مغربی بنگال میں انتخاب کے چھٹے مرحلہ میں آج 43 اسمبلی حلقوں میں 14480 پولنگ مراکز پر ووٹنگ پرامن طریقے سے ختم ہوئی۔ رائے دہندگان نے صفائی اور سماجی دوری کے پروٹوکول کو دیکھتے ہوئے کووڈ سے متعلق مناسب طرز عمل اپنانے کی مثال پیش کی۔ آج چھٹے مرحلہ کے انتخاب کے لیے شام 5 بجے تک کل 79.09 فیصد ووٹنگ ہوئی۔

16 اپریل، 2021 کو جاری ہدایات کے ذریعہ، ای سی آئی نے ایک بار پھر سے تمام قومی، ریاستی سطح کی سیاسی جماعتوں سے چناؤ پرچار کے دوران کووڈ پروٹوکول پر عمل کرنے کے لیے کہا۔ ای سی آئی نے ضلع کے افسران کو کسی بھی قسم کی خلاف ورزی کی حالت میں ڈیزاسٹر مینجمنٹ ایکٹ، 2005، وبائی مرض کا قانون، 1897 وغیرہ کے تحت کارروائی کرنے اور آئندہ پرچار کے لیے اجازت کو منسوخ کرنے کی ہدایت دی، خواہ پہلے اس کی اجازت دی گئی ہو۔

مغربی بنگال اسمبلی انتخاب کے چھٹے مرحلہ میں، پی ڈبلیو ڈی رائے دہندگان اور 80+ ووٹروں کی کل تعداد بالترتیب 64266 اور 157290 ہے۔ مغربی بنگال میں اس مرحلہ کے دوران 14480 بیلیٹ یونٹ (بی یو)، 14480 کنٹرول یونٹ (سی یو) اور 14480 وی وی پی اے ٹی کا استعمال کیا گیا۔ 14480 پولنگ مراکز میں سے 7466 (51.56 فیصد) کی ویب کاسٹنگ کے ذریعے براہ راست نگرانی کی گئی۔ ووٹنگ کے عمل پر نظر رکھنے کے لیے ڈرون کا بھی استعمال کیا گیا۔

مغربی بنگال میں اس مرحلہ تک کے انتخاب کے دوران، ریکارڈ 316.47 کروڑ روپے ضبط ہو چکے ہیں۔

الیکشن میں رائے دہندگان، پولنگ مراکز اور مشاہدین کی تفصیل یوں ہے:

 

 

شمولیتی اور احسن طریقے سے انتخاب کو یقینی بنانے کے لیے، ای سی آئی نے پوسٹل بیلٹ پیپر کی سہولت کے متبادل کا پی ڈبلیو ڈی، 80 سال سے زیادہ عمر کے بزرگ شہریوں، کووڈ-19 کے مشتبہ یا متاثرہ لوگوں اور ضروری خدمات میں تعینات لوگوں کے لیے توسیع کر دی ہے۔ مشاہدین نے زمینی سطح پر ان رائے دہندگان کے لیے مناسب سہولیات مہیا کرائے جانے کا جائزہ لیا۔

 

ابھی تک پی ڈبلیو ڈی رائے دہندگان کی تعداد = 334243

 

ابھی تک 80+ رائے دہندگان کی کل تعداد = 908537

 

مغربی بنگال میں اس مرحلہ کے دوران کل 14480 بیلیٹ یونٹ (بی یو)، 14480 کنٹرول یونٹ (سی یو) اور 14480 وی وی پی اے ٹی استعمال کیے گئے۔ معیاری ضابطہ کے تحت یہ سبھی ای وی ایم اور وی وی پی اے ٹی پہلے کی ابتدائی سطح کی جانچ، رینڈمائزیشن سے گزر چکے ہیں اور سیاسی جماعتوں / امیدواروں کے ایجنٹوں کی موجودگی میں انہیں لگایا گیا تھا۔ ایف ایل سی اور لگانے کے دوران ان سبھی ای وی ایم اور وی وی پی اے ٹی کو مصنوعی انتخاب سے گزارا گیا تھا۔ آج ووٹنگ شروع ہونے سے پہلے ہر ای وی ایم اور وی وی پی اے ٹی پھر سے امیدواروں کے پولنگ ایجنٹ کی موجودگی میں معیاری عمل کے تحت کم از کم 50 ووٹ ڈال کر مصنوعی انتخاب سے گزارا گیا۔ مصنوعی انتخاب کے آخر میں ای وی ایم کے نتائج کا وی وی پی اے ٹی رسیدوں کے نتائج کے ساتھ میلان کیا گیا اور اسے پولنگ ایجنٹوں کو دکھایا گیا۔ الیکشن کے دوران کام نہیں کرنے کی شرح گزشتہ چند انتخابات کے تجربات کے مقابلے کم رہی۔

 

 

آزاد اور غیر جانبدار انتخاب کی حوصلہ افزائی کے سلسلے میں ای سی آئی کے پیمانوں کے تحت سنگین اور حساس پولنگ بوتھ سمیت 50 فیصد سے زیادہ پولنگ مراکز کی لائیو نگرانی اور ویب کاسٹنگ کا انتظام کیا گیا، جس کا مقصد حلقہ انتخاب میں محفوظ ماحول کو یقینی بنانا تھا۔ کمیشن، سی ای او، ڈی ای او، مشاہدین براہ راست نشریہ دیکھ سکتے تھے اور ان پولنگ مراکز پر گہری نظر رکھ سکتے تھے۔

 

 

مغربی بنگال میں جاری انتخاب کے دوران اس مرحلہ تک، آج تک 316.47 کروڑ روپے کی ریکارڈ ضبطی کی جا چکی ہے۔ ضبطی کے اعداد و شمار اسمبلی کے عام انتخاب، 2016 کے دوران ہوئی کل 44.33 کروڑ روپے کی ضبطی کے مقابلے 7.1389 گنا ہے، جس میں نقدی، شراب، منشیات، تحائف وغیرہ شامل ہیں۔ کمیشن لالچ سے پاک انتخاب اور دولت کی طاقت، شراب، تحائف پر روک لگانے پر زور دے رہا ہے۔ ریاست میں نقدی، شراب، نشہ آور مادے اور تحائف کی آمدورفت پر روک لگانے کے مقصد سے مؤثر نگرانی کے لیے کل 1137 اڑن دستے (ایف ایس) اور 1012 ساکت سرویلانس ٹیم (ایس ایس ٹی) کو فعال کیا گیا تھا، جس پر ضلعوں میں ڈی ای او، بجٹ پر نگرانی رکھنے والوں اور مخصوص مشاہدین کے ذریعہ گہری نظر رکھی جا رہی ہے۔ مغربی بنگال میں کولکاتا، دُرگاپور میں اندل اور باگ ڈوگرہ میں مختلف مقامات پر آئی ٹی محکمہ کی کل 3 ایئر انٹیلی جنس یونٹ (اے آئی یو) بھی قائم کی گئی ہے۔

سبھی پانچ ریاستوں / مرکز کے زیر انتظام علاقوں اور ضمنی انتخابات میں جہاں اسمبلی انتخاب ہوئے ہیں / ہو رہے ہیں، ابھی تک 1019.07 کروڑ روپے (اس میں ضمنی انتخاب میں ہوئی 12.11 کروڑ روپے کی ضبطی بھی شامل ہے) کی ضبطی ہو چکی ہے۔

22.04.2021 کی دوپہر تک ضبطی کی سامان کے حساب سے رپورٹ

 

 

الیکشن کمیشن آف انڈیا کا سی وجل ایپ شہریوں پر مرکوز ایک موبائل ایپلی کیشن ہے، جو لوگوں کو خودکار طریقے سے جائے وقوعہ کی تفصیل کے ساتھ حقیقی وقت کی بنیاد پر ایم سی سی کی خلاف ورزی کے معاملوں کی اطلاع دینے کے لیے طاقتور بناتا ہے اور علاقے کی سطح پر تصدیق کے بعد 100 منٹ کے اندر اس پر کارروائی کی جاتی ہے۔ سی وجل ایپ کے ذریعے مغربی بنگال میں ضابطہ اخلاق کی خلاف ورزی کے کل 195815 معاملوں کی اطلاع ملی، جن میں سے آج (شام 4 بجے) تک 184563 کا نمٹارہ کر دیا گیا تھا۔

تمام پولنگ مراکز پر، پینے کا پانی، انتظار کرنے کے لیے سایہ دار جگہ، پانی کی سہولت کے ساتھ بیت الخلاء، روشنی کا معقول انتظام، پی ڈبلیو ڈی ووٹروں کے لیے وہیل چیئر لے جانے کو مناسب ڈھال کے ساتھ ریمپ کا انتظام اور معیاری ووٹنگ کمپارٹمنٹ وغیرہ جیسی یقینی کم از کم سہولیات (اے ایم ایف) فراہم کرائی گئی تھیں۔ پولنگ مراکز پر معذور افراد اور بزرگ شہریوں کے لیے ٹرانسپورٹ کی سہولت، رضاکار معاونین جیسی سہولیات دستیاب تھیں۔

تمام پولنگ مراکز پر کووڈ-19 سیکورٹی پروٹوکول کی تعمیل کی گئی تھی۔ کورونا وائرس کے پھیلنے پر کنٹرول کے لیے، الیکشن کمیشن نے دفعہ 324 کے تحت حاصل اختیارات کا استعمال کرتے ہوئے پرچار کا وقت محدود کر دیا تھا۔ کمیشن نے سیاسی جماعتوں کو پرچار کے لیے متعینہ کووڈ پروٹوکول کی تعمیل کرنے کے لیے لکھا ہے اور ضلع انتظامیہ کو کسی بھی قسم کی خلاف ورزی کی صورت میں ضابطوں کے تحت ضروری کارروائی کرنے اور ایسے معاملوں میں پرچار کے لیے دی گئی اجازت منسوخ کرنے کی ہدایات دی ہیں۔ کمیشن نے ڈسٹرکٹ الیکشن آفیسرز کو ضابطوں کی خلاف ورزی نظر آنے پر عوامی جلوس / ریلیاں ردّ کرنے کا اختیار ہونے کی بات دوہرائی ہے۔

کمیشن نے احسن اور محفوظ طریقے سے انتخابات کرانے کے لیے ایک وسیع سیکورٹی پلان تیار کیا ہے۔ ووٹنگ کے عمل پر نظر رکھنے کے لیے ڈرون کا بھی استعمال کیا گیا۔ آزاد، غیر جانبدار، شمولیتی اور احسن طریقے سے انتخاب کرانے کے لیے پرامن، لالچ سے پاک اور موافق ماحول کو یقینی بنانے کے لیے مرکزی مسلح پولیس دستوں (سی اے پی ایف) کے ساتھ ساتھ مقامی پولیس دستے بھی تعینات کیے گئے تھے۔ 14480 پولنگ مراکز پر پرامن اور منظم طریقے سے ووٹنگ ختم ہوئی۔

کمیشن نے آج تمام متعلقین خاص کر انتخابی عمل میں جوش اور خوف سے پاک حصہ داری کے لیے رائے دہندگان کا شکریہ ادا کیا۔ کمیشن خاص طور سے پی ڈبلیو ڈی ووٹروں، بزرگ شہریوں، خدمات فراہم کرنے والے ووٹروں کو کووڈ پروٹوکول کے پیمانوں کا احترام کرتے ہوئے انتخاب میں شریک ہونے کے لیے شکریہ ادا کرتا ہے۔ رائے دہندگان اور انتخابی اہلکاروں کی حفاظت کے لیے یہ یقینی بنایا گیا تھا کہ پولنگ سے ایک دن پہلے پولنگ مراکز کو سینیٹائز کیا جائے اور پولنگ مراکز پر تھرمل اسکیننگ، ہینڈ سینیٹائزر، فیس ماسک جیسی سہولیات بھی دستیاب ہوں۔ سماجی دوری کے لیے مناسب انتظام کیا گیا۔ کمیشن وبائی مرض کے باوجود آزاد، غیر جانبدار، شفاف اور محفوظ انتخاب ختم کرانے کے لیے بڑے پیمانے پر انتظامات کرنے اور پوری ایمانداری سے کام کرنے کے لیے ڈیوٹی پر موجود پولنگ اسٹاف، سیکورٹی اہلکاروں، نگراں عملہ، مشاہدین، خصوصی مشاہدین، ریلوے کے اہلکاروں، نفاذی ایجنسیوں، طبی اہلکاروں کے ساتھ ہی پوری انتخابی مشینری کی خدمات کو عزت بخشتا ہے۔ کمیشن احسن اور پر امن طریقے سے الیکشن کرانے کے لیے میڈیا سمیت تمام متعلقین سے سرگرم تعاون، حصہ داری اور تخلیقی شراکت داری کی درخواست کرتا ہے۔

 

 

 

انتخاب سے متعلق معلومات، تصاویر اور دیگر تفصیلات کے لیے براہ کرم ویب سائٹ eci.gov.in اور ٹوئٹر ہینڈل @SpokespersonECI اور @ECISVEEP ملاحظہ کریں۔

*****

ش ح – ق ت – ت ع

U:3902

 

 

(Release ID: 1713552) Visitor Counter : 155