نئی دہلی،  03 دسمبر 2020 : موجودہ خریف مارکٹنگ سیزن  (کے ایم ایس  ) 21-2020کے دوران  سرکار نے اپنی موجودہ کم از کم امدادی قیمت (ایم ایس پی) کی اسکیموں کے تحت کسانوں پر ایم ایس پی پر خریف 21-2020 فصلوں کی خرید جاری رکھی ہے۔

خریف 21-2020 کے لئے دھان کی خرید پنجاب، ہریانہ ، اترپردیش، تلنگانہ ، اتراکھنڈ، تمل ناڈو ، چنڈی گڑھ ، جموں وکشمیر ،کیرالہ ، گجرات ، آندھراپردیش ، اڈیشہ ،مدھیہ پردیش اور مہاراشٹر جیسی ریاستوں اور مرکز کے زیرانتظام علاقوں میں حسب معمول جاری ہے ۔ پچھلے سال کے 271.57 لاکھ میٹرک ٹن کے مقابلے اس سال 2 دسمبر 2020 تک 324.71 لاکھ میٹرک ٹن سے زیادہ دھان کی خرید کی جاچکی ہے اور اس طرح پچھلے سال کے مقابلے  دھان کی خرید میں 19.56 فیصد سے زیادہ کا اضافہ درج کیا گیا ہے۔ کل 324.71 لاکھ میٹرک ٹن کی خرید میں سے اکیلے پنجاب نے  202.77 لاکھ میٹرک ٹن کا تعاون دیا ہے جو کل خرید کا 62.44 فیصد ہے۔

کل 61306.82 کروڑ روپئے کے ایم ایس پی کے ساتھ فی الحال جاری کے ایم ایس خرید کے عمل سے تقریباً 30.84 لاکھ کسانوں کو فائدہ ہوچکا ہے۔

اس کے علاوہ ریاستوں سے تجویز کی بنیاد پر خریف مارکٹنگ سیزن 2020 کے لئے تمل ناڈو ، کرناٹک، مہاراشٹر، تلنگانہ، گجرات ، ہریانہ ، اترپردیش، اڈیشہ، راجستھان اور آندھراپردیش سے قیمت کی امدادی اسکیم (پی ایس ایس) کے تحت 45.24 لاکھ میٹرک ٹن دال اور تلہن کی خرید کے لئے منظوری دی گئی تھی۔ اس کےعلاوہ آندھراپردیش ، کرناٹک ، تمل ناڈو اور کیرالہ کے لئے کھوپرے (بارہ ماسی فصل) کی 1.23 لاکھ میٹرک ٹن کی خرید کو بھی منظوری دی گئی۔پی ایس ایس کے تحت دیگر ریاستوں / مرکز کے زیر انتظام علاقوں سے خرید کی تجاویز کی موصولی پر دال، تلہن اور کھوپرے کے لئے بھی منظوری دی جائے گی تاکہ نوٹیفائیڈ فصل کی مدت کے دوران بازار کی قیمت ایم ایس پی سے کم ہونے کی حالت میں سال 21-2020 کے لئے نوٹیفائیڈ ایم ایس پی کی بنیاد پر ان فصلوں کے ایف اے کیو گریڈ کی خرید ، ریاست کی طرف سے مقررہ خرید ایجنسیوں کے توسط سے مرکزی نوڈل ایجنسیوں کے ذریعہ متعلقہ ریاستوں / مرکز کے زیر انتظام علاقوں میں براہ راست رجسٹرڈ کسانوں سے کی جاسکے۔

2 دسمبر 2020 تک سرکار نے اپنی نوڈل ایجنسیوں کے توسط سے 618.95 کروڑ روپئے کی ایم ایس پی والی مونگ، اڑد، مونگ پھلی اور سویابین کی 114922.58 میٹرک ٹن کی خرید کی جس سے تمل ناڈو، مہاراشٹر، گجرات، ہریانہ اور راجستھان کے 65907 کسانوں کو فائدہ ہوا۔

اسی طرح 2 دسمبر 2020 تک 52.40 کروڑ روپئے کے ایم ایس پی پر 5089 میٹرک ٹن کھوپرے  (بارہ ماسی فصل) کی خرید کی گئی ہے جس سے کرناٹک اور تمل ناڈو کے 3961 کسانوں کو فائدہ ہوا ہے جبکہ پچھلے سال اسی مدت کے دوران 293.34 میٹرک ٹن کھوپرے کی خرید کی گئی تھی۔ کھوپرے اور اڑد کے سلسلے میں زیادہ تر بڑی پیداواری ریاستوں میں قیمتیں ایم ایس پی سے زیادہ ہیں۔ متعلقہ ریاست/ مرکز کے زیر انتظام علاقوں کی حکومتوں خریف کی فصل دال اور تلہن کے سلسلے میں آمد کی بنیاد پر متعلقہ ریاستوں کے ذریعہ طے کی گئی تاریخ سے خرید شروع کرنے کے لئے ضروری انتظامات میں مصروف ہیں۔

پنجاب، ہریانہ،  راجستھان، مدھیہ پردیش، مہاراشٹر، گجرات، تلنگانہ، آندھراپردیش، اڈیشہ اور کرناتک ریاستوں میں ایم ایس پی کے تحت بیج کپاس (کپاس) کی خرید کا عمل حسب معمول جاری ہے۔ 2 دسمبر 2020 تک 3285613 کپاس کی گانٹھیں خریدی کی گئی جن کی قیمت 9610.18 کروڑ روپئے ہے جس سے 652630 کسانوں کو فائدہ ہوا ہے۔

****

(م  ن  ۔ ق  ت ۔  م ص)

 (2020 03.12.)

U- 7801