হেলথ অমসুং ফেমিলি ৱেলফিয়র মিনিস্ত্রীনা সেন্তরনা পুথোকপা স্কীম “হান্ননা লৈরবা দিস্ত্রীক্ত/রিফরেল হোস্পিতালশিংদা অনৌবা মেদিকেল কোলেজ  হাপচিনবা” হায়বা অসিদা হান্ননা মেদিকেল কোলেজ লৈতবা দিস্ত্রীক্তশিংদা মেদিকেল কোলেজকী খুদোং চাবা অসি দিস্ত্রীক্ত হোস্পিতালদা লিংখৎলগনি। স্কীম অসিগী ফেজ অহুমদা পুন্না  মেদিকেল কোলেজ ১৫৭কী অয়াবা পীখ্রে।

মখা তানা, স্তেতশিংগা মেদিকেল কোলেজ অসিগী শাবা, ফন্দগী শিজিন্নবা মেদিকেল কোলেজ অসি হৌবদা স্তেতশিং অসিনা তৌগদবা থৌরাংশিং অসি য়েংশিন্নবা মিতিং অমা পাংথোকখি। স্তেত খায়না মেদিকেল কোলেজ অসিগী পি.জি.গী সীতশিংগা এনেকচর-১দা পীরি।

মসিগী মথক্তা, সেন্ত্রেল সরকারনা লৈবাক অসিদা মেদিকেলগী ফমশিং অসি হেনগৎনবা খোঙথাং কয়া অমা লৌখৎলি। মসিদা য়াওরিবা অসি:

1. সেন্তরনা পুথোকপা স্কীম – হান্ননা লৈরবা স্তেত সরকার/সেন্তর সরকারগী মেদিকেল কোলেজশিং মপাঙ্গল কনখৎহনবা অমসুং হেন্না ফগৎহন্দুনা এম.বি.বি.এস. অমসুং পি.জি.গী সীত হেনগৎহনবা।
2. য়ামদ্রবদা মেদিকেল কোলেজশিং অমা লৈবদা চংদবা য়াদবা মচাকশিং হায়বদি লম, ফেকল্তি, স্তাফ, ফমুংগী মশীং, অতৈ মচাকশিং অসি লৈহনবা।
3. এম.বি.বি.এস. মশীং অসি য়াম্না লৌবা ১৫০দগীনা ২৫০ ফাওবদা হেনগৎহনবা
4. দি.এন.বি. অসি এম.দি./এম.এস. অমসুং দি.এম./এম.সি.ঐচ. অসিগা মান্নহন্দুনা ফকল্তি ৱাৎপা মতমদা শম্নবা।
5. চহিগী অকক্নবা শাংদোকপা মদুদি থবক চংবা/শাংদোকপা/ওজাগী পোস্ততা অমুক চংবা/দীন/প্রিন্সিপাল/দাইরেক্তর অসি চহি ৭০ ফাওবা।
6. ওজা-ছাত্রগী রেসিও অসি পি.জি.গী সীত মতুং ইন্না হেনগৎহনবা।
7. চৎন-কাংলোনশিং অসি চৎনদুনা এম.বি.বি.এস. শকখংলবা মতুং চহি অহুমদা পি.জি. কোর্সেস হৌবা অসি শোইদনা লৈগদবনি।
8. কোলেজশিং অসিদা পি.জি.গী কোর্সশিং অসি ক্লিনিকেল সবজেক্তকী ৪শুবা রিনেৱেলদা থাবা য়াগনি।
9. চৎন-কাংলোনশিং অসিদা য়াওরিবা অসিদা প্রোবিজন অমা শেম্লে মেদিকেল কোলেজশিং অসিদা করিগুম্বা হায়রিবা সীত অসিদা শুদবা তারগদি সীতশিং অসি য়ামদনা লৌগনি।
10. কোন্সোর্তিয়ম অমা (লনাইগী ওর্গানাইজেসন ২ নত্ত্রগা ৪ওইবা কাংবু)না মেদিকেল কোলেজ অমা লিংখৎপগী অয়াবা পীরি।
11. মেদিকেল কোলেজশিং অসি লিংখৎপা পুক্নিং থৌগৎনবা পি.পি.পি. মোদতা ফন্দিং স্কীম অমা হৌদোক্লি।

 

এনেকচর-১

 

স্তেত খায়না মরীক চুম্বা:

 

লৈবাক অসিগী মেদিকেল কোলেজশিংগী মশীং লোয়ননা পি.জি.গী সীত

সে.ন.	স্তেত	মেদিকেল কোলেজশিংগী মশীং	পি.জি.গী সীত মশীং অপুনবা
১	অন্ধ্র প্রদেশ	৩১	২৩৭১
২	এ অমসুং এনগী ঈথৎশিং	১	০
৩	অসাম	৮	৭১৫
৪	অরুনাচল প্রদেশ	১	০
৫	বিহার	১৮	৮৫৬
৬	চান্দিগর	১	৫৫৭
৭	ছত্তিসগর	১০	২০৬
৮	দদ্রা অমসুং নগর হবেলি	১	০
৯	দিল্লী	১০	২৭১৫
১০	গোৱা	১	১১৯
১১	গুজরাত	৩০	২১২৭
১২	হরিয়ানা	১২	৫৫৪
১৩	হিমাচল প্রদেশ	৭	৩১৮
১৪	জম্মু অমসুং কাশ্মির	৯	৫৬৮
১৫	ঝার্খন্দ	৮	২২৭
১৬	কর্নাতকা	৬১	৫৩৭৯
১৭	কেরেলা	৩১	১৫৮৭
১৮	মধ্য প্রদেশ	২৩	১৫৪৮
১৯	মহারাস্ত্র	৬০	৪৯২২
২০	মনিপুর	২	২১০
২১	মেঘালয়	১	৩৫
২২	মিজোরাম	১	০
২৩	নাগালেন্দ	০	০
২৪	ওরিশা	১২	৮৫২
২৫	পুদুচেরী	৯	৮১৭
২৬	পঞ্জাব	১১	৭৩৪
২৭	রাজস্থান	২৪	১৮৪১
২৮	সিক্কিম	১	২২
২৯	তামিল নাদু	৫৩	৪২৫৫
৩০	তেলঙ্গনা	৩৪	২২৩৭
৩১	ত্রিপুরা	২	৮৪
৩২	উত্তর প্রদেশ	৫৭	২৮৩৬
৩৩	উত্তরাখন্দ	৬	১৭৩২
৩৪	ৱেস্ত বেঙ্গল	২৬	১৭৫৮
	অপুনবা	৫৬২	৪২১৮২

মসিগী মথক্তা লৈবাক অসিদা দি.এন.বি./এফ.এন.বি. ৯৭৯৫গী সীত অমসুং সি.পি.এস. দিপ্লোমাগী সীত ২৪৩২ লৈরি।

মিনিস্তর ওফ স্তেত (হেলথ অমসুং ফেমিলি ৱেলফিয়র) শ্রী আশ্বিনি কুমার চৌবেনা ঙসি লোক সভাদা অইবা ওইনা পাউখুম পীখিবনি।

*****

(Release ID: 1695775) Visitor Counter : 176