جاری خریف مارکیٹنگ سیزن(کے ایم ایس)21-2020کےدوران،حکومت نےموجودہ کم سے کم امدادی قیمت( ایم ایس پی) اسکیموں کے مطابق کسانوں سے ایم ایس پی پرخریف سیزن 21-2020 فصلوں کی خریداری جاری رکھے ہوئے ہے۔

خریف21-2020کےلئے دھان کی خریداری پنجاب،ہریانہ،اترپردیش،تلنگانہ،اتراکھنڈ،تمل ناڈو،چنڈی گڑھ،جموں وکشمیر، کیرالہ، جرات،آندھراپردیش،چھتیس گڑھ،اُڈیشہ،مدھیہ پردیش، مہاراشٹر،بہاراور جھاڑ کھنڈجیسی ریاستوں؍مرکز کے زیر انتظام علاقوں میں بلا روک ٹوک سے جاری ہے۔ گذشتہ سال کے346.10لاکھ میٹرک ٹن کے مقابلے اس سال21دسمبر2020ء تک422.01 لاکھ میٹرک ٹن سے زیادہ دھان کی خریداری کی جاچکی ہے۔ اس طرح پچھلے سال کے مقابلے دھان کی خریداری میں 21.93 فیصد کا اضافہ درج کیا گیا ہے۔ مجموعی طور پر422.01لاکھ میٹرک ٹن کی خریداری میں اکیلے پنجاب نے اس سال 30 نومبر2020ءکو خریداری عمل کے مکمل ہونے تک 202.77 لاکھ میٹرک ٹن دھان کی خریداری کی ہے،جو مجموعی خریداری کا48.05 فیصد ہے۔

 

 

کل79675.58 کروڑ روپے کی کم از کم امدادی قیمت(ایم ایس پی) کی مالیت کے ساتھ جاری خریف مارکیٹنگ سیزن کے دوران خریداری کی کارروائیوں سے تقریباً 50.77لاکھ کسانوں کو  پہلے ہی فائدہ ہوچکا ہے۔

 

 

مزید برآں،خریف مارکیٹنگ سیزن 2020ءکیلئےریاستوں سے ملنے والی تجاویز کی بنیاد پرتمل ناڈو،کرناٹک، مہاراشٹر،تلنگانہ، گجرات،ہریانہ،اترپردیش،اڈیشہ،راجستھان اورآندھراپردیش ریاستوں کے لئےامدای قیمت اسکیم (پی ایس ایس)کے تحت51.66 لاکھ میٹرک ٹن دالوں اور تلہن کی خریداری کو منظوری دی گئی تھی۔ اس کے علاوہ آندھراپردیش، کرناٹک،تمل ناڈو اور کیرالہ  ریاستوں کے لئے 1.23 لاکھ میٹرک ٹن کوپرا (بارہ ماسی فصل) کی خریداری کو بھی منظوری دی گئی ہے۔ دیگر ریاستوں اور مرکز کے زیر انتظام علاقوں کے لئے بھی  پی ایس ایس کے تحت تجویز موصول ہوجانے پر دالوں،تلہن اور کوپرا کی خریداری کو منظوری دی جائے گی، تاکہ سال 21-2020ء کے لئے اندراج شدہ کسانوں سےبراہ راست نوٹیفائیڈ ایم ایس پی پر ان فصلوں کی ایف اےکیو گریڈ خرید اری کی جاسکے۔ البتہ اگر مارکیٹ ریٹ کٹائی کی مدت کے دوران متعلقہ ریاستوں اور مرکز کے زیر انتظام علاقوں میں ایم ایس پی سے کم ہوتا ہے،تو فصلوں کی خریداری، ریاست کی نامزد خریداری ایجنسیوں کے توسط سے مرکزی نوڈل ایجنسیوں کے ذریعے کی جائے گی۔

21 دسمبر 2020ء تک حکومت نے اپنی نوڈل ایجنسیوں کے توسط  سے1123.62  کروڑ روپے کی ایم ایس پی قدر سے 209700.17میٹرک ٹن مونگ،اُڑد،مونگ پھلی اورسویابین کی خریداری کی ہے،جس سے تمل ناڈو، مہاراشٹر، گجرات، ہریانہ اور راجستھان کے115432 کسانوں کو فائدہ ہواہے۔

اسی طرح21دسمبر 2020ءتک52.40 کروڑ روپے کی ایم یس پی قدر پر 5089میٹرک ٹن کوپرا(بارہ ماسی فصل) کی خریداری کی گئی ہے،جس سے کرناٹک اورتمل ناڈو کے3961 کسان مستفید ہوئے ہیں، جبکہ گذشتہ سال اسی مدت کے دوران 293.34 میٹرک ٹن کوپرے کی خرید کی گئی تھی۔ جہاں تک کوپرا اور اُڑد کا تعلق ہے،ان کا ریٹ زیادہ تر بڑی پیداوار ی ریاستوں میں ایم ایس پی سے زیادہے۔  متعلقہ ریاستیں نیز مرکز کے زیر انتظام علاقوں  کی حکومتیں طے شدہ تاریخ سے خریداری شروع کررہی ہیں، جس کا فیصلہ خریف کی دالوں اورتلہن کی آمد کی بنیاد پر متعلقہ ریاستوں کے ذریعے کیا گیا ہے۔

 

 

پنجاب،ہریانہ،راجستھان، مدھیہ پردیش،  مہاراشٹر، گجرات،تلنگانہ، آندھراپردیش، اڈیشہ اور کرناٹک  ریاستوں میں ایم ایس پی کے تحت کپاس کے بیج (کپاس) کی خریداری کا عمل بلا روک ٹوک جاری ہے۔ 21 دسمبر 2020ء تک6069485کپاس کی گانٹھوں کی خریداری کی گئی ہے، جن کی قیمت 17772.90 کروڑ روپے ہے،اس سے1174689 کسانوں کو فائدہ ہوا ہے۔

 

******

 

م ن۔م م۔ ن ع

(23.12.2020)

U NO: 8331

(Release ID: 1682878) Visitor Counter : 111