امورداخلہ کے مرکزی وزیر اور امداد باہمی کے وزیرجناب امت شاہ نے آج وزیراعظم جناب  نریندر مودی کے یوم پیدائش کے موقع پر  تلنگانہ کے نرمل ضلع میں خون کے عطیہ کے ایک کیمپ کا افتتاح کیا اور تلنگانہ کے یوم آزادی کے موقع پر ایک عوامی جلسہ سے خطاب کیا۔ جناب شاہ نے کہا کہ  آج کے دن  سردار پٹیل کی شجاعت کی وجہ سے تلنگانہ کے پورے خطے بیدر اور مراٹھ واڑہ آزادی کے 13 ماہ بعد آزاد ہوئے اور اسی وجہ سے اس دن کو تلنگانہ کا یوم آزادی  بھی سمجھا جاتا ہے۔

امورداخلہ کے مرکزی وزیر اورامداد باہمی کے وزیر نے کہا کہ آج ہی کے دن دنیا کے مقبول ترین لیڈر اور ملک کے وزیراعظم جناب نریندر مودی  کا یوم پیدائش بھی ہے اورآج  ملک بھر کے 130 کروڑ عوام  جناب نریندر مودی کی طویل زندگی کی دعا کررہے ہیں۔وشوکرماڈے کے موقع پر عوام کو مبارکبادپیش کرتے ہوئے  جناب امت شاہ نے کہاکہ آج وشوکرما ڈے بھی ہے اور تمام ورکرز اور دستکار وشوکرما میں یقین رکھتے ہیں اوراس دن بھگوان وشوکرما کی پوجا کرتے ہیں۔

جناب امت شاہ نے کہا کہ اس دن تلنگانہ کو نظام کے قبضے سے آزاد کرایا گیا اور اسی دن سردارپٹیل کا پولیس  ایکشن اور پولو مشن  ختم ہوا او ر پورے ملک کے  آزادی حاصل کرنے کے 13 ماہ بعد تلنگانہ کو  آزادی ملی۔  انہوں نے کہاکہ 2024 میں  تلنگانہ میں ہماری حکومت قائم ہوگی اور  17 ستمبر کو ایک سرکاری پروگرام میں حیدرآباد کایوم آزادی منایا جائے گا۔انہوں نے کہاکہ ہمیں نہ تو  کسی کا خوف  ہے اور نہ ہی ہم ناز برداری کی سیاست کرتے ہیں۔  جناب امت شاہ نے کہاکہ آج ہی  کے دن سردار پٹیل کی شجاعت اور  سوامی رام تیرتھ، پنڈت نریندر اور نرسمہاراؤ جیسے  کئی محبان وطن کی وجہ سے  ہمیں سچے معنوں میں آزادی ملی۔ جناب امت شاہ نے کہاکہ نرمل کے معصوم قبائلیوں نے پہلے انگریزوں کے  خلاف جد وجہد کی اس کے بعد اپنی آزادی کے لئے نظام کے خلاف جد وجہد کی۔ مرکزی وزیر داخلہ اورامداد باہمی کے وزیر نے کہاکہ  تلنگانہ کے لئے جد وجہد میں پولیس فائرنگ میں تین سے زیادہ  نوجوان ہلاک ہوئے اور 1400 سے زیادہ لوگوں نے خود کشی کی۔  ہم نے احتجاج کیا اور تلنگانہ کے لئے قربانیاں دیں جس سے تلنگانہ کی شان واپس آئے گی۔

جناب امت شاہ نے ریاست کے وزیراعلی سے کہاکہ ٹی آر ایس احتجاج کے دوران انہوں نے وعدہ کیا تھا کہ تلنگانہ 17 ستمبر کو یوم آزادی منائے گا اس لئے وہ جاننا چاہتے ہیں کہ ان  کے وعدے کا کیا ہواجبکہ کرناٹک اورمہاراشٹر یوم آزادی منارہے ہیں۔ انہوں نے کہاکہ ایک با رہماری حکومت بننے کے بعد ہم 17 ستمبر کو سرکاری طو رپر تلنگانہ کا یوم آزادی منائیں گے۔

وزیرموصوف نے کہاکہ وزیراعظم کے یوم پیدائش کے موقع پر ملک بھر میں کووڈ-19 کے خلاف ایک بڑی ٹیکہ کاری مہم چلائی جارہی ہے اور دوپہر 3.00 بجے تک  ایک کروڑ سے زیادہ لوگوں کو ٹیکے لگائے جاچکے تھے۔ آزادی  کے 70 برسوں بعد وزیراعظم مودی نے 60 کروڑ لوگوں کے لئے ترقی کی سمت تبدیل کی ہے، انہوں نے ان لوگوں کو ایک  بینک کھاتہ، ایک مکان، ایک ٹوائلٹ دیا اور گھر کے لئے بجلی فراہم کرائی اوراب پینے کا صاف پانی مہیا کرارہے ہیں۔پردھان منتری آیوش مان بھارت یوجنا کے تحت وزیراعظم نریند رمودی نے  ملک کے غریب کو 5 لاکھ روپئے تک کا صحت کے سلسلے میں  ہونے و الا خرچ فراہم کرایا ہے۔ انہوں نے کہاکہ آج پورا  ملک دعا کررہاہے کہ غریبوں کی فلاح و بہبود کے لئے وزیراعظم جناب نریندر مودی کا یہ مشن برسوں  جاری رہے۔

جناب امت شاہ نے کہاکہ تلنگانہ کے عوام کی جو سنگرام  یاترا جاری ہے وہ 5 مرحلوں میں چلائی جائے گی اورہر محلہ تقریباً 50 سے 60 دن کا ہوگا۔ جب 119 اسمبلی حلقوں کا دورہ کرنے کے بعد یہ یاترا حیدرآباد پہنچے گی تو 2024 میں  یہ ہماری حکومت کی بنیاد رکھے گی۔  جناب شاہ نے کہاکہ یہ جد وجہد تلنگانہ کے غریبوں، قبائلیوں اوردلتوں کے لئے ہے، یہ جد وجہد  ماؤں اور بہنوں کے تحفظ کے لئے کیوں کہ وزیراعظم نریند رمودی کی قیادت میں  تلنگانہ ملک بھر کی ترقی کے مشن میں  پیچھے رہ گیا ہے۔انہوں نے کہاکہ  آئندہ لوک سبھا الیکشن میں ہم ریاست کی تمام سیٹوں پر جیتیں گے۔

امورداخلہ کے مرکزی وزیراورامداد باہمی کے وزیر نے کہاکہ یہ سال بھارت کی ا ٓزادی کا 75واں سال ہے اور وزیراعظم نریندر مودی نے ملک بھر میں بھارت کی  آزادی کا 75 واں سال منانے کے لئے کام کیا ہے۔ان تقریبات کا مقصد یہ ہے کہ رام جی گونڈ اور کومارام بھیم جیسے غیر معروف جنگجوؤں سے  نوجوان نسل  واقف ہو ،انہوں نے کہاکہ آزادی کے 75 سال بھارت کی  ثقافتی شان و شوکت کی بحالی کے 75 سال ہیں۔بھارت کی جنگ آزادی کے 75 سا ل کی شان کو بحال  کرنا ہماری پرزنٹیشن ہے۔ہم یہ یقینی بنانے کے لئے جشن منارہے ہیں کہ ملک کے 130 کروڑ عوام کو ترقی کے لئے برابر کے حقوق ملیں ، بھارت کو دنیا میں  نمبر 1 ہونا چاہئے ، بھارت کو محفوظ ہونا چاہئے  ، ہم خوشحال ہوں ۔

جناب امت شاہ نے کہاکہ تلنگانہ کے غریبوں کی فلاح وبہبود کے لئے جو حکومت کام کرسکتی ہے وہ وزیراعظم نریند رمودی کی قیادت و الی ہماری پارٹی کے ذریعہ ہی  تشکیل دی جاسکتی ہے۔ انہوں نے کہاکہ  تلنگانہ میں مذہب کی بنیاد پر ریزرویشن  دیا گیا ہے۔ جناب شاہ نے کہاکہ  ریزرویشن مذہب کی بنیاد پر نہیں دیا جانا چاہئے، یہ ہماری حکومت کی پالیسی ہے۔ ہم  مذہب کی بنیاد پر دیئے گئے ایسے ریزرویشن کی مخالفت کرتے ہیں، یہ  آئینی نہیں ہے اور اسے فوراً ہٹایا جانا چاہئے۔

۔۔۔۔۔۔۔۔۔۔۔

  ش ح۔ا گ ۔ ف ر

U- 9185