লৌউ-শিংউ মন্ত্রালয়

পি.এম.এফ.বি.ৱাই.গী মখাদা মতম চানা ক্লেম পীথোকপা

Posted On: 18 SEP 2020 3:16PM by PIB Imphal

রাজ্য/য়ু.তি. খরনা প্রিমিয়ম সবসিদীগী শ্যার পীথোকপদা মতম থেংথবা অসিনা প্রধান মন্ত্রী ফসল বিমা য়োজনা (পি.এম.এফ.বি.ৱাই.)গী ক্লেম মতম চানা পীথোকপদা থিন্থহনবগী মরম অমনি।

পি.এম.এফ.বি.ৱাই.গী থবক তৌবগী কাঙলোনশিংদা মসিগী ক্লেমশিং মতম চানা পীথোকপা ঙম্নবা রাজ্য সরকারশিংনা প্রিমিয়ম সবসিদীগী শ্যার মতম চানা পীথোক্কদবনি হায়না পল্লি। অদুবু অসম, বিহার, আন্ধ্র প্রধেশ, তেলঙ্গানা, মধ্য প্রদেশ, রাজস্থান, নোংচুপ বেঙ্গোল, গুজরাতকুম্বা রাজ্যশিংনা মরম অমা নত্ত্রগা অতোপ্পা মরম অমদগী মখোয়গী শ্যার থাদোকপদা থেঙবদগী ক্লেম পীথোকপদসু থেঙথহল্লিবনি।

বিভাগ অসিনা স্তেকহোলদরশিংগা চয়োল খুদিংগী ওইনা মরী লৈনবা মীওই অমমমগা মীফম নত্ত্রগা ভিদিও কনফরেন্সিং তৌদুনা মতম চানা ক্লেমশিং পীথোকপগী থৌওংশিং য়াওনা পি.এম.এফ.বি.ৱাই.গী থবক পাঙথোকপগী হীরমশিং চাং নাইনা য়েংশিন্দুনা লাক্লি। কাঙলোন ইন্দবা রাজ্যশিংদা মতম মতমগী মতুং ইন্না মখোয়গী পীথোকফম থোকপা শ্যারশিং পীথোক্নবা হায়দুনা অইবা চে ওইনা পীদুনা লাক্লি। মসিগী মথক্তা রাজ্য/য়ু.তি.শিংনা মখোয়গী প্রিমিয়ম সবসিদীগী শ্যার পীথোকপদা থেঙবগী ওইনা @১২%গী চাংদা শেন্দোই থীহনবগী চৈরাক পীবগী থৌওংসু রিবাইজদ ওপরেস্নেল গাইদলাইন্দা পল্লি। মসিগী মখা তাবা ওইনা খরিফ ২০২০দগী চৎনবা হৌগদবা শেমদোক্লবা কাঙলোন অসিগী মতুং ইন্না অপীবা মতমগী মনুংদা শ্যার পীথোক্তবা রাজ্যশিং অসি লাক্কদৌরিবা কুমদা শরুক য়াহন্দবগী থৌওংসু য়াওরি।

স্তেকহোলদরশিংগা কুপ্না খন্নরবা তুংদা সরকারনা হন্দক্তা খরিফ ২০২০ কুমগী চত্থগদবা প্রধান মন্ত্রী ফসল বিমা য়োজনা (পি.এম.এফ.বি.ৱাই.) অমসুং রীস্ত্রকচরদ ৱেদর বেজ ক্রোপ ইন্স্যুরেন্স স্কিম (আর.দবল্যু.বি.সি.আই.এস.)গী মওং শেমদোকপগী পয়াবা পীখ্রে। স্কিমশিং অসিদা লাক্কদৌরিবা অহোংবশিং অসি মখাদা পীরি।

পি.এম.এফ.বি.ৱাই.না কোনবশিং হেনগৎহন্নবা হায়দুনা পি.এম.এফ.বি.ৱাই.গী থবক ওইনা পাঙথোকপগী কাঙলোনশিং অসিদা লৌউবশিংদা মরী লৈনবা ই-পাউশিং খঙহনবগী থৌওংশিং য়াওরি।  মসিগী মতুং ইন্না মরু ওইনা রাজ্য, থবক পাঙথোকপদা তেংবাংগদবা ইন্স্যুরেন্স কম্পেনীশিং, ফাইনেন্সিএল ইন্সতিত্যুসনশিং অমসুং কম্মন সর্বিস সেন্তর (এস.সি.এস.) নেৎৱর্কশিংগী য়াওনা স্তেকহোলদর খুদিংনা খুঙ্গংগী মফমশিংদা ক্রোপ ইন্স্যুরেন্স স্কিমগী মতাংদা লৌউবশিংদা মরী লৈনবা ৱাফম কয়া খঙহনবগী থৌওংশিংদা থৱাই য়াওনা শরুক য়ানবা সরকারনা থবক কয়া পায়খৎখ্রে। খরিফ ২০২০দগী হৌনা লৌউবশিংনা স্কিম অসিগী মনুং চনবা অসি মখোয়গী অপাম্বগী মতুং ইনবা ওইখিবদগী মখোয়গী লিচৎ হোঙদোক্নবা পাউ ফাওনবগী থবকশিং অসি প্রিন্ত, ইলেক্ত্রোনিক, দিজিতেল অমসুং সোসিএল মীদিয়ানচিংবা মীদিয়াগী খুৎলাইশিংগী খুত্থাংদা পাঙথোকখি। মোবাইল ইনফোর্মেসন, এজুকেসন অমসুং কম্ম্যুনিকেসন (আই.ই.সি.)গী গারিশিং শিজিন্নদুনা খরিফ ২০২০বু গ্রাস রুৎ লেবেলদা পাঙথোকপা ঙম্নবা লৌউবশিংবু পুক্নিং থৌগৎত্তুনা স্কিম অসিগী মনুংদা য়াওহন্নবা থৌওং কয়াসু চত্থখি।

স্কিম অসিগী কাঙলোনশিংদা ময়েক শেংনা পল্লিবা অসিগী মতুং ইন্না ইন্স্যুরেন্স কম্পেনীশিংনা মখোয়না খোমগৎলিবা অপুনবা প্রিমিয়মগী ০.৫%গী চাংদি আই.ই.সি.গী থবকশিংদা শোইদনা শিজিন্ননবা হায়খ্রে অমসুং মসিনা লৌউবশিংদা ইন্স্যুরেন্সকী মতাংদা নীংথিনা খঙহন্দুনা অচুম্বা ৱারেপ লৌবদা তেংবাংহনগনি।

মসিদা নত্তনা ই-পাউ খঙহনবগী ওইনা পাঙথোকপা অতোপ্পা থৌওংশিংগী মনুংদা মমিং চৎপা খবরশিং/লোকেলগী খবরশিং/ ওদিও বিজুএল মীদিয়াগী থোঙদা ই-পাউ শন্দোকপা, মফম মফমগী লোলশিংদা নম্বা চেরোল চায়থোকপা, লৌউশিংউবগী মেলা/গোস্তি শিংদা শরুক য়াহনবা, কিসান পোর্তেল/নেস্নেল ক্রোপ ইন্স্যুরেন্স পোর্তেলগী থোঙদা এস.এম.এস. থাবা অমসুং রাজ্যগী ওফিসিএলশিং, ফাইনেন্সিএল ইন্সতিত্যুসনশিং অমসুং লৌউবশিংগী ৱর্ক্সোপ/ত্রেনিং শিনবগী থৌওং কয়াগী খুত্থাংদা স্কিম অসিগী মওংশিং অমসুং কান্নবা কয়া খঙহনবগী থৌওং কয়া অমা য়াওরি।

ক্রোপ ইন্স্যুরেন্স এপ অসিদা লৌরোক মাঙজবগী মতাংদা ৱারোল তাকপা থৌওং পুন্সিনবা অসিনা লৌউবশিংনা অপীবা মতমগী মনুংদা মফম মফমগী ওইনা থোকপা খুদোংচাদবা কয়াগী মরম ওইদুনা লৌরোক্তা অকায় অতোয় থোকপগী ৱারোলশিং তাকপদসু তেংবাংলি।

সরকারনা পি.এম.এফ.বি.ৱাই.গী মরু ওইবা মওংশিংগী মতাংদা তাক্নবা ওদিও-বিজুএলগী তেংবাং কয়া অমসু হৌদোক্লি অমসুং কোবিদ-১৯না ওইহনবা লোকদাউনগী মনুংদা অহোংবা নাইবা সোসিএল অমসুং দিজিতেল মীদিয়াগী খুত্থাংদা হীরম অসিগী মতাংদা খুমাং চাউশিলহন্নবা থৌওং কয়া অমসু পাঙথোকখি।

অসিগুম্বা কেন্দ্র, রাজ্য সরকার অমসুং অতোপ্পা স্তেকহোলদরশিংনা পাঙথোক্লিবা থৌওংশিং অসিগী মতেংনা স্কিম অসিনা কোনবগী অপুনবা অসি ইং ২০১৫-১৬গী মতমদুগী স্কিমশিংনা কোল্লম্বা ২৩%দগী গ্রোস ক্রোপ এরিয়া (জি.সি.এ.) ৩০%গী চাংদা হেনগৎলে। লোন ফঙদবা লৌউবশিংনা শরুক য়াবগী চাংসু মতমদুদা চৎনরম্বা স্কিমশিংদা ৫% ওইরম্বদগী পি.এম.এফ.বি.ৱাই.গী মখাদা ৩৭%গী চাংদা হেনগৎলে। মসিগী ই-পাউ খঙহনবগী থৌওংশিং অসিনা স্কিম অসি চৎনরিবা রাজ্যশিং, মরু ওইনা তমিল নাদু, মহারাস্ত্রা, ছতিসগর, করনাতকা, মধ্য প্রদেশ, হরয়ানা, ওরিশা, আন্ধ্র প্রদেশ, রাজস্থান্নচিংবগী লৌউবশিং য়াওনা স্তেকহোলদর খুদিংদা মগুন অমসুং মশিংগী মতাংদা অহোংবা কয়া অমা পুরকপা ঙম্লে।

  • স্কিম অসিদা শরুক য়াবগী থৌওংশিং, কবর তৌবা রিস্কশিং, তোঙান তোঙানবা লৌরোকশিংগী প্রিমিয়মগী মমলশিং, ক্লেম থাবগী অমসুং ক্লেম ফংবগী মতাংদা লৌউবশিং অমসুং স্তেকহোলদরশিংগী লৌশিং য়াম্না হেনগৎলে।
  • রাজ্য সরকারশিং, বেঙ্কশিং, সি.এস.সি.শিং, পঞ্চায়তি রাজ ইন্সতিত্যুসনশিং অমসুং মরী লৈনবা ইন্স্যুরেন্স কম্পেনীশিংগী মরক্তসু খুৎশম্নবা অমসুং তেংবাংনবগী চাং য়াম্না হেনগৎলে।
  • স্কিম অসিগী চমম্নবশিংগী মতাংদা লৌউবশিংগী লৌশিংসু য়াম্না হেনগৎলে।
  • খরিফ ২০২০দগী হৌনা মশানা পামজনা য়াওজরকপা লৌউবশিংনা স্কিমগী মনুংদা লেন্দনা লৈবগী থৌওংসু হেনগৎলে।
  • অকক্নবা মতমগী মনুংদা ৱাকৎ কয়াগী ৱারোইশিন পুরকপগী থৌওংসু মাই-পাক্না পাঙথোক্লে।
  • লৌউবশিংনা পি.এম.এফ.বি.ৱাই.দা থাজবগী থাকসু য়াম্না ৱাংখৎলে।
  • লৌউবশিংবু নীংথিনা খঙহন্নবা হায়দুনা গ্রাস রুৎ লেবেলদা পাঙথোকপা ওনলাইন ত্রেনিংশিংনা মশাগী ৱাখল ফোঙদোকপা ঙম্বা অমসুং অহৈবা ত্রেনর কয়া পুথোকপা ঙম্লে।
  • পি.এম.এফ.বি.ৱাই.গী মরু ওইবা ৱাফম কয়াবু ওনলাইনগী খুন্নাই অমসুং অতোপ্পা স্তেকহোলদরশিংগী মরক্তা শন্দোক্নবা সোসিএল অমসুং দিজিতেল মীদিয়া নীংথিনা শিজিন্নবা।

মসিগী ৱাফমশিং অসি কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রী শ্রী নরেন্দ্র সিংহ তোমারনা ঙসি রাজ্য সভাদা অইবা পাউখুম ওইনা পীখিবনি।

****

এনেক্সর

 

খরিফ ২০২০দগী হৌনা চৎনবা হৌগদবা পি.এম.এফ.বি.ৱাই. অমসুং আর.দবল্যু.বি.সি.আই.এস.কী হীরমশিংদা শেমদোকখিবশিং

 

  • লৌউবশিংগী অপাম্বশিং ফংহন্নবা হায়দুনা স্কিম অসি মখোয়না অপাম্বগী মতুং ইন্না শরুক য়াবগী খুদোংচাবা পীরি। অদুবু মসিনা লৌউবশিংগী প্রিমিয়মগী শরুক্তদি অহোংবা লৈতে।
  • কেন্দ্র সরকার অমসুং অৱাং-নোংচুপ রাজ্যশিংগী মরক্তা লৈরিবা সবসিদি প্রিমিয়ম য়েন্নবগী মওং অসি ৫০:৫০ দগী ৯০:১০দা হোংদোকখ্রে। মসিগী থৌওং অসিনা রাজ্য অহেনবনা স্কিম অসিগী মরমদা খঙহনবা, মসিদা শরুক য়ারিবা রাজ্যশিংনা লৌরোক অহেনবগী মরমদা খঙহনবা অমসুং স্কিম অসিগী মখাদা লৌউবগী মশিং হেন্না য়াওহন্নবা পান্দম থম্বনি। লেমহৌরিবা রাজ্যশিংগী ওইনা সবসিদী য়েন্নবগী মওং অসিদি ৫০:৫০দা অদুমক লৈগনি।
  • করিগুম্বা খেন্নবা থৌওংগী মরম অইদুনা লৌরোক/মফম খরগী প্রিমিয়মগী মমল ৱাংবা অসিগী মতাংদা খন্ননবা হায়দুনা তঙাই ফদবা প্রিমিয়ম সবসিদীগী কেন্দ্রগী শরুক অসি (অৱাং-নোংপোক্কী রাজ্যশিংগীনা ৯০:১০ অমসুং অতোপ্পা রাজ্যশিংগী ৫০:৫০) ঈশিং পীবগী পথাপ লৈবা লৌরোক/মফমগী ওইনা অপুনবা প্রিমিয়মগী মমলগী ২৫% অমসুং ঈশিং পীবগী পথাপ লৈতবা লৌরোক/মফমগী ওইনা ৩০%গী চাংদা পীগনি। মসিগী মথক্তা মসিগে লৌরোক/মফমশিংগী ওইনা খুদোংচাদবা হন্থহনবদা তেংবাংনবা থৌওংশিংসু পাঙথোক্কনি।
  • ইন্স্যুরেন্স কম্পেনীশিং অসি হান্না চহি ১ ওইরম্বা অদুগী মহুত্তা হৌজিক্তি রাজ্যশিংনা চহি ৩গী ওইনা খল্লগনি অমসুং মসিনা মখোয়বু লৌউবশিংনা থাজবা হেনগৎহল্লগনি।
  • লৌউবা খুন্নাইগী নুংঙাইবদা য়েংদুনা অপুনবা লৌরোক্কী চাংচৎকী ওইবা বেল্যু খনবগী খুদোংচাবা অসি রাজ্যশিংদা পীরগনি নত্ত্রগা ফাইনান্সকী স্কেল অসিনা সম ইন্স্যুরদ ওইহল্লগনি।
  • রাজ্য কয়াগী অপাম্বা য়েংলদুনা ফত্তবা অইং-অশা অমসুং লৌউবশিংগী তঙাই ফদবগী মখা পোন্দুনা লৌরোক হন্থবগী থৌওং থোকপা মতমদা রাজ্যশিংনা অতোপ্পা রিস্ক কবর খনবগী খুদোংচাবা লৈহল্লগনি।
  • অপীবা মতমগী মনুংদা সবসিদী পীথোক্তবা রাজ্যশিংনা মথংগী কুমদা শরুক য়াবা য়াহল্লরোই।
  • ৱেদর অমসুং সেতিলাইৎ ইন্দিকেতরশিংনচিংবা শিজিন্নদুনা লৌরোক কয়া থোক্কনি হায়বগী মাংজৌননা খঙদোকপগী থাক-অনিগী থৌওং পাঙথোক্তুনা মাংজবা লৈগদবদগী মতাংদা হান্না খঙদোকপা য়ারগনি।
  • রাজ্য খরনা লৌরোক খাওবগী থৌওংশিং সেতিলাইতকী দেতাগী খুত্থাংদা স্মার্ত সেমপ্লিং তেক্নিক শিজিন্নবা অসিনা থবক পাঙথোকপদা লায়হনবগী ফিভম উৎলি। মসিগী থৌওং অসি মীয়াম পুম্বদা শিজিন্নহল্লগনি।
  • রাজ্য খরনা লৌরোক লোকপগী দেতা পীশিনবা থেঙবা অসি তেক্নোলোজীগী ৱারোইশিন শিজিন্নদুনা চানবা মওংদা থেংনরগনি।
  • তেক্নোলোজী অমসুং ইনফ্রাস্ত্রকচর শিজিন্নদুনা স্কিম অসিগী থৌওং মাই-পাক্না পাঙথোকহন্নবগীদমক্তা এদ্মিনিস্ত্রেসনগী ৩% গী চাংদা চাদিং তৌনবা খাক্লগনি।
  • ইন্স্যুরেন্স কম্পেনীশিংনা মখোয়না খোমগৎলিবা অপুনবা প্রিমিয়মগী ০.৫%গী চাংদি আই.ই.সি.গী থবকশিংদা শোইদনা শিজিন্ননবা অমসুং লৌউবশিংদা ইন্স্যুরেন্সকী মতাংদা নীংথিনা খঙহন্দুনা অচুম্বা ৱারেপ লৌবদা তেংবাংহনগনি।
  • তেক্নোলোজী শিজিন্নদুনা মনুং ফাওনা উবা অমসুং ক্লেমশিংবু ঙন্না লোইশিন্নবা লৌরোক লোকপা অমসুং মাঙবগী মতাংদা খঙহল্লগনি।

****



(Release ID: 1656280) Visitor Counter : 91


Read this release in: English , Tamil