نئی دلّی ، 20 فروری / بحریہ کے سربراہ ایڈمیرل کرم بیر سنگھ  نے کوچی   میں  استفسار کے لئے ٹروپیکس – 21 ( تھیٹر کی سطح پر کارروائی کی تیاری  کے متعلق مشق   ) کی صدارت کی ۔ یہ مشق  جنوری ، 2021 ء میں کی گئی تھی  ، جس میں بھارتی بحریہ کی تینوں کمانوں   نے پورٹ بلیئر میں    شرکت کی تھی اور  اِس کے علاوہ ، بھارتی فوج اور فضائیہ   کے ساتھ ساتھ  کوسٹ  گارڈ نے بھی  ، اِن مشقوں میں   شرکت کی تھی ۔  ہر دو سال میں ہونے والی  یہ مشقیں  بھارتی بحریہ کی سب سے بڑی مشقیں ہیں ، جن کا مقصد   پورے     جنگی   پیمانے پر   تمام پہلوؤں کی مشق کرنا ہے ۔  

          یہ مشقیں  بحر الکاہل  کے وسیع رقبے پر    کی گئی تھیں اور   بحرِ ہند کے  دائرے ( آئی او آر ) میں اِن مشقوں  کو  آبی  حدود میں انجام دیا گیا تھا ۔  ان مشقوں کا مقصد   کم  اور  ہلکے روایتی چیلنجوں  سے لے کر  اعلیٰ سطح  کے روایتی  خطروں   سے   نمٹنے میں بھارتی بحریہ کے  آپریشن کے فلسفے   کو پرکھنا تھا ۔  ان  میں جنگی جہازوں ، طیاروں  اور آبدوزوں سے   میزائل اور ٹارپیڈو  داغے جانے کی بھی مشقیں کی گئی تھیں ۔

          تھیٹر سطح کی ، اِن مشقوں کی تمہید کے طور پر    سی وِجل  نامی ساحلی دفاعی مشقیں    جنوری ، 2021 ء کے وسط میں  کی گئیں ، جس میں    حکومتِ ہند   کی متعلقہ  وزارتوں   ، تمام  ساحلی ریاستوں   اور مرکز کے زیر ِ انتظام  علاقوں کی حکومتو ں ، کوسٹ گارڈ ،  پورٹ اتھارٹیوں  ، جہاز رانی اور ماہی گیری  کی برادریوں نے    مشقوں میں   شرکت کی ، جس کی قیادت  بھارتی  بحریہ نے کی تھی ۔ اِ ن مشقوں کے بعد  ایمفیکس – 21 مشقیں کی گئیں ، جس میں بھارتی  فوج ، فضائیہ   نے بھارتی  بحریہ کے ساتھ  خلیجِ بنگال اور انڈمان کے سمندر میں   مشقیں کیں  ، جس کا مقصد   بھارت کی  علاقائی  سالمیت   اور  جزیروں  کے  علاقوں  کا تحفظ کرنے   کی صلاحیت   کو آزمانا تھا  ۔ ایمفیکس – 21 میں  کئی نئے اقدامات شامل کئے گئے ، جن میں    تینوں افواج  کے درمیان   آپریشنل تال میل   کو فروغ دینے کے لئے   معیاری   عملی ضابطے   ، ایس او پی جاری کئے گئے  ۔

          پورے دن  چلنے والی   ٹروپیکس- 21  جائزے میں   بحریہ کے سربراہ نے  تمام آپریشنل  کمانڈروں   کے ساتھ گفتگو کی اور    مختلف  مشقوں کے دوران   جنگی صلاحیت   ، تعیناتی  کے نظریے  کے ساتھ ساتھ حقیقی آڈٹ   اور  اِن مشقوں سے حاصل  ہونےو الے  سبق کے بارے میں   جانچ کی گئی ۔ اِن مشقوں سے حاصل ہونےو الے نتائج   کو  منصوبہ سازوں کو فراہم کیا جائے گا تاکہ وہ  درست   تجزیہ کرکے    جنگی صلاحیت  کے لئے ضروری  نظریات   ، کارروائی کرنے کے لئے ضروری ساز و سامان  کے علاوہ    تربیت کی ضروریات   کو درست  طور پر  پیش کر سکیں ۔

         

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 20.02.2021  )

U. No. 1759

(Release ID: 1699648) Visitor Counter : 190