રેલવે મંત્રાલય
પશ્ચિમ રેલ્વે મુસાફરોને કોરોના વાયરસના ચેપને રોકવા માટે મુસાફરી દરમિયાન કોવિડ -19 ઉચિત વ્યવહાર અને સૂચિત પ્રોટોકોલો નું પાલન કરવાની અપીલ કરે છે
Posted On:
18 APR 2021 7:21PM by PIB Ahmedabad
ભારતીય રેલ્વે દ્વારા મુસાફરોની સુરક્ષા અને કોરોના વાયરસના ફેલાવાને રોકવા માટે ઘણા પગલા લેવામાં આવી રહ્યા છે. આ મિશનમાં જોડાતી વખતે, પશ્ચિમ રેલ્વે તેમના સમ્માનીય મુસાફરોને યોગ્ય રીતે ફેસ માસ્ક પહેરવા, નિયમિતપણે તેમના હાથ સાફ કરવા અને સ્ટેશન પરિસરમાં અને ટ્રેનોમાં મુસાફરી કરતી વખતે સામાજિક અંતર જાળવવા વિનંતી કરે છે. ફેસ માસ્ક ફક્ત તમારી જ નહીં, પણ તમારા સહ-મુસાફરોને પણ કોવિડ -19 ના ચેપ થી સુરક્ષિત કરે છે.
પશ્ચિમ રેલ્વેના મુખ્ય જનસંપર્ક અધિકારી શ્રી સુમિત ઠાકુર દ્વારા જાહેર કરાયેલ એક પ્રેસ રિલીઝ માં જણાવ્યા અનુસાર, ભારતીય રેલ્વે દ્વારા ટ્રેન પરિચાલન માટે નિર્ધારિત સ્ટાન્ડર્ડ ઓપરેટિંગ પ્રોસિઝર (એસઓપી) મુજબ, સ્ટેશનો અને પ્રવાસ દરમિયાન બધા મુસાફરોએ માસ્ક અથવા ચહેરો ઢાંકવો જ જોઈએ. આ સંદર્ભમાં રેલ્વે, રેલ્વે પરિસરમાં થૂંકવા સહિત સ્વચ્છતા ને અસર કરતી આવી પ્રવૃત્તિઓને પ્રતિબંધિત કરે છે.
કોવિડ -19 ની પરિસ્થિતિને ધ્યાનમાં રાખીને, સ્ટેશન પરિસરમાં અથવા ટ્રેનોમાં માસ્ક ન પહેરવાના કારણે થૂંકવું અથવા અનિચ્છનીય / અસ્વસ્થ પરિસ્થિતિઓનું સર્જન કરવાનું ટાળવું મહત્વપૂર્ણ છે, જે આપણા જીવન / જન સ્વાસ્થ્યને વિપરીત અસર કરી શકે છે. તદનુસાર, રેલવે પરિસરમાં અને ટ્રેનોમાં થૂંકવું અને સમાન પ્રકૃતિનાં કૃત્યો અટકાવવા અને તમામ વ્યક્તિઓ દ્વારા ફેસ માસ્ક / ફેસ કવર કરવાનું સુનિશ્ચિત કરવા માટે, ભારતીય રેલ્વે (રેલ્વે પરિસરમાં સ્વચ્છતા ને અસર કરતી પ્રવૃત્તિઓ માટે દંડ) નિયમ 2012, આ વિષય માટે અધિકૃત રેલ્વે ઓથોરિટી દ્વારા રેલ્વે પરિસરમાં અને ટ્રેનોમાં માસ્ક ન પહેરતા લોકોને 500 રૂપિયા સુધીનો દંડ લેવાની જોગવાઈ કરવામાં આવી છે. આ સૂચના આગામી સૂચના સુધી છ મહિનાના સમયગાળા માટે લાગુ રહેશે.![](file:///C:\Users\Admin\AppData\Local\Temp\msohtmlclip1\01\clip_image002.jpg)
પશ્ચિમ રેલ્વે દ્વારા માસ્ક વિના મુસાફરી કરનારા વ્યક્તિઓ સામે જોરશોરથી અભિયાન શરૂ કરાયું હતું, જે અંતર્ગત ફેબ્રુઆરી 2021 થી મુંબઇ ડિવિઝન દ્વારા 1,640 કેસોમાં 3,99,800 રૂપિયાનો દંડ વસૂલવામાં આવ્યો છે. પશ્ચિમ રેલ્વે સામુહિક રીતે મહામારી સામે લડવા અને વાયરસના ફેલાવાને નિયંત્રિત કરવા તથા રેલવે પરિસરમાં કોવિડ -19 ઉચિત વ્યવહાર અને સૂચવેલા પ્રોટોકોલનું પાલન કરવા માટે મુસાફરોને અપીલ કરે છે.
(Release ID: 1712580)
Visitor Counter : 105