نئی دہلی،  02 جولائی2021: کان کی وزارت کے تحت  نورتن سی پی ایس ای نالکو نے مالی سال 21-2020 کے لئے نتائج کا اعلان کیا ہے۔

28 جو ن 2021 کو بورڈ آف ڈائریکٹرس کی میٹنگ میں درج  آڈٹ  کئے گئے مالی نتائج  کے مطابق   نالکو کا خالص کاروبار  گزشتہ سال کے  8425.75 کروڑروپے کے مقابلے مالی سال 2021 میں بڑھ کر  8869.29 کروڑروپے ہوگیاہے۔وہیں مالی سال 2021  کے لئے خالص فائدہ  840فیصد بڑھ کر 1299.53 کروڑروپے ہوگیا جبکہ مالی سال 2020  میں یہ 138 کروڑروپے تھا۔ یہ نتائج خرید وفروخت  و مارکیٹنگ   ،  سازگار ایل ایم ای قیمتوں  پر اسٹریٹجک فیصلوں کے ذریعہ حاصل کئے گئے  اور کووڈ رہنما ہدایات کے سبب   محدود  افراد ی قوت   کی تعیناتی کے باوجود یونٹوں نے   مضبوط آٖپریشنل کارکردگی کے ذریعہ   اس میں اضافہ کیا۔

سال 21-2020  کے دوران نالکو نے  73.65  لاکھ ٹن کے ساتھ  اب تک کا سب سے زیادہ باکسائٹ پیداوار حاصل کی۔اسی طرح کمپنی نے 21-2020  میں  1.92  لاکھ ٹن کے ساتھ اب تک کے سب سے زیادہ  المونیم  دھات  کی برآمد کرتے ہوئے 10-2009 کے  ایک دہائی پرانے  1.46  لاکھ ٹن ریکارڈ  حصولیابی کو عبور کرلیا ہے۔ اس کے علاوہ کمپنی اوڈیشہ کے دامن جوڑی میں واقع ریفائنری میں 20.85لاکھ ٹن الومینا  ہائیڈریٹ کی پیداوار  اور انگل  ،اوڈیشہ   میں واقع سملٹر پلانٹ سے   4.18 لاکھ ٹن المونیم دھات کی پیداوار کی ۔ بھارت سرکار کی کان وزارت میں سکریٹری جناب آلوک ٹنڈن نے  موثر نتائج کے لئے   اجتماعی  طور پر نالکو  اور  بورڈ آف ڈائریکٹرس کو  مبارکباد بھی  پیش کی ہے ۔اس کے علاوہ  انہوں نے سی ایم ڈی جناب شری دھر پاترا کی قیادت میں نالکو  مینجمنٹ  کی تعریف کرتے ہوئے  آنے  والے سالوں  میں ترقی کی رفتار کو  جاری رکھنے  پر زور دیا۔

*************

  م ن۔ع ح ۔رم

U- 6087