’’نئی روشنی اسکیم‘‘

اقلیتی خواتین کے اندر قیادت کے فروغ کے لئے تیار کی گئی ایک اسکیم ’’نئی روشنی‘‘ کا نفاذ ملک بھر میں کیا جارہا ہے، جس کا مقصد معلومات، ٹولس اور تکنیک دستیاب کراکر خواتین کو بااختیار بنانا اور ان کے اندر اعتماد پیدا کرنا ہے، تاکہ وہ سرکاری نظامات، بینکوں اور دیگر اداروں سے سبھی سطحوں پر جڑسکیں۔ اس میں زیر تربیت خواتین کو بااختیار بنانا بھی شامل ہے، تاکہ وہ سماج کی آزاد اور پراعتماد رکن بن سکیں۔ اس اسکیم کا بحیثیت مجموعی مقصد اقلیتی خواتین کی حوصلہ افزائی کرنا ہے، تاکہ وہ گھروں اور برادری کی حدود سے باہر نکل سکیں اور سماج میں قائدانہ کردار ادا کرسکیں۔ اس اسکیم کے تحت 6 دن کی ٹریننگ دی جاتی ہے، جس کے بعد ایک سال کی مدت تک ہینڈ ہولڈنگ کی جاتی ہے، یعنی انھیں کچھ کرنے کے لئے سہارا دیا جاتا ہے۔ یہ ٹریننگ متعدد پہلے سے تیار ٹریننگ ماڈیولس پر دی جاتی ہے، جس میں خواتین سے متعلق مسائل یعنی فیصلہ سازی میں شراکت داری کے توسط سے خواتین کی قیادت، خواتین کے لئے تعلیمی پروگرام، صحت و صفائی، خواتین کے قانونی حقوق، مالی خواندگی، ڈیجیٹل خواندگی، سوچھ بھارت، لائف اسکلس اور سماجی و برتاؤ سے متعلق تبدیلی کی وکالت کا احاطہ کیا جاتا ہے۔ اس اسکیم کے تحت جتنی اقلیتی خواتین کو فائدہ ہوا ہے اس کی ریاست وار / مرکز کے زیر انتظام علاقہ وار تفصیل ضمیمہ (نیچے) میں دی گئی ہے۔

اس اسکیم کا نفاذ، اسکیم کی نافذ العمل رہنما ہدایات کے تحت نئی روشنی اسکیم کے لئے پینل میں شامل غیر سرکاری تنظیموں کے ذریعے کیا جارہا ہے۔

نئی روشنی اسکیم جہاں خاص طور پر خواتین استفادہ کنندگان کو اپنی توجہ کا مرکز بناتی ہے وہیں وزارت کی دیگر اسکیمیں بھی اقلیتی خواتین پر بہت زیادہ زور دیتی ہیں۔ سیکھو اور کماؤ اسکیم کے استفادہ کنندگان میں 33 فیصد استفادہ کنندگان خواتین ہیں۔ اسی طرح سے نئی منزل اسکیم کے کل استفادہ کنندگان 30 فیصد خواتین ہیں۔ یہ اسکیمیں اقلیتی خواتین کو اقتصادی اعتبار سے بااختیار بنانے میں مدد کرتی ہیں۔

 

ضمیمہ:

یہ اطلاع اقلیتی امور کے مرکزی وزیر جناب مختار عباس نقوی کے ذریعہ 4 فروری 2021 کو لوک سبھا میں دی گئی۔

 

******

ش ح۔ م م۔ م ر

U-NO. 1217

 

(Release ID: 1695723) Visitor Counter : 210