نئی دلّی ، 21 مارچ / بایو ٹیکنا لوجی کے محکمے ( ڈی بی ٹی ) اور کینسر ریسرچ یوکے  ( سی آر یو کے ) نے  نئی دلّی میں 14 سے 16 نومبر ، 2018 ء کو  منعقدہ  تحقیق کاروں کی افتتاحی کانفرنس   میں 14 نومبر ، 2018 ء کو ‘‘ کینسر کے لئے سستے طریقۂ کار ’’  پر  کینسر ریسرچ  پہل کے لئے ایک مفاہمت  نامے پر دستخط کئے تھے  ۔  اس تحقیقی پہل  کا مقصد  اختراعی اور عملی نتائج  فراہم کرنا ہے تاکہ  دونوں ملکوں میں  کینسر کے خلاف  پیشرفت  میں  تیزی لائی جا سکے  ، جس   کے بڑے عالمی  اثرات بھی مرتب ہو سکیں ۔

          اس پہل کے تحت  اہم چیلنجوں کی نشاندہی کی گئی ہے اور  سات بنیادی گرانٹس  کو منظوری دی گئی ہے ۔  جن سات بنیادی  اقدامات کے لئے  امداد منظور کی گئی ہے ، اُن میں  علامتی کینسر   کی جلد تشخیص   میں بہتری    کے لئے  سستے  طریقۂ کار ،   کینسر کا جلد  پتہ  لگانے کے لئے سستے اسکریننگ آلات ،   کینسر  میں  علاقائی اتار چڑھاؤ  جیسے عناصر  کی بہتر سمجھ    اور  کینسر کی روک تھام   ،  کینسر کی دیکھ بھال کے لئے  کمپیوٹیشنل ایپروچ     ،  کینسر کے موثر علاج کو  سستا بنانے ، کینسر کا پہلے سے  پتہ لگانے کے لئے سستے اسکریننگ آلات اور   کینسر کا موثر  اور سستا علاج شامل ہے ۔ 

بھارت کی جانب سے ، جو ادارے  تعاون کر رہے ہیں ، اُن میں کچھار  کینسر   ہاسپٹل اینڈ ریسرچ سینٹر   ، آر ٹی آئی انٹرنیشل   ،  ٹرانس لیشنل   ہیلتھ سائنس  ٹیکنا لوجی  انسٹی ٹیوٹ   ، ٹاٹا میموریل اسپتال ،    آل انڈیا انسٹی  ٹیوٹ آف میڈیکل سائنسز   ، کوچین  کینسر ریسرچ سینٹر   اور چترنجن   نیشنل  کینسر انسٹی ٹیوٹ شامل ہیں ۔

دونوں ملکوں کی جانب سے   7 بنیادی گرانٹس کے لئے  1.86 کروڑ روپئے کی سرمایہ کاری   کی جائے گی ۔

سائنس اور ٹیکنا لوجی  ، زمینی سائنس  اور  صحت اور خاندانی بہبود کے مرکزی وزیر   ڈاکٹر ہرش وردھن نے  یہ معلومات   آج لوک سبھا میں   ایک سوال کے تحریری جواب میں فراہم کیں ۔

 

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 21.03.2021  )

U. No. 2842

 

(Release ID: 1706419) Visitor Counter : 142