حکومت کے ذریعے کسانوں سے کم از کم امدادی قیمت پر خریف فصلوں کی خرید کا سلسلہ خریف مارکیٹنگ سیزن (کے ایم ایس) 21-2020  کے دوران  اپنی موجودہ ایم ایس پی  اسکیموں کے مطابق  ہی جاری ہے، جیسا کہ  گزشتہ برسوں میں ہو تا رہا ہے۔

 

خریف 21-2020  کے لئے دھان کی خرید حسب معمول چل رہی ہے۔ پنجاب،  ہریانہ، اترپردیش، تلنگانہ، اترا کھنڈ، تمل ناڈو، چنڈی گڑھ، جموں وکشمیر، کیرالہ، گجرات، آندھرا پردیش، چھتیس گڑھ، اڈیشہ، مدھیہ پردیش، مہاراشٹر، بہار، جھارکھنڈ، آسام، کرناٹک، مغربی بنگال اور تری پورہ سے دھان کی خرید کی جارہی ہے۔ 2 مارچ 2021  تک ان ریاستوں اور مرکز کے زیر انتظام علاقوں کے کسانوں سے  668.12 لاکھ میٹرک ٹن سے زیادہ دھان کی خرید کی جا چکی ہے، جب کہ  اسی مدت کے دوران پچھلے سال  صرف 579.41  لاکھ میٹرک ٹن دھان کی خرید ہو پائی تھی۔ اس سال میں اب تک کی گئی  دھان کی خرید میں  پچھلے سال کے مقابلے 15.31 فیصد کا اضافہ درج کیا گیا ہے۔ 668.12  لاکھ  میٹرک ٹن دھان کی کُل خرید میں سے اکیلے  پنجاب کی حصہ داری 202.82  لاکھ میٹرک ٹن ہے، جو کہ  کُل خرید کا  30.35  فیصد ہے۔

تقریبا 97.36 لاکھ کسانوں کو  اب تک خریدے  گئے دھان کے لئے کم از کم امدادی  قیمت پر  126141.16  کروڑ روپے کی  ادائیگی کی جا چکی ہے۔

 اس کے علاوہ  ریاستوں سے  موصول ہونے والی تجاویز کی بنیاد پر  تمل ناڈو، کرناٹک، مہاراشٹر، تلنگانہ، گجرات، ہریانہ، مدھیہ پردیش، اتر پردیش، اڈیشہ، راجستھان اور آندھرا پردیش جیسی ریاستوں سے خریف مارکیٹنگ سیزن 21-2020  کے لئے امدادی قیمت اسکیم  (پی ایس ایس)  کے تحت  85.08  لاکھ میٹرک ٹن دال  اور تلہن کی خرید کو بھی  منظوری دی گئی ہے۔ آندھرا پردیش، کرناٹک، تمل ناڈو اور کیرالہ سے  1.23 لاکھ  میٹرک ٹن کوپرا (بارہ ماسی فصل)  کی خرید کے لئے بھی منظوری دی گئی ہے۔ اس کے علاوہ  اگر نوٹیفائڈ فصل کی مدت کے دوران  متعلقہ ریاستوں  اور مرکز کے زیر انتظام علاقوں میں بازار کی قیمتیں ایم ایس پی سے نیچے چلی جاتی ہیں تو ریاست کی  نامزد خرید ایجنسیوں کے ذریعے  مرکزی نوڈل ایجنسیوں کے ذریعے  ان ریاستوں اور مرکز کے زیر انتظام علاقوں کو  امدادی قیمت اسکیم  (پی ایس ایس)  کے تحت  دال ، تلہن  اور کوپرا  فصل کی  خرید  کی تجاویز کی  موصولی پر بھی  منظوری دی جائے گی تاکہ  رجسٹرڈ کسانوں سے  سال 21-2020  کے لئے  نوٹیفائی کی گئی کم از کم امدادی قیمت پر  سیدھے ان فصلوں کے  ایف اے کیو گریڈ کی خرید کی جاسکے۔

موجودہ خریف مارکیٹنگ سیزن میں  2 مارچ 2021  تک  حکومت نے اپنی نوڈل ایجنسیوں کے ذریعے  309653.83  میٹرک ٹن  مونگ، ارڈ، ارہر، مونگ پھلی کی پھلی اور  سویا بین کی خرید ایم ایس پی قیمتوں پر  کی ہے۔ اس خرید سے  خریف سیزن 21-2020  اور ربیع  سیزن  2021  میں تمل ناڈو، کرناٹک، آندھرا پردیش، مہاراشٹر، گجرات، اتر پردیش، ہریانہ اور راجستھان کے 167964 کسانوں کو  1667.69  کروڑ روپے کی  آمدنی ہوئی ہے۔

اسی طرح سے  5089 میٹرک ٹن کوپرا  (بارہ ماسی فصل)  کی خرید  کرناٹک اور تمل ناڈو سے کی گئی ہے۔ اس دوران  3961 کسانوں کو فائدہ پہنچاتے ہوئے  2 مارچ 2021  تک  کم از کم امدادی قیمت پر  52.45  کروڑ روپے کی  ادائیگی کی گئی ہے۔ ان سے متعلقہ ریاستوں  اور مرکز کے زیر انتظام علاقوں کی حکومتیں  خریف  دال اور تلہن فصلوں کی آمد  کی بنیاد پر  متعلقہ ریاستوں کے ذریعے  طے کی گئی تاریخ سے  خرید شروع کرنے کے لئے  ضروری انتظام کر رہی ہے۔

 کم از کم امدادی قیمت اسکیم کے تحت ہی  پنجاب، ہریانہ، راجستھان، مدھیہ پردیش، مہاراشٹر، گجرات، تلنگانہ، آندھرا پردیش، اڈیشہ اور کرناٹک سے  کپاس کی خرید کا کام بھی  حسب معمول جاری ہے۔ 2 مارچ 2021 تک 1897002 کسانوں سے  26716.31 کروڑ روپے کی  ایم ایس پی قیمت پر  کپاس کی  9180412 گانٹھوں کی خرید کی جا چکی ہے۔

 

۔۔۔۔۔۔۔۔۔۔۔۔۔۔

 

 ( ش ح۔     ق ت۔  ق ر )

U.NO. 2348

 

(Release ID: 1703690) Visitor Counter : 142