ఏక్ భారత్ శ్రేష్ఠ భారత్ కార్యక్రమం రాష్ట్ర / కేంద్ర పాలిత రాష్ట్రాల భాగస్వామ్యం ద్వారా వివిధ రాష్ట్రాల / యుటిల మధ్య పరస్పర అవగాహనను పెంపొందించడం మరియు పరస్పర అవగాహనను ప్రోత్సహించడం. భాషా అభ్యాసం, సంస్కృతి, సంప్రదాయాలు, సంగీతం, పర్యాటక రంగం, వంటకాలు, క్రీడలు మరియు ఉత్తమ అభ్యాసాల భాగస్వామ్యం వంటి రంగాలలో స్థిరమైన , నిర్మాణాత్మక సాంస్కృతిక సంబంధాన్ని ప్రోత్సహించడానికి రాష్ట్రాలు కార్యకలాపాలు నిర్వహిస్తాయి. దీనిని పురస్కరించుకుని, పత్రికా సమాచార కార్యలయం, రీజనల్ అవుట్ రీచ్ బ్యూరో హైదరాబాద్, చండీగఢ్ సమన్వయంతో నేడు హర్యానా మరియు తెలంగాణ రాష్ట్రాల పై ప్రత్యేక దృష్టి తో '' ఏక్ భారత్ శ్రేష్ఠ భారత్ '' పై వెబ్ బినార్ నిర్వహించారు.

 

ఈ వినూత్న చర్య ద్వారా ఇరు రాష్ట్రాల సంస్కృతి, సంప్రదాయాలు, ఆచరణల పరిజ్ఞానం ఇరు రాష్ట్రాల మధ్య అవగాహన, బంధం మరింత బలపడి, తద్వారా భారతదేశ ఐక్యత, సమగ్రతను బలోపేతం చేస్తుంది.

 

పరస్పర అవగాహన, నమ్మకం అనేది భారతదేశ బలమని, పౌరులందరూ సాంస్కృతికంగా సంఘటితం కావాలని తెలంగాణ ప్రభుత్వం సాంస్కృతిక శాఖ డైరెక్టర్ శ్రీ మామిడి హరి కృష్ణ అన్నారు. సాంస్కృతిక మార్గాల ద్వారా ‘బ్రాండ్ తెలంగాణ’ నిర్మించాలనే లక్ష్యంతో భాష మరియు సాంస్కృతిక శాఖ ప్రధానంగా రాష్ట్రం మరియు రాష్ట్రం వెలుపల ప్రాంతీయ స్థాయిలో తెలంగాణ కళ మరియు సంస్కృతి అభివృద్ధికి భిన్నమైన విధానాలు మరియు వ్యూహాలపై దృష్టి పెడుతుంది.

 

తెలంగాణ మరియు భారతదేశంలో తాజా సాంస్కృతిక సంప్రదాయాలను ప్రచారం చేయడం మరియు సంరక్షించడం కొరకు మేం ఒక కార్యాచరణ ప్రణాళికను రూపొందిస్తున్నాం. తెలంగాణ సంస్కృతి చాలా ప్రత్యేకమైనది మరియు విభిన్న పండుగలు మరియు విశ్వాసాలతో వైబ్రెంట్ గా ఉంటుంది. మహాత్మాగాంధీ చెప్పినట్లు భారత దేశం ఆత్మ దాని గ్రామాల్లో నే నివసిస్తుంది. తెలంగాణ జానపద సంస్కృతి & సాహిత్యం దాని గ్రామాలలో నివసిస్తుంది. తెలంగాణ పండుగలలో మహిళలకు ప్రముఖ పాత్ర ఉంది. బోనాల పండుగ ను తెలంగాణ ప్రజలు ఘనంగా జరుపుకుంటారు. బోనం అనే పదం భోజనం అనే పదానికి ఒక సంస్కృత పదం, అంటే తెలుగులో భోజనం లేదా విందు అని అర్థం. ఇది అమ్మవారికి సమర్పించే నైవేద్యం. బతుకమ్మ, తెలంగాణ ప్రాంతం యొక్క ప్రత్యేకమైన పండుగ మరియు ప్రపంచ వ్యాప్తంగా ఘనంగా జరుపుకునే రాష్ట్ర పండుగ బతుకమ్మ అని ఆయన అన్నారు.

 

హర్యానాలోని రోహటక్, మహర్షి దయానంద్ విశ్వవిద్యాలయం, యువజన సంక్షేమ డైరెక్టర్ డాక్టర్ జగ్బీర్ రథీ వెబ్‌నార్‌ను ఉద్దేశించి ప్రసంగించారు, స్థానిక జానపద పాటలు మన చుట్టూ ఉన్న ప్రకృతిని ఎలా ప్రతిబింబిస్తాయో వాటి గురించి మాట్లాడారు. మొక్కలు, పూలు, ఋతువులు మొదలైన వాటి గురించి ఆయన మాట్లాడారు. అలాగే ప్రత్యేక పండుగల సందర్భంగా ప్రత్యేక గీతాల గురించి కూడా వివరిస్తూ, ప్రజల దైనందిన జీవితాలచుట్టూ అల్లుకుని, దానికి సంబంధించిన ఉదాహరణలు కూడా ఇచ్చారు.

 

వెబ్నార్లో కురుక్షేత్ర విశ్వవిద్యాలయం ప్రసంగించిన యువజన మరియు సాంస్కృతిక వ్యవహారాల సాంస్కృతిక పర్యవేక్షకుడు శ్రీ హర్విందర్ రానా, రెండు రాష్ట్రాల కళాకారుల మార్పిడి కోసం గతంలో చేపట్టిన కార్యక్రమాలను ప్రశంసించారు. రెండు రాష్ట్రాల విలక్షణమైన వంటకాలను వర్ణించే ఆహార ఉత్సవాన్ని నిర్వహించే ప్రతిపాదనను ఆయన మన ముందుకు తెచ్చారు.

ఈ రోజు జరిగిన వెబ్ నార్, భాగస్వామ్య రాష్ట్రాలు హర్యానా మరియు తెలంగాణ రాష్ట్రాల గొప్ప సాంస్కృతిక వైవిధ్యాన్ని పెంపొందించే దిశలో ఒక ముందడుగు.

ఈ కార్యక్రమంలో శ్రీ ఎస్. వెంకటేశ్వర్, డిజి, సౌత్ జోన్, పిఐబి, శ్రీమతి దేవప్రీత్ సింగ్, ఏడీజీ (నార్త్ జోన్), శ్రీమతి శృతి పాటిల్, డైరెక్టర్, పిఐబి & ఆర్ ఓ బి - హైదరాబాద్ మరియు సమాచార మరియు ప్రసార మంత్రిత్వ శాఖ లు చెందిన ఇతర సీనియర్ అధికారులు కూడా ఈ వెబ్ బినార్ లో పాల్గొన్నారు.

***

(रिलीज़ आईडी: 1668540) आगंतुक पटल : 150