কেন্দ্রগী অৱাং নোংপোক লমদম চাউখৎ থৌরাং মন্ত্রালয় (দোনর)গী রাজ্যগী মন্ত্রী (ইন্দিপেন্দেন্ত চার্জ), এম.ও.এস. পার্সনেল, পব্লিক গ্রিভান্সেস, পেন্সন, ইতোমিক ইনর্জী অমসুং স্পেস মন্ত্রী দা. জিতেন্দ্র সিংহনা ঙসি লোক সভাদা অইবা পাউখুম ওইনা হায়খি মদুদি নেস্নেল বেম্বু মিসন (এন.বি.এম.)গী শেমদোক্লবা মওংদা অৱাং নোংপোক লমদম য়াওনা রাজ্য ২৩দা পায়খৎলি।

মিসন অসিগী মখাদা, ৱাগী পোত্থোকশিংবু শৌগৎনবগীদমক, ৱাগী ভেল্যু হেনগৎনবা প্রোসেসিং য়ুনিৎ ১৭২, ৱাগী অরেম্বশিংগী মেনেঞ্জমেন্তকীদমক প্রাইমরী প্রোসেসিং য়ুনিৎ ৯৭ অমসুং মাইক্রো/মেদিয়ম প্রোসেসিং য়ুনিৎ ৭৪৬ ২০১৮-১৯দগী ৩১.০৮.২০২০ ফাওবদা অয়াবা পীখ্রে। কেন অমসুং বেম্বু তেক্নোলোজী সেন্তর (সি.বি.তি.সি.)সু অৱাং নোংপোক লমদমদা ক্লস্তর ১৬ শেমখ্রে। হৌখিবা চহী মরিরোমসিদা, দোনর মন্ত্রালয় অমসুং এন.ই.সি.না অসমগী দিমা হসাওদা বেম্বু ইন্দস্ত্রিএল পার্ক অমা য়াওনা লুপা করোর ১৩৪গী ওইগদবা প্রোজেক্ত ১৭কী শেল কাইথখি। ভারত সরকারগী কেন অমসুং বেম্বু তেক্নোলোজী সেন্তর, নোর্থ ইস্তর্ন হেন্দিকারফ অমসুং হেন্দলুম দিবেলপমেন্ত কোর্পোরেসন লিমিতেদ অমসুং নেস্নেল বেম্বু মিসন্না লৌউশিংউ অমসুং লৌমীশিংগী য়াইফ থৌরাং মন্ত্রালয়না ৱাগী পোত্থোক হেনগৎনবগীদমক ৱেবিনার, ৱার্কশোপ অমসুং থৌরম কয়া পাঙথোক্লি।

২০১৮-১৯দা শেমখিবা রিস্ত্রকচর্দ নেস্নেল বেম্বু মিসন্দা ই.ত্রেদিং য়াওনা কৈথেলদা পুথোক্নবগী প্রোবিজনশিং য়াওরি। স্তেকহোল্দর কয়াদা enam.gov.in অমসুং gem.gov.in পোর্তেল হেন্না কান্নবা অতোপ্পা ওনলাইন সিস্তেম শেম্নবা অমসুং কৈথেলদা পুথোকপা অমসুং লৈশিনবগী থবক্কীদমক শীজিন্ননবা খঙহনখি। নেস্নেল বেম্বু মিসনগী মখাদা ২০১৮-১৯দগীনা ৩১.০৮.২০২০ফাওবদা ৱা পুথোকপা অমসুং ই-ত্রেদিং তৌনবগীদমক ৱাগী মন্দি (বেম্বু মার্কেৎ প্লেস) ২১ অয়াবা পীখি। মসিগা মান্ননা, ৱাগী পোত্থোক হেনগৎনবগীদমক নোর্থ ইস্তর্ন হেন্দিক্রাফ অমসুং হেন্দলুম দিবেলপমেন্ত কোর্পোরেসন লিমিতেদনা ওনলাইন শোপ্পিং পোর্তেল হাংদোকখি।

*****

(Release ID: 1657376) Visitor Counter : 93