نئی دہلی09 اگست2021: وزارت خزانہ ، حکومت ہند نے پردھان منتری غریب کلیان  یوجنا( پی ایم جی کے اے وائی ) کے تحت  26  مارچ  2020 کو غریب عوام کی کورونا وائرس کے خلاف ان کی لڑائی میں مدد کرنے کی غرض سے ایک راحتی  پیکج کا اعلان کیا تھا۔ اس اعلان شدہ راحتی پیکج  میں دوسری باتوں کے  علاوہ درج ذیل بھی شامل ہیں۔

1. جن دھن کھاتے والی خواتین کو تین ماہ کے لئے ( اپریل ، مئی اور جون 2020)  500 روپے ماہانہ کی یکمشت  امداد ۔ اس پر عمل درآمد کرتے ہوئے دیہی ترقی  کی وزارت  ( ایم او آر ڈی ) نے پی ایم جی کے اے وائی کے تحت 30944.9کروڑروپے منتقل کرنے میں سہولت پیدا کی جس سے پردھان منتری جن دھن یوجنا (پی ایم جے ڈی اے وائی ) کھاتے دار 20.64 کروڑخواتین کا فائدہ ہوا۔
2. سماجی امدا د سے  متعلق قومی پروگرام ( این ایس اے پی )کی اسکیموں  کے مستفیدین  بزرگ  ،بیواؤں  اور معذور  ،دویانگ افراد  کو پانچ  پانچ سو روپے  کی دوقسطوں  میں 1000 روپے  کی امداد ۔ این ایس اے پی  اسکیموں   کے موجودہ  282 لاکھ مستفیدین   کے لئے پی ایم جی کے اے وائی  کے تحت   ریاستوں اور مرکز کے زیر انتظام علاقوں  کو اپریل اور مئی  2020  میں دو قسطوں   میں امداد کے طورپر کُل 2814.50  کروڑروپے جاری کئے گئے ۔
3. مہاتما گاندھی  قومی دیہی روز گار گارنٹی قانون  (مہاتما گاندھی این آر ای جی اے )کے اجرتوں  کی شرح میں   یکم اپریل 2020 کو نظرثانی  کی گئی اور 20-2019  کی اجرتو ں  کی اوسط  شرحوں  کو بیس روپے سے زیادہ کا اضافہ کیا گیا۔اس کے علاوہ حکومت ہند نے 20 جون 2020 کو 125دن کے غریب کلیان روزگار ابھیان  (جی کے آر اے ) کے نام سے معروف  ایک مہم کا آغاز کیا تھاتاکہ کووڈ-19 عالمی وبا کے پیش نظر اپنے اپنے  گھرلوٹنے والے مائیگرینٹ   کارکنوں  اور اسی  طرح  دیہی علاقوں  میں متاثر  ہونےوالے شہریوں  کے لئے روزگار  اور ذریعہ معاش   کے مواقع کو فروغ دیاجاسکے ۔اس ابھیان  کا مقصد چھ ریاستوں  بہار ، جھارکھنڈ ، مدھیہ پردیش ، اوڈیشہ ،راجستھان اور اترپردیش  کے منتخبہ 116  ضلعوں میں   پریشانی سے دو چار لوگوں  کو فوری طور پر  روزگار اور ذریعہ معاش   کے مواقع فراہم کرانا اور  گاؤوں  میں عوامی  بنیادی ڈھانچہ  اور ذریعہ معاش   سے متعلق  اثاثے تیار کرنا ہے تاکہ  آمدنی  کے مواقع پیدا کرنے سے متعلق  سرگرمیوں  کو تقویت  فراہم کی جاسکے  اور مختلف  25  کاموں  پر توجہ  مرکوز  کرکے طویل مدتی  ذریعہ معاش  کے مواقع میں  اضافہ  کیا جاسکے ۔ یہ ابھیان  ، مرکزی حکومت کی  12  وزارتوں   اور محکموں کے ذریعہ جاری اسکیموں  کے ارتکاز  سے متعلق  ایک کوشش ہے۔

دیہی ترقی کی وزارت ایم او آر ڈی کی 4  اسکیموں  یعنی مہاتما گاندھی دیہی روزگار   گانٹی اسکیم ( مہاتما گاندھی این آر ای جی ایس ) ، پردھان منتری آواس یوجنا ۔ گرامین  ( پی ایم اے وائی – جی )، مشن  ( ایس پی ایم آر ایم ) کو جی کے آر اے  کے تحت نشاندہی   کی گئی ہے۔

          اس سلسلے میں حصولیابیاں درج ذیل ہیں:

1. ابھیان کے دوران 39293  کروڑروپے  کے اخراجات  سے کُل  50.78  کروڑافرادی  دن کے بقد ر روز  گار فراہم کیا گیا۔
2. پی ایم اے وائی – جی ) کے تحت کُل 5618.19 کروڑروپے کے اخراجات  کے ساتھ کُل 770522  مکانات  کی منظوری دی گئی اور 481210  مکانات مکمل کئے گئے۔
3. پی ایم جی ایس وائی  کے تحت 2902  کروڑروپے  کے ہدف کے  مقابلے  ، پورے ملک میں  30 نومبر 2020  تک 1529  کروڑروپے کے اخراجات  کئے گئے
4. ایس پی ایم آر ایم  کے تحت  ان 6 ریاستوں   میں  47  روربن کلسٹر  س   پر مشتمل 42  ضلعوں  کا احاطہ کیا گیا ہے اور جی کے آر اے  پر عمل درآمد  کے آخر تک  693.55  کروڑروپے کے  اخراجات کے ساتھ  13494  کام  مکمل کئے گئے ۔کووڈ -19 عالمی وبا کے دوران دیہی  ترقی کی وزارت  ایم او آر ڈی  کے ذریعہ  مختلف  اسکیموں   کے تحت کئے گئے  دیگر بڑے اقدامات  درج ذیل ہیں:

1۔ مہاتما گاندھی  این اار ای جی ایس  ، جو مانگ پیدا کرکے اجرت  کے روزگار سے متعلق  پروگرام  ہے، ہردیہی  کنبے  کو ،جس کے بالغ افراد رضاکارانہ  طورپر غیر ہنرمند والے جسمانی کام کرتے ہوں  ،  ہر  مالی سال  میں  ضمانت  شدہ مزدوری  روزگار کے کم از کم  ایک سودن  کا روزگار  فراہم کیا جاتا ہے۔مالی سال 21-2020  کے دوران  فراہم کئے گئے روزگار سے 47فیصد زیادہ ہے۔ مالی سال 21-2020  کے دوران کُل 1.89  کروڑنئے  جاب کارڈ جاری کئے گئے ہیں  اور کُل 7.55 کروڑکنبوں  کو روزگار فراہم کیا گیا ہے جوکہ  گزشتہ مالی سال کے دوران فراہم کئے گئے روزگار  سے 38فیصد زیادہ ہے۔ 21-2020 کے دوران  (3اگست 2021 تک )  کُل 54.8  لاکھ جاب کارڈ جاری کئے گئے ہیں اور  4.89  کروڑکنبوں   کو روزگار  فراہم کیا گیا ہے۔ مالی سال 21-2020   کے دوران 1,11,170.86 کروڑروپے  جاری کئے گئے ہیں اور رواں  مالی سال 21-2020  کے دوران (02اگست  2021 تک )اس اسکیم کے تحت  46,152.82 کروڑروپے کی رقم جاری کی گئی ۔

2- پی ایم  اے وائی – جی  کا مقصد ،2022  تک  سبھی کے لئے گھر کے مقصد کے حصول  کی غرض سے بنیادی سہولیات  سے لیس  2.95 کروڑ پکے مکانات  کی تعمیر  کے لئے مستحق  دیہی کنبوں  کو مدد فراہم کرنا ہے۔ کووڈ -19  عالمی وبا  کے دوران   پی ایم اےوائی – جی  کے تحت ریاستوں   اور مرکز کے  زیر انتظام علاقوں  کے اہداف  کو بروقت  مختص کرنے کی غرض سے  اقدامات  کئے گئے مکانات کی تعمیر  کے لئے خاطر خواہ  فنڈ کا بندوبست  کیا گیا اور ماحولیات  کے لئے سازگار  اور اختراعی  ٹکنالوجیز  کو فروغ دیا گیا  اور دیہی  علاقوں  میں بے زمین  مستفیدین   کو زمین فراہم کرنے سے متعلق   بندوبست  کو یقینی   بنانے کے مقصدسے  ریاستوں  کے ساتھ تال میل  قائم  کیا گیا۔

3- پی ایم ج ایس وائی  کا آغاز سال 2000 میں کیا گیا تھا اس یوجنا کو دیہی آبای کو بہترین معیار کی سڑکیں  فراہم کرکے  اور انہیں  بنیادی  خدمات  تک رسائی  فراہم کرکے  دیہی علاقوں   میں غربت کےخاتمے   کی جانب ایک قدم کے  طور پر  شروع  کیا گیا تھی۔  کووڈ۔19 مدت کے دوران دیہی  معیشت  کو فروغ  دینے کے مقصد سے  یکم اپریل  2020  سے 3  اگست  2021  تک پی ایم جی ایس وائی  کے مختلف  اقدامات  کے تحت 4323 کروڑروپے  مالیت  کے  50,509 کلومیٹر طویل  پُلوں   کے پورے پاٹ (LSBs) کی تعمیر کی منظوری دی گئی ۔ اس کے علاوہ      28,835 کروڑروپے  کے اخراجات  سے 44,893 کلومیٹر  پیمائش کے  7350  سڑک  کے کام اور 1663 LSBs مکمل کئے گئے ہیں۔(ان میں ریاستوں  کا حصہ بھی شامل ہے)

4-ایس  پی ایم آر ایم  کے تحت  ، تمام روربن کلسٹر س میں اقتصادی  ترقی  اور روز گار  پر مرکوزسرگرمیاں شروع  کی گئی ہیں۔وزارت  باقاعدگی سے ریاستوں اور مرکز کے زیر انتظام علاقوں پر زوردیتی ہے کہ وہ اقتصادیات سے متعلق سرگرمیوں کے ساتھ اپنی روربن کلسٹر کی ترقی  کو مرکزی  توجہ والے  شعبے کے طورپر ہم آہنگ کریں ۔ریاستوں  کو  کووڈ -19 عالمی وبا کی وجہ سے کلسٹر کے ڈی پی آر  میں مجوزہ   موجود ہ   پروجیکٹوں  ، کاموں    میں جزوی  اصلاح کرنے کے بارے میں  ریاستوں   کو ایک  مشاورت جاری کی گئی ہے کہ وہ  دیہی  معیشت  میں  پھر سے  نئی جان ڈالنے  ، زمینی  سطح پر  کئے جارہے کاموں   کی پیش رفت   میں تیزی لانے  اور مشن  کی تیزی سے اور موثر طریقے سے  عمل درآمد  کی غرض سے  فنڈ جاری  کرنے سے متعلق   شرائط  میں نرمی کریں تاکہ  زیادہ اقتصادی   سرگرمیوں  کو شامل کیا جاسکے ۔

5- دین دیال انتودیہ  یوجنا – ذریعہ معاش  سے متعلق مشن  ( ڈی اے وائی – این آر ایل ایم ) کا مقصد، دیہی غریب   خواتین  کو خود اپنی مدد  کرنے والے گروپوں  ( ایس ایس  جی ایس ) میں  منظم  کرکے ،  جاری رکھنے کے لئے مسلسل ان کی مدد  کرکے،  غربت  میں کمی کرنا ہے۔

سال  21-2020 اور 22-2021 کے دوران ( جون 2021 تک )دیہی ترقی کی وزارت   نے ڈی اے وائی – این آر ایل ایم   کے تحت خواتین کے طورپر اپنی مدد آپ کرنے والے گروپوں  کو سہولت  فراہم  کی ہے اور انہیں  اپنے  موجودہ  اقتصادی  کام اور سرگرمیوں   کو جاری رکھنے  کے لئے سرمایہ کاری کی غرض  سے باضابطہ بینکنگ نظام  سے 92953 کروڑروپے کے قرض    حاصل  کرنے میں  سہولت  فراہم کی ہے تاکہ وہ نئے کاروبار شروع  کرنے  کے لئے نئے متعلقہ اثاثے   حاصل کرسکیں۔

          مالی سال  21-2020 اور 22-2021  کے دوران (جون  2021تک ) خود اپنی  مدد کرنے والے گروپوں ( ایس این جی ) کو سرمایہ کاری سے متعلق کُل امدادی فنڈ  کے تحت 4019.19 کروڑروپے  فراہم کئے گئے ۔سال 21-2020  اور  22-2021  کے دورن (جون 2021 تک ) ڈی اے وائی – این آر ایل ایم  کے تحت ایک ذیلی اسکیم ، اسٹارٹ اپ ویلیج  اینٹر پرے نیورشپ پروگرام  (ایس وی ای پی ) کے تحت 63,326 کاروباری اکائیاں  قائم کی گئی ہیں۔

6- ڈی اے وائی – این آر ایل ایم  کے تحتت ہنرمندی  کے دو دیگر پروگرام ہیں ، جن  کے نام ہیں دین دیال اپادھیائے   گرامین  کو شلیا یوجناب  ( ڈی ڈی یو – جی کے وائی )  اور خود کے روگار  کے لئے تربیت  فراہم  کرنے والے دیہی ادارے  (RSETIs)ان کا مقصد  مزدوری  کے لئے یا خود کے روزگار کے لئے دیہی نونوجوانوں  کو روزگار کے قابل بنانے کے عمل میں تیزی لانا ہے ۔ ڈی ڈی یو – جی کے وائی  کے تحت ،  مالی سال 21-2020  کے دوران کُل 33716  امیدواروں  کو تربیت فراہم کی گئی اور 11015امیدوار وں کو روزگار کے لئے منتخب کیا گیا ہے۔ آر ایس ای ٹی آئی کے تحت  مالی سال 21-2020  کے دوران ، کُل 255,141 امیدواروں کو تربیت فراہم کی گئی ہے اور 185234  امیدواروںکو  پہلے ہی روزگار فراہم ہوچکا ہے اور مالی سال  22-2021  کے دوران ( جون 2021تک ) کُل  13319  امیدواروں کو تربیت فراہم کی گئی جبکہ  19751  امیدواروں کو پہلے ہی روزگار فراہم ہوچکا ہے۔

دیہی ترقی کی مرکزی وزیر مملکت  سادھوی نرنجن جیوتی نے آج  راجیہ سبھا میں ایک تحریری جواب میں یہ جانکاری فراہم کی ۔

 

 

-------------

 

 

ش ح۔ع م ۔رم

U-7621

(रिलीज़ आईडी: 1744002) आगंतुक पटल : 245