আই.সি.এ.আর. রিসর্চ ইন্সতিত্যুতশিং অমসুং কে.ভি.কে.শিংনা তেক্নোলোজী শিজিন্নদুনা লৈবাক অসিদা সস্তেনেবল ফার্মিং প্রেক্তিসশিং দেবেলপ/রিফাইন তৌনবা অমসুং থৌগৎনবা খোঙথাংশিং পাইখৎখ্রে।

ইন্দিয়ন কাউন্সিল ওফ এগ্রিকলচরেল রিসর্চ (আই.সি.এ.আর.)না রাজ্য ১৮দা আই.সি.এ.আর. ইন্সতিত্যুসনশিং, স্তেৎ এগ্রিকলচরেল য়ুনিভর্সিতীশিং অমসুং ফার্মিং কম্ম্যুনিতী য়াওবা ইন্তিগ্রেতেদ ফার্মিং সিস্তেম (আই.এফ.এস.) মোদেল ৬৩ দেবেলপ তৌখ্রে। মোদেলশিং অসি লৈবাক অসিগী রাজ্য অমসুং য়ুনিয়ন তেরিতোরী ২৬কা চান্নৈ অমসুং হান্না লৈরম্বা সিস্তেমশিং/প্রেক্তিসশিংগা য়েংনবদা চহি ৩দগী ৪ ফাওবগী মতম অসিগী মনুংদা লৌমীশিংগী শেন্থোক শরুক ২দগী ৩ ফাওবা হেনগৎহনবা ঙম্বগী পোতেন্সিএল লৈ। রাজ্য ১২দা শিজিন্নবা য়াবা ওর্গানিক ক্রোপ্পিং সিস্তেম ৫১ আই.সি.এ.আর.না দেবেলপ তৌখ্রে। শেন্থোক হেনগৎহনবগী মথক্তা ফংহনখুবা কান্নবশিংদা য়াওরিবশিং অদুদি: মহৈ-মরোং থাবগী চাং হেনগৎহনবা, মল্তি-তাইয়র ফার্মিংগা চান্নহনবা, ন্যুত্রেন্তশিং রিসাইকল তৌবনা মরম ওইরগা ইনপুৎতা চংবা শেল হন্থহনবা (৩০দগী ৭২% ফাওবা হন্থহনবা), ন্যুত্রেন্তশুং ওন-ফার্ম ওইনা পুথোকপা ( চহি অমদা হেক্ত অমদা নাইত্রোজেন কে.জি. ১৩৪, ফোসফোরস পেন্তওক্সাইদ কে.জি. ৫৫ অমসুং পোতাসিয়ম ওক্সাইদ কে.জি. ১০৬), লৈবাক্কী ওর্গানিক কার্বোন হেনগৎহনবা (চহি ৫দা ২২% ফাওবা), থবক ফংহনবা (চহি অমদা মীওই অমগী নোংমগী থবক ৪০০দগী ৯৫০
) অমসুং সস্তেনেবিলিতী (সস্তেনেবিলিতী ইন্দেক্স ০.৫০দগী ০.৯০. ফাওবগী মরক্তা)

অনৌবা অমসুং অফবা ভেরাইতীশিং/ফার্মিং প্রেক্তিসশিং থৌগৎপা অসি মপুং ওইনা লৈবাক অসিগী জিলাগী থাক্তা ক্রিশি বিজ্ঞান কেন্দ্রশিং (কে.ভি.কে.) ৭২২গী নেৎৱার্ক অমগী খুত্থাংদা পাইখৎখি। হৌখিবা চহি অমগী মনুংদা লৌমী লাখ ১৬.৮২দা কে.ভি.কে.শিংনা ত্রেনিং ফংহনখ্রে।  কে.ভি.কে.শিংনা তোঙান তোঙানবা মহৈ-মরোংশিং, লাইফস্তোক অমসুং অতোপ্পা ইন্তর্প্রাইসশিংদা ফ্রন্তলাইন দেমোনস্ত্রেসন লাখ ২.৪৪ পাঙথোকখ্রে অমসুং হৌখিবা চহিদা লৌমী লাখ ১৮৩.৬৬না শরুক য়াদুনা এক্সতেন্সন এক্তিবিতী লাখ ১০.৯৫ পাঙথোকখ্রে। মসিগী মথক্তা ২০১৯-২০দগী হৌদুনা লম হেক্তর ৮২২০ কোনশিনদুনা পরমপরাগৎ ক্রিশি বিকাস য়োজনাগী মখাদা ওর্গানিক ফার্মিংদা ক্লস্তর দেমোনস্ত্রেসনশিং কে.ভি.কে. ৪১১না ইমপ্লিমেন্ত তৌখি। হৌখিবা চহি অমগী মনুংদা ওর্গানিক ফার্মিংগী তোঙান তোঙানবা হিরমশিংদা পুন্না লৌমী ২২২৪০ ত্রেন তৌখি।

লাইনাশিংদগী ঙাকথোকপা ঙম্বা অমসুং য়াম্না ইংবা নত্ত্রগা শাবা কন্দিসনশিংদা হৌবা ঙম্বা মহৈ-মরোং মখলশিং দেবেলপ তৌনবা আই.সি.এ.আর.না রিসর্চ পাঙথোক্লি।

হৌখিবা চহি ৬কী মনুংদা লাইনা মখল কয়াদা রেসিস্তেন্ত, তোলরেন্ত নত্ত্রগা মোদরেৎ ওইনা তোলরেন্ত ওইবা ভেরাইতী ৯১০ দেবেলপ তৌখ্রে। মসিগী মথক্তা মতম অসিগী মনুংদা ঈশিং ইচাউ অমসুং/নত্ত্রগা সবমর্জেন্স তোলরেন্স ভেরাইতী ৩৭ অমসুং ইকং নত্ত্রগা মোইচর স্ত্রেস তোলরেন্ত ভেরাইতী ১৩৭ দেবেলপ তৌখ্রে। রিসর্চ সিস্তেম অসিনা রিলিজ অমুক তৌখ্রবা ভেরাইতীশিং অসি মার্কেতিংগীদমক খঙদোক্লবা এজেন্সীশিংগী খুত্থাংদা সর্তিফিকেসন প্রোসেস অমসুং মল্তিপ্লিকেসন লোইশিনবদা চহি ৩-৪ চংঙি।

ই-পাউ অসি ঙসি রাজ্য সভাদা কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মন্ত্রী শ্রী নরেন্দ্র সিংহ তোমরনা অইবা পাউখুম অমা ওইনা পীখিবনি।

****

 

(Release ID: 1695739) Visitor Counter : 93