মালেমগী ঈ দান তৌবশিংগী নুমিৎ থৌরম জুন ১৪, ২০২০দা পাঙথোকখি। মালেমগী ঈ দান তৌবশিংগী নুমিৎ ২০২০গী নুংগী ওইবা ৱাহন্থোক্তি "অফবা ঈনা পুন্সি কল্লি" হায়বনি।

নেসনেল ব্লদ ত্রান্সফ্যুজন কাউন্সিল (এন.বি.তি.সি.)না রাজ্যগী ব্লদ ত্রান্সফ্যুজন কাউন্সিল (এস.বি.তি.সি.)শিংদা দব্ল্যু.বি.দি.দি. ২০২০বু স্তেকহোল্দর পুম্নমক্কা খুৎশম্নদুনা মলতি মীদিয়াগী থোংদা মতম মতমগী মতুং ইন্না পীরকপা সোসিএল দিস্তেন্সিং অমসুং কোবিদ-১৯গী কাংলোন খুদিংমক ইন্দুনা ভোলুন্তরী ব্লদ দোনেসন (ভি.বি.দি.) তৌবা হেনগৎনবা ঈ দান তৌবগী কেম্প অমসুং মীয়াম ভাপ তাহনবগী থবকশিংগা লোইননা পাঙথোক্নবা পাউ পীখি।

অনাবশিংদা খুদোংচাদবা থোকহনবা মওংদা ব্লদ বেঙ্কশিংদা ঈ ফংদবগী অৱাবা লৈবগী পাউদি লৈত্রি। হন্দক্কী চহী অসিদা ঈ খোমজিনবগী থবক হন্থবা তারবসু ইলেক্তিব সর্জরী অমসুং ঈ কাপ্পা চঙবা খুদক্কী ওইদবা ক্লিনিকেল কন্দিসনশিং পাঙথোকপগী চাং নেম্বনা ঈ তঙাইফদবগী চাংসু নেমখি।

রাজ্যগী হকশেল মন্ত্রীশিংদা হকশেল অমসুং য়াইফ-য়ুম্বাল মন্ত্রালয়গী ইকাইখুম্নজরিবা মন্ত্রীনা ভি.বি.দি. পাঙথোক্নবা খঙহনখি। লৈবাক্কী থাক্তা লৈবা কম্মিতী অমসু চাং নাইনা হকশেল অমসুং য়াইফ-য়ুম্বাল মন্ত্রালয়না রাজ্য/য়ুনিয়ন তেরিতোরীশিংদা ঈ মতীক চানা লৈবা লৈতবগী মতাংদা য়েংশিন্নবা শেমখি। অখন্নবা প্রোবিজনশিংসু হকশেল অমসুং য়াইফ-য়ুম্বাল মন্ত্রালয়না মতেং পাংদুনা ঈ দান তৌবশিং, ব্লদ মোবাইল অমসুং ঈ পুবা ভেনশিংগী চত্থোক চৎশিন্দা অকাইবা পীদনবা শেমখি। ব্লদ দোনর এপ্পোইন্তমেন্ত লেত্তর অমসুং পর্মিসন লেত্তরসু ঈ দান তৌবশিং অমসুং ঈ খোম্বা মোবাইল তীমশিংনা কোম্না চত্থোক চৎশিন তৌবা য়ানবগীদমক পীখি।

থলাসেমিয়া অমসুং সিক্কল সেল দিজিজ নাবশিংগী রেজিস্ত্রেসন তৌবসু ই.রক্তকোশ পোর্তেলদা মখোয়গী তঙাইফদবা অমসুং ঈ ফংবগী চাং য়েংদুনা ব্লদ সেন্তরশিংদা পাউ ফাওনহনখি। ব্লদ সেন্তরশিংবু তেস্ত তৌরবা ঈ অমসুং ঈগী কম্পোনেন্তশিং লাইসেন্স পীরবা ব্লদ সেন্তরশিংগা ব্লদ স্তোরেজ সেন্তরশিংগা মতম চানা অনাবশিংদা ঈ পীবা য়ানবা প্রোবিজনশিং শীজিন্নবা য়াবগী খুদোংচাবা পীখি।

তোঙান-তোঙানবা সরকারগী বিভাগশিং, ইন্দিয়ন রেদ ক্রোস সোসাইতী, ব্লদ দোনর এসোসিএসন, প্রোফেসনেল এসোসিএসনগুম্বা ভোলুন্তরী ওর্গনাইজেসন অমসুং অতোপ্পা স্তেকহোল্দরশিংগা লৈবাক অসিদা অশোই অঙাম য়াওদনা ঈ দান তৌবা য়ানবগী মতাংদা মীয়াম ভাপ তাহনবা অমসুং ঈ দান তৌবা য়ানবা খোংথাং কয়া লৌখৎখি। সরকার অসিনা ব্লদ দোনেসন কেম্প, ভি.বি.দি.গী থৌরম পাঙথোকপা অমসুং য়ুনিবর্সিতী অমসুং কোলেজশিংগী নেহরু য়ুব কেন্দ্র সংস্থান, নেসনেল সর্বিস স্কিম, রেদ রিব্বোন ক্লবশিংগা লোইননা নহাশিংবু ৱাখল তাহন্নবা হোৎনবদা পুক্নিং থৌগৎখি। সরকার অসিনা চহী অমদা স্পিসিএল কেজুএলতী লেব অনী পীদুনা সেন্ত্রেল গবর্ন্মেন্ত ইমপ্লোইয়ীশিংনা ঈ দান তৌবা য়ানবা প্রোবিজন অমা শেমখি।

সরকারগী পোলিসীদি জিল্লা অমদা ব্লদ সেন্তর অমা লৈহনবা অমসুং লৈবাক অসিগী জিল্লা ৬৩ নত্তনা অতৈ খুদিংমক্তা ব্লদ সেন্তর ফেসিলিতী লৈহনবনি। অদুবু হায়রিবা জিল্লাশিং অসিদসু ঈ অমসুং ঈগী কম্পোনেন্তশিং মনাক নকপা জিল্লাগী ব্লদ সেন্তরশিংদগী অদুমক ফংলি।

পাউদম অসি রাজ্যগী (হকশেল অমসুং য়াইফ-য়ুম্বাল) মন্ত্রী, শ্রী অস্বিনি কুমার চৌবেনা লোক সভাদা ঙসি অইবা পাউখুম ওইনা পীখিবনি।

*****

(Release ID: 1658353) Visitor Counter : 86