భోపాల్ లోని అఖిలభారత వైద్య విజ్ఞాన సంస్థ (ఎయిమ్స్)లో బహుళ ప్రయోజనాలతో కూడిన సౌకర్యాన్ని కేంద్ర ఆరోగ్య, కుటుంబ సంక్షేమ శాఖ మంత్రి డాక్టర్ హర్ష వర్ధన్ నేడు ప్రారంభించారు. మధ్యప్రదేశ్ రాష్ట్ర వైద్య విద్య, భోపాల్ గ్యాస్ దుర్ఘటన సహాయ, పునరావాస శాఖల మంత్రి శ్రీ విశ్వాస్ సారంగ్, షాగంజ్ లోక్ సభ సభ్యుడు శ్రీ రమాకాంత్ భార్గవ కూడా ఈ సందర్బంగా హాజరయ్యారు. 

కేంద్ర మంత్రి అడ్మినిస్ట్రేటివ్ బ్లాక్ కి శంకుస్థాపన చేశారు. భోపాల్ ఎయిమ్స్ ఆడిటోరియంను సమాజానికి అంకితం చేశారు. ఐసిఎంఆర్ సహకారంతో ఏర్పాటు చేసిన మైకాలజీ అడ్వాన్స్‌డ్ రిసోర్స్ సెంటర్ (ఎంఐఆర్‌సి) ను ఆయన ప్రారంభించారు. ఇన్స్టిట్యూట్ యొక్క స్కిల్ ల్యాబ్ మరియు క్యాన్సర్ చికిత్స కేంద్రం (సిటిసి)ని దేశానికి అంకితం చేశారు. 

దేశవ్యాప్తంగా ప్రాంతీయ సమతుల్య ప్రత్యేక వైద్య సంరక్షణను అందించడంలో సుదీర్ఘమైన ప్రయాణాన్ని డాక్టర్ హర్ష వర్ధన్ గుర్తుచేసుకుంటూ, “ పౌరులందరికీ ఉన్నతమైన ఆరోగ్య సంరక్షణ అందాలనే శ్రీ అటల్ బిహారీ వాజ్‌పేయి స్వప్నానికి అనుగుణంగా దేశవ్యాప్తంగా ఎయిమ్స్ నెట్‌వర్క్‌ విస్తరిస్తోంది. ఢిల్లీలో ఉన్న ఎయిమ్స్  పైనే అధిక భారం పడుతుండడాన్ని చాలా కాలం తర్వాత గుర్తించాక, హెల్త్‌కేర్ మేనేజ్‌మెంట్, బోధనా ప్రమాణాలలో ప్రాంతీయ అసమతుల్యతను తగ్గించడాన్ని శ్రీ వాజపేయి చూడాలనుకున్నారు.  అందువల్ల, 2003 లో అతను పీఎంఎస్ఎస్వై ని ప్రకటించారు. ఈ పథకం కింద దేశంలోని వివిధ ప్రాంతాలలో 6 ప్రాంతీయ ఎయిమ్స్ ఏర్పాటు చేయడాన్ని ప్రకటించారు. దివంగత శ్రీమతి సుష్మా స్వరాజ్ జీ గొప్ప ప్రయత్నాలతో ఇది సాకారం దాల్చింది. భోపాల్ వద్ద ఈ ఇనిస్టిట్యూట్  స్థాపించాలన్న ప్రాంత డిమాండ్‌ను ఆమె సమర్థించారు. అటువంటి సంస్థ ఏర్పాటు, భౌగోళికంగా, వ్యూహాత్మకంగా ఇది ఉత్తమమైన ప్రదేశం అని దీనిని అధికారికంగా జూలై 16, 2012 న ఆర్డినెన్స్ ద్వారా ప్రకటించారు” 

ప్రధాని శ్రీ నరేంద్ర మోడీ నాయకత్వంలో కేంద్ర ప్రభుత్వం అందరికీ నాణ్యమైన వైద్య సంరక్షణ కోసం ఇన్స్టిట్యూట్ ఆఫ్ మెడికల్ ఎక్సలెన్స్ విస్తరించడానికి తీవ్రంగా కట్టుబడి ఉందని ఆయన పేర్కొన్నారు.

విద్యావేత్తలు, రోగుల సంరక్షణ సేవలు, సామర్థ్యం పెంపొందించడం మరియు పరిశోధన కార్యకలాపాలతో సహా ఇన్స్టిట్యూట్ బహుముఖ విజయాలపై డాక్టర్ హర్ష్ వర్ధన్ ఆనందాన్ని వ్యక్తం చేశారు.

 

ఇటీవల ప్రారంభించిన ఐసిఎంఆర్-మార్క్ సెంటర్ గురించి డాక్టర్ హర్షవర్ధన్ మాట్లాడుతూ “ఇన్స్టిట్యూట్ కు న్యూ జనరేషన్ సీక్వెన్సింగ్ సౌకర్యం లభించిందని తెలుసుకోవడం నాకు చాలా సంతోషంగా ఉంది. ఈ వ్యవస్థ సార్స్-కోవ్-2, ఇతర వైరస్ లు మరియు మైకోబాక్టీరియం క్షయవ్యాధితో సహా వ్యాధికారక కణాలను వేగంగా క్రమం చేయడానికి సహాయపడుతుంది. ఎయిమ్స్, ఢిల్లీ, ఇతర సంస్థల సహకారంతో ఈ ఇన్స్టిట్యూట్ యొక్క శాస్త్రవేత్తలు మరియు అధ్యాపకులు అనేక టిబి డయాగ్నొస్టిక్ పరీక్షలను అభివృద్ధి చేశారని తెలుసుకోవడం నాకు చాలా సంతోషంగా ఉంది, వీటిలో కొన్ని అధునాతన సాంకేతిక బదిలీ దశలో ఉన్నాయి. యానిమల్ ఇమేజింగ్ సిస్టమ్, ఫ్లో సైటోమీటర్ విత్ సార్టింగ్, ఎల్‌సిఎంఎస్, ఆటోమేటెడ్ న్యూక్లియిక్ యాసిడ్ ఎక్స్‌ట్రాక్షన్ సిస్టమ్ వంటి ఇతర సౌకర్యాలు ఇన్-వివో డ్రగ్ టార్గెటింగ్, ఆర్టిఫిషియల్ ఇంటెలిజెన్స్ మరియు మెషిన్ లెర్నింగ్‌తో సహా అంతర్జాతీయ ప్రమాణాల పరిశోధనలకు మార్గం సుగమం చేస్తాయి. ఎయిమ్స్ డైరెక్టర్ ఆలోచనల నుండి, భోపాల్ దేశంలోని ఏ వైద్య సంస్థలో లేని ప్రత్యేకమైన సదుపాయమైన సెంటర్ ఫర్ ట్రాన్స్లేషనల్ మెడిసిన్ ను స్థాపించడానికి దారితీసిందని తెలుసుకోవడం నాకు సంతోషంగా ఉంది. ఈ అత్యాధునిక పరికరాలతో కూడిన ఈ కేంద్రం క్లినికల్ మరియు బేసిక్ సైన్స్ యొక్క ఏకీకరణలో ఒక మైలురాయిగా మారుతుంది. ట్రాన్స్లేషనల్ మెడిసిన్ కి గొప్ప భవిష్యత్తు ఉంది. భోపాల్ లోని ఎయిమ్స్ లోని ఈ కేంద్రం బహుళ-ప్రయోజన, అత్యంత సహకార, "బెంచ్-టు-బెడ్ సైడ్" విధానాన్ని ఉపయోగించడం ద్వారా కొత్త రోగనిర్ధారణ సాధనాలు మరియు చికిత్సల ఆవిష్కరణను వేగవంతం చేసే లక్ష్యంతో ఏర్పడింది. ఈ కేంద్రంలో ప్రధానంగా కొత్త డయాగ్నొస్టిక్ కిట్ అభివృద్ధి, డ్రగ్ డిస్కవరీ, హోల్ జీనోమ్ సీక్వెన్సింగ్, ట్రాన్స్క్రిప్టోమిక్స్, ఆర్టిఫిషియల్ ఇంటెలిజెన్స్ మరియు క్లినికల్ ట్రయల్స్ పై పని జరుగుతుంది. ఆవిష్కరణలు మానవజాతి ప్రయోజనాలకు ఎలా చేరుతాయో మనం నేర్చుకోవాలి”

కెనడాలోని రీసెర్చ్ ఇన్స్టిట్యూట్ ఆఫ్ మెక్‌గిల్ యూనివర్శిటీ హెల్త్ సెంటర్ వంటి ఇతర సంస్థలతో ఉత్పాదక సహకారం ఇచ్చిపుచ్చుకోవడంపై ఎయిమ్స్ ను అభినందించారు; సిఎస్ఐఆర్ - ఇండియన్ ఇన్స్టిట్యూట్ ఆఫ్ టాక్సికాలజీ రీసెర్చ్ ( సిఎస్ఐఆర్-ఐఐటిఆర్); నేషనల్ ఇన్స్టిట్యూట్ ఆఫ్ హెల్త్ & ఫ్యామిలీ వెల్ఫేర్ (ఎన్ఐహెచ్ఎఫ్డబ్ల్యూ); నేషనల్ హెల్త్ మిషన్ (ఎన్హెచ్ఎం); ఎయిమ్స్ రిషికేశ్; ప్రజారోగ్యం మరియు కుటుంబ సంక్షేమ శాఖ, మధ్యప్రదేశ్ ప్రభుత్వంతో కలిసి ఎయిమ్స్ పనిచేస్తోంది.

కోవిడ్ -19 మహమ్మారిని ఎదుర్కోవటానికి మెంటార్ ఇనిస్టిట్యూట్‌గా ఉన్న ఎయిమ్స్, భోపాల్ వారి మైక్రోబయాలజిస్టులు మరియు ల్యాబ్‌ను అందించిన తరువాత కోవిడ్-19 ఆర్టి-పిసిఆర్ పరీక్ష కోసం మధ్యప్రదేశ్‌లోని మొత్తం 38 ప్రయోగశాలలు, ఇనిస్టిట్యూట్‌లు మరియు వైద్య కళాశాలలను పర్యవేక్షించినట్లు ఆరోగ్య మంత్రి సమాచారం ఇచ్చారు. భోపాల్ లోని ఎయిమ్స్ ప్రాంతీయ వైరాలజీ ప్రయోగశాలలో సాంకేతిక నిపుణుల శిక్షణ. మార్చి 12 వరకు అంతర్గత ప్రయోగశాల 1.96 లక్షలకు పైగా కోవిడ్-19 పరీక్షలు చేసింది. “కోవిడ్-19 క్లినికల్ మేనేజ్‌మెంట్ లో ఒక ఉత్క్రుష్ట కేంద్రంగా, పాథోఫిజియాలజీ, డయాగ్నస్టిక్స్, ఎపిడెమియాలజీకి సంబంధించిన వైద్య, నర్సింగ్ సిబ్బంది కోవిడ్-19 రోగనిరోధకత మరియు చికిత్సా విధానాలపై వెబినార్లు నిర్వహిస్తున్నారు” ఇప్పటి వరకు మొత్తం 6,433 మోతాదుల వ్యాక్సిన్లను అందించినందుకు ఇన్స్టిట్యూట్ ను ఆయన అభినందించారు. డాక్టర్ బలరాం భార్గవ, కార్యదర్శి (ఆరోగ్య పరిశోధన) మరియు డిజి-ఐసిఎంఆర్, ఎయిమ్స్ భోపాల్ డైరెక్టర్ ప్రొఫెసర్ (డాక్టర్) శర్మన్ సింగ్ మరియు ఐసిఎంఆర్ మరియు ఎయిమ్స్ భోపాల్ ఇతర సీనియర్ అధికారులు పాల్గొన్నారు.

****

(Release ID: 1704722) Visitor Counter : 148