দাম মপুশিংনা পীরকপা ই-পাউশিংগী মতুংইন্না, নেসনেল রেজিস্তার ওফ লার্জ দামস(এন আর এল দি) হায়না লৈবাক শীনবা থুংনা লৈরিবা অচৌবা দামশিংগী মরমদা রেকোর্দশিং সেন্ত্রেল ৱাতর কমিসন(সি দব্লিউ সি)না খোমজিল্লি অমসুং থম্লি। নেসনেল রেজিস্তার ওফ লার্জ দামসগী খ্বাইদগী নৌবা ইদিসন জুন ২০১৯দা ফোঙখ্রে। নেসনেল রেজিস্তার ওফ লার্জ দামস ২০১৯গী মতুংইন্না, লৈবাক অসিদা শাবা লোইরবা অচৌবা দাম ৫৩৩৪ অমসুং শাগৎলিবা অচৌবা দাম ৪১১ লৈরি।

দামশিং অশোই-অঙাম থোকহন্দবা, ঙাক-শেনবা অমসুং য়েংশিনবগী থৌদাং দামশিংগী মপু ওইরিবা রাজ্য সরকারশিং, কেন্দ্র অমসুং রাজ্যগী পি.এস.য়ুশিং অমসুং লনাই কম্পেনিশিংগীনি। লৈবাক অসিদা দাম অশোই-অঙাম থোকহন্দনবা থবকশিং পায়খৎনবা সেন্ত্রেল ৱাতর কমিসন্না হোৎনরি অমসুং নোংচু থা মমাঙ অমসুং মতুংদা য়েংশিনবগী থবক পাংথোক্নবা স্তেৎ দাম সেফতি ওর্গনাইজেসন/দাম সেফতি সেল শেম্নবা দাম মপুশিংদা চাংনাইনা পাউতাকশিং পীরি অমসুং দাম সেফতি রিভিউ পেনেল শেম্নবা পাউতাক পীরি। রাজ্য অয়াম্বা এস.সি.এস.ও অমসুং  দি.এস.আর.পি লৈরে অমসুং দামশিং নোংচু থা মমাঙ অমসুং মতুংদা য়েংশিল্লে। দাম মপুশিংনা হায়জরকপা মতুংইন্না, সি.দব্লিউ.সিনা দামশিং য়েংশিল্লে অমসুং মপুশিংদা পাউতাক পীরে।

ভারতকী ফিবমশিংদা চুনবা খ্বাইদগী নৌবা তেক্নোলোজশিং শীজিন্নদুনা দামশিং অশোই-অঙাম থোক্তনবা থবকশিংগী পাউতাক পীবগী থবক বোদি অমা নেসনেল কমিতি ওন দাম সেফতিনা হায়রি অমসুং অরিবা দামশিংগী চেকশিন-থৌরাংশিংগী শীজিন্নরিবা তেক্নিকশিং য়েংশিনবগী ফোরম অমা ওইনা থবক তৌরি। হৌজিক ফাওবদা কমিতি অসিগী মীফম ৩৯ পাংথোকখ্রে।

খনগৎলবা দামশিং অশোই-অঙাম থোক্তনবা ফিবম ফগৎনবা অমসুং থবক ফজনা পাংথোক্নবা পান্দমদা জল শক্তি মিনিস্ত্রি, ৱাতর রিছোর্সেস, রিভর দিবলপমেন্ত অমসুং গঙ্গ রিজুবিনেসন দিপার্তমেন্তনা ৱার্ল্দ বেঙ্কগী মতেংগা লোয়ন্না এপ্রিল ২০১২দা দাম রিহেবিলিতেসন এন্দ ইমপ্রুপমেন্ত প্রোজেক(দি আর আই পি) হৌখ্রে। মসি রাজ্য তরেৎ হায়বদি, কেরলা, মৈধ্য প্রদেস, ওরিসা, তামিল নাদু, কর্নাতাকা, ঝরাখান্দ অমসুং উত্তরখান্দদা লৈবা দাম ২২৩না শোকহল্লবশিং খুন্দা-লৈতাহন্নবা খুদোংচাবা য়াওবা স্তেৎ সেক্তর স্কিম অমনি। স্কিম অসিগী বজেতকী শেনফম লুপা কোতি ৩৪৬৬নি অমসুং মসি মার্চ ৩১,২০২১দা লোইশিন্নবা পান্দম থম্লি।

দি.আর.আই.পিগী মখাদা দামশিং অশোই-অঙাম থোক্তনবগা মরী লৈনবা চৎন-কাংলোন ১৪ ফোঙলে। হায়রিবা চৎন-কাংলোনশিং অসি ইন্নবা সি.দব্লিউ.সিনা দাম মপুশিংদা খঙহনখ্রে। হায়রিবা চৎন-কাংলোনশিং অদু ওফিসিএল ৱেবসাইত https://damsafety.in দা ফংলে।

দাম হেল্থ এন্দ রিহেবিলিতেসন মোনিতরিং এপ্লিকেসন(ধারমা) অমসুং সৈস্মিক হাজার্দ এনালাইসিস ইনফোর্মেসন সিস্তেম(সাইসিস) কৌবা ৱেবতা য়ুম্ফম ওইবা তুলশিং সি.দব্লিউ.সিনা পুথোক্লে। লৈবাক অসিদা লৈরিবা অচৌবা দামশিংগী ফিবম অমসুং মপোৎ-মচৈশিংগী মতাংদা ই-পাউ খোমজিনবা অমসুং য়েংশিনবগী থবক ধারমানা পাংথোক্লি। মসিনা দাম মপুশিং নত্রগা মথৌ পাংথোকলিবা অমসুং শেন্নরিবা এজেন্সিশিংদা দামগী ফিবম অমসুং লন-থুমশিংগী মতাংদা হকথেংন্না পাউ পীনবা অমসুং মখা তানা অনৌবা পাউশিং পীনবা অপুনবা মফম অমা ওইনা থবক তৌরি। ধারমা শীজিন্নবগী লাইসেন্স দাম মপুশিংদা পীখ্রে। সৈস্মিক তুলনা য়ুহা হাবগী কনবগী চাং ওনবা অমসুং মসিদগী দামশিং অশোই-অঙাম থোকহন্দনবা হোৎন্নবা পান্দম থম্লি।

ওক্তোবর ২৯.২০২০দা কেবিনেত কমিতি ওন ইকোনোমিক এফেয়ার্সনা দি.আর.আই.পি ফেজ ২ অমসুং ফেজ ৩ অয়াবা পীখ্রে। স্কিম অসিনা রাজ্য ১৯দা লৈবা দাম ৭৩৬ অমসুং সেন্ত্রেল এজেন্সি অহুম খুন্দা লৈতাহনগনি অমসুং ৱার্ল্দ বেঙ্ক অমসুং এসিয়ান ইনফ্রাস্ত্রকচর ইনভেস্তমেন্ত বেঙ্কতগী শেন্থং পীগনি। দি.আর.আই.পি অসি চহি ১০গী মনুংদা পাংথোক্কনি অমসুং ফেজ-২ অমসুং ফেজ-৩ লৈগনি অমসুং প্রোজেক্কী অপুনবা শেনফম্না লুপা কোতি ১০,২১১নি । মসিগী মনুংদা লুপা কোতি ৭০০০না এক্সতর্নেল লোন্নি অমসুং অমসুং লুপা কোতি ৩২১১না মরী লৈনবা রাজ্যশিং অমসুং সেন্ত্রেল এজেন্সিশিংনা পুথোক্কনি।

অগস্ত ২, ২০১৯দা লোক সভাদা দাম সেফতি বিল ২০১৯ পাস তৌখ্রে। বিল অসিনা লৈবাক শীনবা থুংনা লৈরিবা দামশিং য়েংশিনবা, মথৌ পাংথোকপা অমসুং শেমজিনবগী থবক পাংথোক্কনি। বিল অসি অথুবদা রাজ্য সভাদা পুথোক্লবা য়ারি।

নেসনেল রেজিস্তার ওফ লার্জ দামস(এন আর এল দি) ২০১৯গী মতুংইন্না, গুজরাত্তা শাগৎলিবা অচৌবা দাম ১২ লৈ। মসিগী মথক্তা পার-তাপি-নরমাদা লিঙ্ক প্রোজেক(গুজরাত অমসুং মহারাস্ত্রা)গী দি.পি.আর মতুংইন্না দাম ৫ শানবা অয়াবা লৌনবা সি.দব্লিউ.সিদা পীশিনখ্রে।

নেসনেল রেজিস্তার ওফ লার্জ দামস অমসুং সি.দব্লিউ.সিনা দামশিং শাবা চঙবা শেনফমগী দেতা থমদে। পার-তাপি-নরমাদা লিঙ্ক প্রোজেক অসি প্রোজেক অমনি অমসুং জিলাশিংগী ওইনা চঙবা শেনফমগী ই-পাউ ফংদে।

ৱাফম অসি ঙসি লোক সভাদা অইবা ওইনা পীবা পাউখুম অমদা জল শক্তি অমসুং সোসিএল জজতিস অমসুং ইমপ্বারমেন্তগী মিনিস্তর শ্রী রত্তন লাল কাতারিয়ানা ফোঙদোকখিবনি।

*****

(Release ID: 1697522) Visitor Counter : 84