ਇਸਪਾਤ ਮੰਤਰਾਲਾ
ਰਾਸ਼ਟਰੀ ਖਣਿਜ ਵਿਕਾਸ ਨਿਗਮ ਅਤੇ ਕੇਂਦਰੀ ਵਿਗਿਆਨਿਕ ਅਤੇ ਖੋਜ ਪਰਿਸ਼ਦ ਨੇ ਖੋਜ ਅਤੇ ਵਿਕਾਸ ਪ੍ਰੋਜੈਕਟਾਂ ਲਈ ਸਾਂਝੇਦਾਰੀ ਕੀਤੀ
Posted On:
28 SEP 2021 2:28PM by PIB Chandigarh
ਰਾਸ਼ਟਰੀ ਖਣਿਜ ਵਿਕਾਸ ਨਿਗਮ (ਐੱਨਐੱਮਡੀਸੀ) ਦੇ ਖੋਜ ਅਤੇ ਵਿਕਾਸ (ਆਰਐਂਡਡੀ) ਕੇਂਦਰ ਅਤੇ ਕੇਂਦਰੀ ਵਿਗਿਆਨਿਕ ਅਤੇ ਖੋਜ ਪਰਿਸ਼ਦ (ਸੀਐੱਸਆਈਆਰ)- ਆਈਐੱਮਐੱਮਟੀ ਨੇ ਸੰਯੁਕਤ ਖੋਜ ਅਤੇ ਵਿਕਾਸ ਪ੍ਰੋਜੈਕਟਾਂ ‘ਤੇ ਕੰਮ ਕਰਨ ਲਈ ਇੱਕ ਸਹਿਮਤੀ ਪੱਤਰ (ਐੱਮਓਯੂ) ‘ਤੇ ਹਸਤਾਖਰ ਕੀਤੇ। ਐੱਨਐੱਮਡੀਸੀ ਦੇ ਸੀਐੱਮਡੀ ਸ਼੍ਰੀ ਸੁਮਿਤ ਦੇਬ ਅਤੇ ਸੀਐੱਸਆਈਆਰ-ਆਈਐੱਮਐੱਮਟੀ ਦੇ ਡਾਇਰੈਕਟਰ ਡਾ. ਐੱਸ. ਬਸੁ ਦੀ ਹਾਜ਼ਰੀ ਵਿੱਚ ਸਮਝੌਤੇ ‘ਤੇ ਹਸਤਾਖਰ ਕੀਤੇ ਗਏ ।
ਐੱਨਐੱਮਡੀਸੀ ਅਤੇ ਸੀਐੱਸਆਈਆਰ-ਆਈਐੱਮਐੱਮਟੀ ਦੇ ਦਰਮਿਆਨ ਸਹਿਯੋਗ ਦਾ ਮੁੱਖ ਉਦੇਸ਼ ਭਾਰਤੀ ਖਣਿਜ ਉਦਯੋਗ ਨੂੰ ਆਤਮਨਿਰਭਰ ਬਣਾਉਣ ਵਿੱਚ ਸਵਦੇਸ਼ੀ ਟੈਕਨੋਲੋਜੀ ਦਾ ਵਿਕਾਸ ਕਰਨਾ ਹੈ। ਇਹ ਸੰਯੁਕਤ ਉੱਦਮ ਸੀਐੱਸਆਈਆਰ - ਆਈਐੱਮਐੱਮਟੀ ਅਤੇ ਐੱਨਐੱਮਡੀਸੀ ਆਰਐਂਡਡੀ ਕੇਂਦਰ ਦੇ ਵਿਆਪਕ ਗਿਆਨ ਅਤੇ ਅਨੁਭਵ ਦਾ ਇਸਤੇਮਾਲ ਨਿਮਨ ਗ੍ਰੇਡ ਲੌਹ ਧਾਤ ਪ੍ਰੋਸੈੱਸਿੰਗ, ਕੋਲੇ ਦਾ ਲਾਭ ਪ੍ਰਾਪਤ ਕਰਨ , ਖਦਾਨਾਂ ਦੇ ਕਚਰੇ ਦਾ ਉਪਯੋਗ , ਤਰਲ ਟ੍ਰਾਂਸਪੋਰਟ ਅਤੇ ਟੰਗਸਟਨ ਪ੍ਰਾਪਤ ਕਰਨ ਦੇ ਖੇਤਰ ਵਿੱਚ ਖੋਜ ਲਈ ਕਰੇਗਾ ।
ਐੱਨਐੱਮਡੀਸੀ ਦੇ ਜਨਰਲ ਮੈਨੇਜਰ (ਆਰ ਐਂਡ ਡੀ) ਸ਼੍ਰੀ ਐੱਸ.ਕੇ. ਚੌਰਸੀਆ ਅਤੇ ਸੀਐੱਸਆਈਆਰ - ਆਈਐੱਮਐੱਮਟੀ , ਭੁਵਨੇਸ਼ਵਰ ਦੇ ਮੁੱਖ ਵਿਗਿਆਨਿਕ ਅਤੇ ਪ੍ਰਮੁੱਖ ਐੱਸਪੀਬੀਡੀ ਡਾ. ਅਸ਼ੋਕ ਸਾਹੂ ਨੇ ਸਹਿਮਤੀ ਪੱਤਰ ‘ਤੇ ਹਸਤਾਖਰ ਕੀਤੇ। ਇਸ ਮੌਕੇ ‘ਤੇ ਐੱਨਐੱਮਡੀਸੀ ਦੇ ਸੀਐੱਮਡੀ ਸ਼੍ਰੀ ਸੁਮਿਤ ਦੇਬ ਨੇ ਕਿਹਾ, “ਭਾਰਤੀ ਖਨਨ ਖੇਤਰ ਜਿੱਥੇ ਆਤਮਨਿਰਭਰਤਾ ਦੇ ਯੁੱਗ ਵਿੱਚ ਪ੍ਰਵੇਸ਼ ਕਰ ਰਿਹਾ ਹੈ, ਉੱਥੇ ਹੀ ਐੱਨਐੱਮਡੀਸੀ ਖਨਨ ਵਿੱਚ ਸਵਦੇਸ਼ੀ ਟੈਕਨੋਲੋਜੀ ਦੇ ਉਪਯੋਗ ਨੂੰ ਵਧਾਉਣ ਲਈ ਨਿਵੇਸ਼ ਕਰ ਰਿਹਾ ਹੈ। ਸੀਐੱਸਆਈਆਰ - ਆਈਐੱਮਐੱਮਟੀ ਦੇ ਨਾਲ ਇਹ ਸਹਿਯੋਗ ਉਸ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਣ ਕਦਮ ਹੈ ।
******
ਐੱਮਵੀ/ਐੱਸਕੇਐੱਸ
(Release ID: 1759079)
Visitor Counter : 123