الیکشن کمیشن آف انڈیا نے آسام، کیرالہ، پڈو چیری، تمل ناڈو اور مغربی بنگال میں  ہونے جارہے اسمبلی انتخابات کے لئے مقرر کئے گئے خصوصی مشاہدین کے ساتھ آج ایک مختصر میٹنگ کی۔ یہ میٹنگ  نرواچن سدن میں  پہلے چیف الیکشن کمشنر جناب سوکمار سین کی یاد میں بنائے گئے سوکمار سین ہال میں منعقد کی گئی۔

نو مقرر خصوصی مشاہدین کا استقبال کرتے ہوئے چیف الیکشن کمشنر جناب سنیل اروڑہ نے  پچھلے انتخابات میں انتہائی اہم رول نبھانے اور  آزاد، ایماندار، شفاف، غیر جانب دار  اور لالچ سے پاک  انتخابات کرانے کے آئینی فرمان کو پورا کرنے کے لئے الیکشن آف انڈیا کی مدد کرنے کے لئے خصوصی مشاہدین کی تعریف کی۔ جناب اروڑہ نے زمینی سطح پر کام کر رہی قانون کو نافذ کرنے والی تمام ایجنسیوں کے درمیان  بڑے پیمانے پر تال میل پر زور دیا۔ انہوں نے کہا کہ  خصوصی مشاہدین کا  حفاظتی دستوں کی تعیناتی اور انہیں جلد از جلد  الیکشن ڈیوٹی کے  لئے بھیجنے میں اضافی  رول  ہوگا۔

الیکشن کمشنر جناب سشیل چندرا  نے  تمام حساس بوتھوں کی  ویب کاسٹنگ  یعنی  نشریہ کے تعلق سے  کمیشن کے حالیہ آرڈر کی طرف ان کی توجہ مرکوز کی اور انتخابات کو پوری طرح لالچ سے پاک  فضا میں  اختتام پذیر کرانے پر زور دیا۔ الیکشن کمشنر جناب راجیو کمار نے کہا کہ  کمیشن  آزاد، غیر جانب دار، شفاف  اور  محفوظ طریقے سے انتخابات کرانے کے سلسلے میں  ایماندار  اور  ماہر  سینئر افسران  کے جڑنے پر  خوشی کا اظہار کرتا ہے۔

پچھلے انتخابات کے دوران کام کرچکے خصوصی مشاہدین نے  اپنے  گزشتہ تجربات کی بنیاد پر  مسائل اور چنوتیوں کے بارے میں  کمیشن کو  با خبر کیا۔

انتخابات والی ریاستوں آسام، کیرالہ، تمل ناڈو اور مغربی بنگال اور مرکز کے زیر انتظام علاقہ پڈو چیری میں درج ذیل  افسران کو اسپیشل جنرل، پولیس اور  اخراجات کے مشاہدین کے طور پر مقرر  کیا گیا ہے۔ جناب  سدرشنم شرینواسن، آئی اے ایس (ریٹائرڈ) (او آر :80)؛  جناب اشوک کمار، آئی پی ایس (ریٹائرڈ) ( ٹی این: 82) اور  محترمہ نینانگم، آئی آر ایس (ریٹائرڈ) (آئی آر ایس: 83)  آسام  ریاست کے لئے  مشاہدین ہوں گے۔ جناب اجے نائک، آئی اے ایس ( ریٹائرڈ)  (بی ایچ: 84) ، جناب وویک دوبے، آئی پی ایس (ریٹائرڈ) (اے پی: 81)،  جناب بی مرلی کمار  ، آئی آر ایس (ریٹائرڈ) (آئی آر ایس: 1983) مغربی بنگال کے لئے مشاہدین ہوں گے۔ جناب دیپک مشرا ، آئی پی ایس (ریٹائرڈ) (اے جی ایم یو ٹی :84) ، جناب پشپندر سنگھ پنیہ، آئی آر ایس (ریٹائرڈ) (آئی آر ایس : 1985)  کو کیرالہ  کے لئے مشاہدین کے طور پر مقرر کیا گیا ہے۔ آلوک چترویدی، آئی اے ایس (ریٹائرڈ) (بی ایچ: 86)  کو تمل ناڈو اور جناب  منجیت سنگھ، آئی اے ایس (ریٹائرڈ) (آر جے: 88) کو  پڈو چیری  یوٹی کے لئے ، وہیں دھرمیندر کمار ، آئی پی ایس (ریٹائرڈ) (اے جی ایم یو ٹی:84) ، محترمہ مدھو مہاجن، آئی آر ایس (ریٹائرڈ) (آئی آر ایس :1982)  اور جناب  بی آر  بالاکرشنن، آئی آر ایس (ریٹائرڈ) (آئی آر ایس: 1983) تمل ناڈو اور پڈو چیری دونوں کے لئے مشاہد ہوں گے۔ تمام خصوصی مشاہدین کا  اپنی ملازمت کے دوران  بے داغ اور شاندار  کام کا ریکارڈ رہا ہے۔

خصوصی مشاہدین اپنی تقرری والی ریاستوں ؍ مرکز کے زیر انتظام علاقوں میں جائیں گے اور  ریاستی  اور  ضلعی سطح کے افسروں کے ذریعے  کی جارہی انتخابی تیاریوں کا  جائزہ لیں گے اور نگرانی کریں گے۔ وہ علاقے میں تعینات کئے گئے عام، پولیس  اور  اخراجات کے مشاہدین کے ساتھ  مسلسل میٹنگیں بھی کریں گے۔

۔۔۔۔۔۔۔۔۔۔۔۔۔۔

( ش ح۔     ق ت۔  ق ر )

U.NO. 2178

 

(Release ID: 1702629) Visitor Counter : 144