नवी दिल्ली, 8 ऑगस्ट 2021

कोविड-19 प्रतिबंधक लसीकरणाची व्याप्ती आणि गती देशभरात वाढविण्यासाठी केंद्र सरकार कटिबद्ध आहे. कोविड-19 प्रतिबंधक सार्वत्रिक लसीकरणाचा नवीन टप्पा 21 जून  2021 पासून सुरू झाला. लसींची अधिक प्रमाणातील उपलब्धता, राज्ये आणि केंद्रशासित प्रदेशांना लसीकरणाचे उत्तम नियोजन करण्याच्या दृष्टीने लसीची उपलब्धता, यावर पूर्वीपासूनच लक्ष ठेवून आणि प्रवाही लस पुरवठा साखळी या माध्यमातून लसीकरण मोहिमेला अधिक गती देण्यात आली आहे.

देशव्यापी लसीकरण मोहिमेचा भाग म्हणून केंद्र सरकार, राज्ये आणि केंद्रशासित प्रदेशांना कोविड प्रतिबंधक लसीच्या मात्रांचा पुरवठा मोफत करीत आहे. कोविड-19 प्रतिबंधक लसीकरण मोहिमेच्या सार्वत्रिकीकरणाच्या नव्या टप्प्यात केंद्र सरकार, देशातील लस उत्पादकांकडून उत्पादित केलेल्या 75 % लसी खरेदी करून त्या राज्ये आणि केंद्रशासित प्रदेशांना मोफत पुरविणार आहे.

सर्व स्रोतांच्या माध्यमातून आतापर्यंत 52.37 कोटींपेक्षा अधिक (52,37,50,890) लसीच्या मात्रा राज्ये / केंद्रशासित प्रदेशांना पुरविण्यात आल्या आहेत आणि आणखी 8,99,260 मात्रा पुरविल्या जाणार आहेत.

आज सकाळी आठ वाजेपर्यंत उपलब्ध झालेल्या माहितीनुसार, यापैकी वाया गेलेल्या मात्रांसह एकूण 50,32,77,942 लसींच्या मात्रा देण्यात आल्या आहेत.

याखेरीज राज्ये / केंद्रशासित प्रदेश आणि खासगी रुग्णालयांकडे लसीच्या 2.42  कोटींपेक्षा जास्त (2,42,87,160) न वापरलेल्या मात्रा शिल्लक आहेत.

M.Chopade/S.Shaikh/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com