ঙসি মফম অসিদা কনফরেন্স অমা হৌদোকপগী সেসনদা ৱা ঙাংলদুনা “তুরিজমনা লৈবাক অসিদা মরু ওইনা এন.ই. রিজনদা সোসিয়ো-ইকোনোমিক চেঞ্জ লাকহনবা ঙম্বা গেম চেঞ্জর অমা ওইরবা য়াই” হায়না তুরিজম, কল্চর অমসুং দোনরগী কেন্দ্রগী মন্ত্রী, শ্রী জি. কিসন রেদ্দীনা ফোংদোকখি৷ তুরিজমগী চাওখৎ-থৌরাং অমসুং অৱাং-নোংপোক লমদমগী কন্নেক্তিবিতীগা মরী লৈনবা ইসুশিং খন্ন-নৈননবা তুরিজম, কল্চর অমসুং দোনর মন্ত্রীগী  লুচিং মখাদা অৱাং-নোংপোক রাজ্যশিংগী তুরিজম অমসুং কল্চর মন্ত্রীশিংগী নুমিৎ নিনিগী ওইবা কনফরেন্স অমা শিনখ্রে৷ অসামগী মুখ্য মন্ত্রী শ্রী হিমন্ত বিস্বা শর্ম, কল্চর অমসুং পার্লিয়ামেন্তরী এফিয়র্সকী কেন্দ্রগী রাজ্য মন্ত্রী শ্রী আর্জুন রাম মেঘৱাল অমদি তুরিজম অমসুং দিফেন্সকী কেন্দ্রগী রাজ্য মন্ত্রী শ্রী অজে ভাতনা কনফরেন্স হৌদোকপগী সেসনদা  শরুক য়াখি৷

ফোরম অদুদা ৱা ঙাংলদুনা, থীম বেজ তুরিস্ত সর্ক্যুইতশিংগী ইন্তিগ্রেতেদ দিবেলপমেন্তদা মীৎয়েং থম্লিবা স্বাদেশ দর্শন স্কিমগী মখাদা, মন্ত্রালয়না অৱাং-নোংপোক লমদমদা প্রোজেক্ত ১৬ সেঙ্কসন তৌখ্রে হায়না শ্রী জি. কিসন রেদ্দীনা ফোংদোকখি৷ মহাক্কী মন্ত্রালয়না অৱাং-নোংপোক লমদমদা ইনফ্রাস্ত্রকচর, গ্রাউন্দ কেপাসিতী শেমগৎনবা অমসুং স্কিলশিং লৈহন্নবা অখন্নবা মীৎয়েং চংলি হায়না মহাক্না মখাতানা ফোংদোকখি৷ তুরিজম মন্ত্রালয়না মহাক্কী তোঙান তোঙানবা স্কিমশিং অমসুং ফ্লেগশিপ ইনিসিয়েতিবশিংগী খুৎথাংদা অৱাং-নোংপোক লমদমদা ব্রান্দিং অমসুং মার্কেতিংগী ওইবা মতেংসু পীরি হায়না মহাক্না ফোংদোকখি৷

প্রশাদ স্কিমগী মখাদা মন্ত্রালয় অসিনা লমদম অদুদা প্রোজেক্ত কয়ামরোম সেঙ্কসন তৌখ্রে হায়না শ্রী রেদ্দীনা ফোদোকখি৷ হায়রিবা প্রোজেক্তশিং অদুগীদমক চাওরাক্না লুপা কোতি ২০০ কাইথখ্রে হায়না মহাক্না মখা তাখি৷

দোনর মন্ত্রালয়গী মখাদা পাইখৎলিবা ইনিসিয়েতিবশিং অদুগী মতাংদা পল্লদুনা, ২০২১-২২ বদজেৎতা, অৱাং-নোংপোক রাজ্যশিংদা থাদরিবা শেনফম অসি লুপা কোতি ৬৮,০২০নি হায়না মন্ত্রী অসিনা ফোদোরকখি৷ তোঙান তোঙানবা মন্ত্রালয়শিংদা কাইথখ্রবা শেনফম অদু মাই পাক্না শিজিন্নবা য়ানবগীদমক লমদম অসিদা লৈরিবা রাজ্য সরকার খুদিংমক্না বাইএবল প্রপোজেলশিং পিশিনলক্নবা মহাক্না তকশিনখি৷

এন.ই. জোনদা তুরিজম সেক্তর চাওখৎহন্নবগীদমক হোলিস্তিক এপ্রোচ দরকার ওই হায়না অসামগী মুখ্য মন্ত্রী, শ্রী হিমন্তা বিস্বা শর্মনা ফোংদোকখি৷ মপুং অমা ওইনা য়েংদুনা, অৱাং-নোংপোক অসি ব্রান্দ অমা ওইনা প্রমোত তৌগদবনি অমদি কন্নেক্তিবিতী অমসুং ইনফ্রাস্ত্রকচর ফেসিলিতীশিং অসি শেমগৎপা দরকার ওইরি হায়না মহাক্না মখা তাখি৷

তুরিজম দিবেলপমেন্ত অসিনা কনফরেন্স অসিগী খ্বাইদগী মরু ওইবা হিরম্নি অমসুং মদুগী পোতেন্সিয়েল পুম্নমক অৱাং-নোংপোক্তা লৈ হায়না কল্চর অমসুং পার্লিয়ামেন্তরী এফিয়র্সকী কেন্দ্রগী রাজ্য মন্ত্রী, শ্রী আর্জুন রাম মেঘৱালনা মহাক্কী ৱারোলদা ফোংদোকখি৷ অৱাং-নোংপোক রাজ্যশিংনা তোঙান তোঙানবা সেক্তরশিংদা মশা-মশাগী ওইবা আইজেন্তিতী শেমখ্রে অমসুং রাজ্য খুদিংমক অখন্নবা তেলেন্ত অমসুং পোতেন্সিয়েল লৈ হায়না মহাক্না ফোংদোকখি৷ অৱাং-নোংপোক্তা ইনফ্রাস্ত্রকচর শেমগৎলকপা অসিনা তুরিজমদা চাওখৎপা পুরক্লগনি হায়না পল্লদুনা, তুরিজম সেক্তরদা চাওখৎলকপা অসিনা অতোপ্পা এলাইদ সেক্তরশিং অমসুং লৈবাক অসি চাওখৎহনবতা মশা মতোম্ত মতেং পাংলগনি হায়না মন্ত্রী অসিনা ফোংদোকখি৷ প্রধান মন্ত্রী, শ্রী নরেন্দ্র মোদীগী মংলান অদু পল্লদুনা, ঐখোয়গী প্রধান মন্ত্রীগী মতুং ইন্নদি অৱাং-নোংপোক ভারত অসি চাওখৎহন্দনা লৈবাক অসি চাওখৎহনবা হায়বসি ওইথোক্লোই হায়না মহাক্না ফোংদোকখি৷

প্রধান মন্ত্রী নরেন্দ্র মোদীগী লুচিং মখাদা, লৈবাক অসিনা সেক্তর খুদিংমক্তা চাওখৎলকপগী মমি তারক্লি হায়না তুরিজম অমসুং দিফেন্সকী কেন্দ্রগী রাজ্য মন্ত্রী, শ্রী অজে ভাতনা ফোংদোকখি৷

ঙসিগী থৌরম অসিদা, দোমেস্তিক তুরিজম য়োকখৎপদা অমসুং অনৌবা তুরিজম প্রদক্তশিং শেমগৎপদা কোওপরেসন পীননবগীদমক তুরিজম মন্ত্রালয় অমসুং আই.আর.সি.তি.সি.গী মরক্তা য়ানা-ৱারোল অমা শহি পীনখি৷

তোঙান তোঙানবা কেন্দ্র মন্ত্রালয়শিং, লমদম অদুদা লৈরিবা রাজ্য সরকারশিংগী সেনিয়র ওফিসিয়েলশিং অমসুং ইন্দস্ত্রী মীহুৎশিংনা থৌরম অদুদা শরুক য়াখি৷ অৱাং-নোংপোক লমদম চাওখৎননবগীদমক কেন্দ্র সরকারনা পাইখৎলিবা প্রোজেক্ত কয়ামরোম অমসুং ইনিসিয়েতিবশিংগী মরমদা পার্তিসিপেন্তশিং অসিদা খঙহন্নবা কনফরেন্স অসিনা পান্দম থমখি৷

******