ਰਸਾਇਣ ਤੇ ਖਾਦ ਮੰਤਰਾਲਾ
ਸ਼੍ਰੀ ਮਨਸੁੱਖ ਮਾਂਡਵੀਯਾ ਨੇ ਅੱਜ ਪੁਣੇ ਵਿਚਲੇ ਵੈਕਸੀਨ ਪਲਾਂਟ ਦਾ ਦੌਰਾ ਕੀਤਾ
Posted On:
02 JUL 2021 6:12PM by PIB Chandigarh
ਬੰਦਰਗਾਹ, ਜਹਾਜ਼ਰਾਨੀ ਅਤੇ ਜਲ ਮਾਰਗ ਰਾਜ ਮੰਤਰੀ (ਆਈ / ਸੀ) ਅਤੇ ਰਸਾਇਣ ਅਤੇ ਖਾਦ ਰਾਜ ਮੰਤਰੀ ਸ੍ਰੀ ਮਨਸੁੱਖ ਮਾਂਡਵੀਯਾ ਨੇ ਅੱਜ ਵੈਕਸੀਨ ਦੇ ਉਤਪਾਦਨ ਦੀ ਜਾਣਕਾਰੀ ਅਤੇ ਉਤਪਾਦਨ ਦੀ ਸਮੀਖਿਆ ਕਰਨ ਲਈ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦੇ ਪੁਣੇ ਵਿਚਲੇ ਵੈਕਸੀਨ ਨਿਰਮਾਣ ਪਲਾਂਟ ਦਾ ਦੌਰਾ ਕੀਤਾ। ਇਸ ਮੌਕੇ ਫਾਰਮਾਸਿਊਟੀਕਲ ਵਿਭਾਗ ਦੇ ਸਕੱਤਰ ਸ੍ਰੀਮਤੀ ਐੱਸ ਅਪ੍ਰਨਾ ਵੀ ਮੌਜੂਦ ਸਨ।
ਸ਼੍ਰੀ ਮਾਂਡਵੀਯਾ ਨੇ ਮਹਾਮਾਰੀ ਦੌਰਾਨ ਭਾਰਤ ਦੇ ਸੀਰਮ ਇੰਸਟੀਚਿਊਟ ਦੀ ਮਿਸਾਲੀ ਭੂਮਿਕਾ ਦੀ ਸ਼ਲਾਘਾ ਕੀਤੀ। ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਹੇਠ ਸਰਕਾਰ ਵੈਕਸੀਨ ਵਿਕਸਤ ਕਰਨ ਵਾਲਿਆਂ ਦਾ ਸਮਰਥਨ ਕਰਨ ਲਈ ਵਚਨਬੱਧ ਹੈ ਅਤੇ ਸਾਰਿਆਂ ਲਈ ਵੈਕਸੀਨ ਯਕੀਨੀ ਬਣਾਉਣ ਲਈ ਤਿਆਰ ਕਰਦੀ ਹੈ। ਉਨ੍ਹਾਂ ਨਿਰਮਾਤਾਵਾਂ ਨਾਲ ਵੈਕਸੀਨ ਦੇ ਉਤਪਾਦਨ ਨੂੰ ਵਧਾਉਣ ਬਾਰੇ ਵੀ ਵਿਚਾਰ ਵਟਾਂਦਰੇ ਕੀਤੇ।
ਬਾਅਦ ਵਿੱਚ, ਸ਼੍ਰੀ ਮਾਂਡਵੀਯਾ ਨੇ ਪੁਣੇ ਦੇ ਪਿੰਪਰੀ ਵਿਚਲੇ ਹਿੰਦੁਸਤਾਨ ਐਂਟੀਬਾਇਓਟਿਕਸ ਲਿਮਟਿਡ, ਅਲਕੋਹਲਿਕ ਸੈਨੇਟਾਈਜ਼ਰ ਦੇ ਉਤਪਾਦਨ ਲਈ ਨਮੂਨੇ ਦੀ ਸਹੂਲਤ ਦਾ ਉਦਘਾਟਨ ਵੀ ਕੀਤਾ।
ਇਸ ਮੌਕੇ ਮੰਤਰੀ ਨੇ ਕਿਹਾ ਕਿ ਐੱਚਏਐੱਲ ਇਕੋ ਇੱਕ ਜਨਤਕ ਸੈਕਟਰ ਦੀ ਇਕਾਈ ਹੈ, ਜਿਸ ਦੀ ਭਾਰਤ ਵਿੱਚ ਅਜਿਹੀ ਸਹੂਲਤ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਕੋਵਿਡ -19 ਸਮੇਤ ਹਰ ਤਰਾਂ ਦੀਆਂ ਲਾਗਾਂ ਨੂੰ ਘੱਟ ਕਰਨ ਲਈ ਅਲਕੋਹਲ ਅਧਾਰਤ ਸੈਨੇਟਾਈਜ਼ਰ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਇਹ ਪ੍ਰੋਪਾਨੋਲ ਬੇਸ ਅਤੇ ਈਥਨੋਲ ਬੇਸ ਵਿੱਚ ਤਿਆਰ ਕੀਤਾ ਜਾਂਦਾ ਹੈ ਅਤੇ ਹਰ ਤਰਾਂ ਦੇ ਵਿਸ਼ਾਣੂ ਅਤੇ ਜੀਵਾਣੂਆਂ ਲਈ ਇੱਕ ਬਹੁਤ ਪ੍ਰਭਾਵਸ਼ਾਲੀ ਹੈ।
*****
ਐਸਐਸ / ਏਕੇ
(Release ID: 1732426)
Visitor Counter : 162