Mumbai | New Delhi : 7 April 2021

‘परीक्षा पे चर्चा 2021’ या कार्यक्रमात पंतप्रधान नरेंद्र मोदी आज विद्यार्थी, शिक्षक आणि पालकांशी संध्याकाळी सात वाजता  दूरदृश्य प्रणालीच्या माध्यमातून संवाद साधणार आहेत. ‘परीक्षा पे चर्चा’या कार्यक्रमाचा हा चौथा भाग असून,कोविड-19 महामारीमुळे यंदा पहिल्यांदाच हा कार्यक्रम आभासी स्वरूपात होणार आहे.

‘परीक्षा पे चर्चा’ या कार्यक्रमात, पंतप्रधान विद्यार्थ्यांना, काहीही ताण-तणाव न घेता परीक्षेची तयारी कशी करावी, याविषयी उपयुक्त सूचना आणि काही युक्त्या सांगतील.

“ आभासी स्वरूपातल्या आजच्या पहिल्याच ‘परीक्षा पे चर्चा’ कार्यक्रमात, सर्वांशी संवाद साधणे अत्यंत रोचक ठरेल, यावेळी अनेकविध विषयांवर विस्तृत चर्चा होण्याची अपेक्षा आहे. तुम्ही परीक्षेला सामोरे जाणारे योद्धे असा, पालक किंवा मग शिक्षक असा, आजच्या चर्चेत सर्वांसाठी काही ना काही निश्चित असेल. चला, आपण सगळे मिळून परीक्षा तणावमुक्त करुया.” असे पंतप्रधानांनी आज सकाळी आपल्या ट्वीट संदेशात म्हटले आहे.

या कार्यक्रमाचे थेट प्रक्षेपण, हिंदी भाषेत DD नॅशनल आणि DD न्यूज या वाहिन्यांवर बघता येईल. तसेच, DD सह्याद्री वर हा कार्यक्रम मराठी भाषेत उपलब्ध असेल.त्याशिवाय, आसामी, बांग्ला, उडिया, गुजराती, कन्नड, तेलगु, तमिळ आणि मल्याळम या भाषांमधेही या कार्यक्रमाचे प्रसारण केले जाईल.

‘परीक्षा पे चर्चा’  हा  मुख्य कार्यक्रम अनेक डिजिटल प्लॅटफॉर्मवर देखील उपलब्ध असेल. EduMinofIndia, narendramodi, pmoindia, pibindia, DD National, MyGovIndia, DDNews, RajyaSabhaTV, SwayamPrabha या सर्व डिजिटल पोर्टलच्या फेसबुक आणि युट्यूब चॅनल्सवरून संध्याकाळी सात वाजल्यापासून हा कार्यक्रम दाखवला जाईल.

पत्र सूचना कार्यालय, मुंबई पंतप्रधान नरेंद्र मोदी यांच्या ‘परीक्षा पे चर्चा’ या आज संध्याकाळच्या कार्यक्रमाची मराठी आवृत्तीही उपलब्ध आहे. हा कार्यक्रम मराठी भाषेतून दाखवण्यासाठी इच्छुक मराठी दूरचित्रवाणी वाहिनीने • DD सह्याद्री वाहिनीशी 7 एप्रिल रोजी संध्याकाळी सात वाजता आपल्या वाहिनीला जोडून (पॅच अप) घ्यावे किंवा • वी ट्रान्सफर (WE Transfer) च्या माध्यमातून “क्लीन फीड” ( Clean Feed) हवे असल्यास मुंबई दूरदर्शन केंद्राचे सहाय्यक संचालक, श्री संदीप सूद यांचेशी 98700 47373 या क्रमांकावर संपर्क साधावा.

***

MC/ Radhika / DY

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1710066) Visitor Counter : 130