نئی دہلی، 17 ستمبر 2021:

الیکٹرانکس اور اطلاعاتی ٹکنالوجی نیز ہنر مندی کی تقریب اور انٹرپرینیورشپ کے وزیر مملکت جناب راجیو چندر شیکھر نے آج سرکاری آئی ٹی آئی کوہیما کا دورہ کیا۔

اس موقع پر انھوں نے سرکاری آئی ٹی آئی کوہیما کمپلیکس میں  انٹرپرینیورشپ ڈویلپمنٹ سنٹر کا افتتاح کیا جو محکمہ روزگار کی مہارت کی ترقی اور انٹرپرینیورشپ، حکومت ناگالینڈ اور آئی آئی ای، گوہاٹی کے تعاون سے بنایا گیا ہے۔ ای ڈی سی بھارت سرکار کی ہنرمندی کی ترقی اور انٹرپرینیورشپ کی وزارت کے سنکلپ پروجیکٹ کے تحت قائم کیا گیا تھا۔

انھوں نے موبائل اسکل مورنگ کا بھی معائنہ کیا جو "پہیوں پر تربیتی ورکشاپ" ہے اور وزارت کے سنکلپ پروجیکٹ کے تحت دیہی نوجوانوں  کی ہنر مندی کی ضروریات کو پورا کرتی ہے۔

وزیر موصوف نے سرکاری آئی ٹی آئی کوہیما کے احاطے میں پودا بھی لگایا۔ انھوں نے جناب سینٹی بینڈانگ جامر کو ناگالینڈ کی ریاست میں آل انڈیا ٹریڈ ٹیسٹ فار کرافٹ مین تربیت اسکیم، 2020 میں  پہلی پوزیشن حاصل کرنے پر مبارکباد پیش کی۔

***

U. No. 9128

(ش ح - ع ا - ع ر )

 

(Release ID: 1755885) Visitor Counter : 127