سرکردہ مجاہدین آزادی کی کمیٹی کی آج نئی دہلی میں میٹنگ ہوئی۔ مرکزی وزیر مملکت برائے امور داخلہ جناب اجے کمار مشرا نے میٹنگ کی صدارت کی۔ میٹنگ میں ملک کے بزرگ مجاہدین آزادی شامل ہوئے۔ جناب اجے کمار مشرا نے میٹنگ میں شامل ہوئے تمام مجاہدین آزادی کو اعزاز سے نوازا۔

اپنے ابتدائی خطاب میں مرکزی وزیر مملکت برائے امورِ داخلہ جناب اجے کمار مشرا نے کہا کہ آزادی کے 75ویں سال میں ملک آزادی کا امرت مہوتسو منا رہا ہے۔ انہوں نے کہا کہ  مجاہدین آزادی نے جی جان سے آزادی کی لڑائی میں حصہ لیا اور ملک ان کے بیش قیمتی تعاون کو کبھی نہیں بھلا سکتا۔ جناب مشرا نے کہا کہ معزز وزیر اعظم جناب نریندر مودی جی اور معزز وزیر داخلہ جناب امت شاہ جی کی ہدایت کے مطابق، حکومت مجاہدین آزادی کی فلاح و بہبود کے لیے پوری طرح پابند عہد ہے اور ان کی سہولت کے لیے ہر ممکن قدم اٹھا رہی ہے۔

میٹنگ میں مجاہدین آزادی نے اپنے کئی مشورے دیے۔ مرکزی وزیر مملکت برائے امور داخلہ نے مجاہدین آزادی کے مشوروں کو دھیان سے سنا اور ان پر غور کرکے فوری کارروائی کرنے کا بھروسہ دلایا۔

*****

ش  ح –  ق ت –  ت  ع

U:8356