ਐਗਰੋਫੌਰੈਸਟਰੀ ਦੀ ਸਮਰੱਥਾ ਨੂੰ ਵਰਤਣ ਲਈ, ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ 2016 -17 ਤੋਂ ਐਗਰੋਫੌਰੇਸਟਰੀ ਤੇ ਉਪ ਮਿਸ਼ਨ (ਐਸਐਮਏਐਫ) ਯੋਜਨਾ ਨੂੰ ਲਾਗੂ ਕਰ ਰਿਹਾ ਹੈ। 

ਕਿਸਾਨਾਂ ਲਈ ਮਿਆਰੀ ਪਲਾਂਟਿੰਗ ਸਮੱਗਰੀ/ਬੀਜਾਂ ਦੀ ਲੋੜ ਨੂੰ ਪੂਰਾ ਕਰਨ ਲਈ ਬੀਜ,  ਪੌਦੇ,  ਕਲੋਨ, ਸੁਧਰੀਆਂ ਕਿਸਮਾਂ ਜਿਵੇਂ ਕਿ ਸੀਡ, ਸੀਡਲਿੰਗਜ, ਕਲੋਨ, ਸੁਧਰੀਆਂ ਕਿਸਮਾਂ ਤਿਆਰ ਕਰਨ ਲਈ ਕਈ ਕਿਸਮਾਂ ਦੀਆਂ ਨਰਸਰੀਆਂ ਦੇ ਵਿਕਾਸ ਦੇ ਨਾਲ -ਨਾਲ ਪੌਦੇ ਲਗਾਉਣ ਦੀਆਂ ਗਤੀਵਿਧੀਆਂ ਲਈ ਯੋਜਨਾ ਦੇ ਅਧੀਨ ਕਿਸਾਨਾਂ ਨੂੰ ਵਿੱਤੀ ਸਹਾਇਤਾ ਦਾ ਪ੍ਰਬੰਧ ਹੈ। ਸਮਰੱਥਾ ਨਿਰਮਾਣ ਅਤੇ ਸਿਖਲਾਈ ਵੀ ਖੇਤੀਬਾੜੀ ਖੇਤਰ ਨੂੰ ਸਮਰਥਨ ਦੇਣ ਲਈ ਯੋਜਨਾ ਦੇ ਮਹੱਤਵਪੂਰਨ ਦਖਲਅੰਦਾਜ਼ੀਆਂ ਵਿੱਚੋਂ ਇੱਕ ਹੈ। 

ਮਾਰਕੀਟ ਸੰਪਰਕਾਂ ਅਤੇ ਪਹੁੰਚ ਨੂੰ ਵਧਾਉਣ ਅਤੇ ਐਗਰੋਫਾਰੇਸਟਰੀ ਵਸਤਾਂ ਦੇ ਉਪਭੋਗ ਨੂੰ ਉਤਸ਼ਾਹਤ ਕਰਨ ਲਈ, ਇਹ ਯੋਜਨਾ ਉਨ੍ਹਾਂ ਰਾਜਾਂ ਵਿੱਚ ਲਾਗੂ ਕੀਤੀ ਗਈ ਹੈ ਜਿਨ੍ਹਾਂ ਵਿੱਚ ਮਹੱਤਵਪੂਰਨ ਐਗਰੋਫੌਰੇਸਟਰੀ ਵੰਨ -ਸੁਵੰਨੀਆਂ ਕਿਸਮਾਂ ਲਈ ਕਟਾਈ ਅਤੇ ਆਵਾਜਾਈ ਦੇ ਨਿਯਮਾਂ ਵਿੱਚ ਢਿੱਲ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਕਿਸਾਨਾਂ ਨੂੰ ਸੰਗਠਿਤ ਢੰਗ ਨਾਲ ਬਾਜ਼ਾਰ ਅਤੇ ਉਦਯੋਗ ਨਾਲ ਜੋੜਨ ਲਈ ਐਗਰੋਫੌਰੇਸਟਰੀ ਸੈਕਟਰ ਵਿੱਚ 15 ਕਿਸਾਨ ਉਤਪਾਦਕ ਸੰਗਠਨ (ਐਫਪੀਓ) ਬਣਾਉਣ ਲਈ ਪਹਿਲਕਦਮੀ ਕੀਤੀ ਗਈ ਹੈ। 

ਯੋਜਨਾ ਸਿਰਫ ਜ਼ਮੀਨ ਮਾਲਿਕ ਕਿਸਾਨਾਂ ਲਈ ਰੁੱਖ ਲਗਾਉਣ ਨੂੰ ਉਤਸ਼ਾਹਤ ਕਰਦੀ ਹੈ। 

ਅਲਾਟ ਕੀਤੇ ਗਏ ਫੰਡਾਂ ਵਿੱਚੋਂ 5% ਦੀ ਵਰਤੋਂ ਸਮਰੱਥਾ ਨਿਰਮਾਣ ਅਤੇ ਸਿਖਲਾਈ ਗਤੀਵਿਧੀਆਂ ਜਿਵੇਂ ਕਿ ਕਿਸਾਨਾਂ/ਖੇਤ ਕਰਮਚਾਰੀਆਂ ਦੀ ਸਿਖਲਾਈ, ਹੁਨਰ ਵਿਕਾਸ, ਜਾਗਰੂਕਤਾ ਮੁਹਿੰਮ, ਪ੍ਰਕਾਸ਼ਨਾਂ,  ਸੈਮੀਨਾਰਾਂ/ਵਰਕਸ਼ਾਪਾਂ, ਕਾਨਫਰੰਸ ਆਦਿ ਲਈ ਕੀਤੀ ਜਾਂਦੀ ਹੈ, ਤਾਂ ਜੋ ਕਿਸਾਨਾਂ ਵਿੱਚ ਯੋਜਨਾ ਬਾਰੇ ਜਾਗਰੂਕਤਾ ਪੈਦਾ ਕੀਤੀ ਜਾ ਸਕੇ I

ਕੇਂਦਰੀ ਖੇਤੀਬਾੜੀ ਤੇ ਕਿਸਾਨ ਭਲਾਈ ਮੰਤਰੀ ਸ਼੍ਰੀ ਨਰੇਂਦਰ ਸਿੰਘ ਤੋਮਰ ਵੱਲੋਂ ਇਹ ਜਾਣਕਾਰੀ ਅੱਜ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ ਗਈ।

------------ 

ਏਪੀਐਸ

(Release ID: 1743446) Visitor Counter : 182