, તે માત્ર ત્રણ મહિનાના મર્યાદિત સમયગાળા માટે ચોક્કસ પ્રકારની સિરીંજની નિકાસ પર માત્રાત્મક પ્રતિબંધ છે. વધુમાં, ઉપરોક્ત કેટેગરી સિવાય કોઈ પણ કેટેગરી અને સિરીંજના પ્રકાર પર જથ્થાત્મક પ્રતિબંધો લાદવામાં આવ્યા નથી.

#IndiaFightsCorona:

📍Daily New Cases vis-à-vis Daily Samples Tested (As on 09th October, 2021, Till 8:00 AM)

☑️#StaySafe and follow #COVIDAppropriateBehaviour #Unite2FightCorona #StayHomeStaySafe pic.twitter.com/e3JdVRMxBt

— #IndiaFightsCorona (@COVIDNewsByMIB) October 9, 2021

#IndiaFightsCorona:

📍More than 62.3 crore doses administered in first 109 days of the World's Largest Free-For-All Vaccination Drive launched on June 21, 2021 (As on October 09, 2021)

➡️ But this fight isn't over yet, strengthen the country's endeavour by getting #vaccinated pic.twitter.com/0mPnzFKBKQ

— #IndiaFightsCorona (@COVIDNewsByMIB) October 9, 2021

#IndiaFightsCorona:#COVID19Vaccination Status (As on 09th October 2021, 8:00 AM)

✅Total vaccine doses administered (so far): 93,99,15,323

✅Vaccine doses administered (in last 24 hours): 79,12,202#We4Vaccine #LargestVaccinationDrive@ICMRDELHI @DBTIndia pic.twitter.com/Lke9S1jJce

— #IndiaFightsCorona (@COVIDNewsByMIB) October 9, 2021

#IndiaFightsCorona:

📍#𝑪𝑶𝑽𝑰𝑫19 𝑽𝒂𝒄𝒄𝒊𝒏𝒆 𝑫𝒐𝒔𝒆𝒔: 𝑨𝒈𝒆-𝒘𝒊𝒔𝒆 𝑫𝒊𝒔𝒕𝒓𝒊𝒃𝒖𝒕𝒊𝒐𝒏 (As on October 9th, 2021, till 10:00 AM)

✅ Above 60 years: 17.5%
✅ 45-60 years: 27.5%
✅ 18-44 years: 55%#We4Vaccine#LargestVaccinationDrive#Unite2FightCorona pic.twitter.com/Pi0EkDx8KV

— #IndiaFightsCorona (@COVIDNewsByMIB) October 9, 2021